BTV NEWS

សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី

TOP STORY | សម្ដេចតេជោចេញសារដាស់តឿនដល់ជនរួមជាតិកម្ពុជាត្រៀមខ្លួនវាយចោរឈ្លានពានទឹកដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

នយោបាយ និង ការអភិវឌ្ឍន៍

មនី្ទរពេទ្យព្រះអង្គឌួង នឹងសម្ពោធដាក់ឲ្យប្រើប្រាស់ជាផ្លូវការអគារព្យាបាលត្រចៀក ច្រមុះ បំពង់ក មិត្តភាពកម្ពុជា-កូរ៉េចុងខែមីនា ឆ្នាំ២០២២ខាងមុខនេះ

ភ្នំពេញ៖ អគារព្យាបាលត្រចៀក ច្រមុះ បំពង់ក នៃមនី្ទរពេទ្យព្រះអង្គឌួង មានកម្ពស់៥ជាន់ ដែលជាជំនួយរបស់រដ្ឋាភិបាលកូរ៉េខាងត្បូង នឹងសម្ពោធដាក់ឲ្យប្រើប្រាស់ជាផ្លូវការ នាចុងខែមីនា ឆ្នាំ២០២២នេះ។រដ្ឋមន្រី្តក្រសួងសុខាភិបាល ឯកឧត្តម សាស្រ្តាចារ្យ ម៉ម ប៊ុនហេង អមដំណើរដោយលោកសាស្រ្តាចារ្យ លូ លីឃាង នាយកមនី្ទរពេទ្យព្រះអង្គឌួង រួមនឹងថ្នាក់ដឹកនាំ កាលពីរសៀលថ្ងៃទី១១ ខែមីនា ឆ្នាំ២០២២ បានចុះពិនិត្យ និងវាយតម្លៃអំពីដំណើរការគម្រោងសាងសង់អគារព្យាបាលត្រចៀក ច្រមុះ បំពង់ក នៅក្នុងមនី្ទរពេទ្យព្រះអង្គឌួង ដែលត្រូវដាក់ឲ្យដំណើរការពិនិត្យ ព្យាបាលជំងឺជូនប្រជាពលរដ្ឋ ផ្នែកត្រចៀក ច្រមុះ បំពង់ក នៅថ្ងៃទី២៨ ខែមីនា ឆ្នាំ២០២២ខាងមុខនេះ។ឯកឧត្តមសាស្រ្តាចារ្យ ម៉ម ប៊ុនហេង បានថ្លែងថា អគារថ្មី ព្យាបាលត្រចៀក ច្រមុះ បំពង់ក នៅក្នុងមនី្ទរពេទ្យព្រះអង្គឌួងនេះ ជាជំនួយឥតសំណង់របស់សាធារណរដ្ឋកូរ៉េ ខាងត្បូង តាមរយៈទីភ្នាក់ងារសហប្រតិបតិ្តការអន្តរជាតិកូរ៉េ ហៅកាត់ថា កយកា (KOICA) ដែលជាចំណងមិត្តភាពសាមគ្គីភាពរបស់ភាគីកូរ៉េ និងកិច្ចខិតខំប្រឹងប្រែងរបស់បុគ្គលិកសុខាភិបាលរបស់យើងដែលបំពេញការងារនៅទីនេះហើយក៏ជាតម្រូវការមួយសម្រាប់ប្រជាពលរដ្ឋយើងមកទទួលការថែទាំផ្នែកត្រចៀក ច្រមុះ បំពង់ក(ENT)ផងដែរ។ ជាទូទៅមនី្ទរពេទ្យព្រះអង្គឌួងជាផ្នែកមួយនៃមនី្ទរពេទ្យមជ្ឈឹម ដែលទទួល និងផ្តល់សេវាសុខាភិបាលច្រើន ជូនទៅប្រជាពលរដ្ឋ ក៏ដូចជាកម្មករនិយោជិក ហើយក៏សូមជូនពរដល់បុគ្គលិកនៃមនី្ទរពេទ្យព្រះអង្គឌួង និងភាគីកូរ៉េ ទទួលបានសុខភាពល្អ និងជោគជ័យក្នុងការបំពេញភារកិច្ច ខាងសាងសង់ និងខាងបម្រើសុខភាពប្រជាពលរដ្ឋ សមស្របតាមគោលនយោបាយរបស់រាជរដ្ឋាភិបាល និងឆ្លើយតបតាមតម្រូវការរបស់ប្រជាពលរដ្ឋឲ្យបានគ្រប់គ្រាន់។ដោយឡែកបើតាមលោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង បានឲ្យដឹងថា អគារព្យាបាលត្រចៀក ច្រមុះ បំពង់ក ថ្មីនេះ បានចាប់ផ្តើមសាងសង់នៅខែមីនា ឆ្នាំ២០២០ ក្រោមហិរញ្ញប្បទានឥតសំណងរបស់សាធារណរដ្ឋកូរ៉េ ប្រមាណ ៨លានដុល្លារអាមេរិក ព្រមទាំងបំពាក់សម្ភារៈបរិក្ខារវេជ្ជសាស្រ្តទំនើប ដើម្បីពិនិត្យព្យាបាល និងវះកាត់ ធ្វើយ៉ាងណាបង្កើនគុណភាពសេវាកម្ម ក្នុងមន្ទីរពេទ្យព្រះ អង្គឌួង ឱ្យល្អប្រសើរមួយកម្រិតទៀត។សូមរំលឹកផងដែរថា នៅក្នុងបរិបទនៃការរីករាលដាលនៃជំងឺកូវីដ-១៩ ទីភ្នាក់ងារសហប្រតិបតិ្តការអន្តរជាតិកូរ៉េ ហៅកាត់ថា កយកា (KOICA) បាននិងកំពុងគាំទ្រយ៉ាងសកម្ម ដល់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងជំងឺកូវីដ-១៩ ក៏ដូចជាការដោះស្រាយផលប៉ះពាល់នៃជំងឺជំងឺ-១៩ ចាប់តាំងពីឆ្នាំ២០២០មក។ ដោយឡែកសម្រាប់ឆ្នាំ២០២២នេះ កយកា-KOICA ផ្តល់រថយន្តសង្គ្រោះ និងឧបករណ៍ធ្វើតេស្តរហ័ស ដល់ក្រសួងសុខាភិបាលកម្ពុជាផងដែរ៕អត្ថបទ រដ្ឋា

នាយឧត្តមសេនីយ៍ ឥត សារ៉ាត់ រំលឹកដល់ទាហានបន្តវេនត្រូវផ្សព្វផ្សាយបន្តពីសារៈសំខាន់នៃតម្លៃសន្តិភាព

ភ្នំពេញ៖ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ បានក្រើនរំឮកដល់នាយទាហាន ពលទាហានបន្តវេននៅបញ្ជាការដ្ឋានពិសេស ត្រូវជួយផ្សព្វផ្សាយបនុ្តអំពីសារៈសំខាន់នៃសន្តិភាព ហើយត្រូវទប់ស្កាត់បុគ្គលណាដែលមានបំណងចង់បំផ្លាញសន្តិភាព។នៅក្នុងពិធីបិទវគ្គហ្វឹកហ្វឺនជំនាញឆត្រយោង ជំនាន់ទី៣២, វគ្គហ្វឹកហ្វឺនបំប៉នជំនាញឯកទេសមុជទឹក ជំនាន់ទី៥, វគ្គហ្វឹកហ្វឺនបំប៉នបាញ់គ្រាប់ពិតអាវុធថ្មើរជើង អាវុធ SNIPER និងបើកវគ្គហ្វឹកហ្វឺនបណ្តុះបណ្តាលជំនាញកុម៉្មង់ដូជំនាន់ទី១១ ស្ថិតនៅភូមិដូង ឃុំតាសាល ស្រុកឱរ៉ាល់ ខេត្តកំពង់ស្ពឺ នៅព្រឹកថ្ងៃទី១០ ខែមីនា ឆ្នាំ២០២២នេះ នាយឧត្តមសេនីយ៍ ឥត សារ៉ាត់ បានលើកឡើងថា«ទទួលបានប្រយោជន៍ពីសុខសន្តិភាព មានការអភិវឌ្ឍ យើងទាំងអស់គ្នា ត្រូវតែដឹងគុណសុខសន្តិភាព និងអរគុណសន្តិភាព យើងត្រូវតែបន្តរក្សាសុខសន្តិភាពនេះឱ្យបានគង់វង្សរហូត ហើយត្រូវប្រឆាំងដាច់ខាតចំពោះបុគ្គលណា ក្រុមណាដែលហ៊ានប្រព្រឹត្ត ឬមានមហិកតា បំផ្លាញសុខសន្តិភាព»។នៅក្នុងពិធីនេះដែរ នាយឧត្តមសេនីយ៍ បានលើកឡើងទៀតថា ដោយសារនយោបាយឈ្នះ ឈ្នះ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានេះហើយ បានធ្វើឱ្យប្រទេសជាតិ បញ្ចប់សង្រ្គាមស៊ីវិលទាំងស្រុងចាប់តាំងពីឆ្នាំ១៩៩៨ រហូតមកដល់បច្ចុប្បនេះ ហើយកត្តាសន្តិភាពនេះ ធ្វើឱ្យប្រជាជនខ្មែរទាំងអស់ រស់នៅដោយសុខក្សេមសាន្ត មានជីវភាពល្អប្រសើរ ប្រទេសជាតិមានការរីកចម្រើនលើគ្រប់វិស័យ។នាយឧត្តមសេនីយ៍ បានបន្តថា បើប្រទេសជាតិមិនមានសន្តិភាពទេនោះ ការរស់នៅរបស់ប្រជាជនក៏ពុំបានសុខ ប្រទេសជាតិក៏គ្មានការអភិវឌ្ឍរីកចម្រើនដូចសព្វថ្ងៃនេះ ដូច្នេះ ក្នុងនាមជាប្រជាពលដ្ឋគ្នាត្រូវរួមសាមគីគ្នាការពារឱ្យបាននូវសុខសន្តិភាព ដែលកម្ពុជារកបានដោយលំបាក ចាប់តាំងពីបាតដៃទទេរហូតមានការរីកចម្រើនមកដល់បច្ចុប្បន្ននេះ។ទន្ទឹមនឹងនេះដែរ នាយឧត្តមសេនីយ៍ ឥត សារ៉ាត់ បានថ្លែងទៅកាន់គណៈគ្រប់គ្រង យោធាចារ្យ អ្នកបម្រើការរួមទាំងនាយទាហានបន្តវេននៅបញ្ជាការដ្ឋានកងទ័ពពិសេស ដែលបានបញ្ចប់វគ្គបណ្តុះបណ្តាលទាំងអស់ត្រូវ «អរគុណសន្តិភាព អរគុណនយោបាយឈ្នះឈ្នះ និងដឹងគុណស្ថាបនិកមគ្គុទេសក៍ឯក នយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ»។ ដោយសាតែនយោបាយឈ្នះ ឈ្នះ ទើបប្រទេសយើងមានសុខសន្តិភាព ពិតប្រាកដ និងមានការអភិវឌ្ឍរីកចម្រើនលើគ្រប់វិស័យរហូតមកដល់សព្វថ្ងៃនេះ៕អត្ថបទ៖ បាន ចក់

រដ្ឋបាលខណ្ឌទួលគោក បន្តចែកអំណោយជូនដល់បងប្អូនប្រជាពលរដ្ឋដែលខ្វះខាតចំនួន ៣០គ្រួសារ

ភ្នំពេញ៖ លោក ជា ពិសី អភិបាលនៃគណៈអភិបាលខណ្ឌទួលគោក និងលោក ហួរ ហួត អនុប្រធានគណៈកម្មាធិការអនុសាខាកាកបាទក្រហមខណ្ឌទួលគោក នៅថ្ងៃម្សិលមិញ បានចុះសួរសុខទុក្ខ និងចែកអំណោយដ៏ថ្លៃថ្លារបស់កាកបាទក្រហមកម្ពុជា ជូនបងប្អូនប្រជាពលរដ្ឋដែលខ្វះខាតចំនួន ៣០គ្រួសារ ក្នុងសង្កាត់ផ្ដារដេប៉ូទី១ ខណ្ឌទួលគោក រាជធានីភ្នំពេញ។ក្នុងឱកាសនោះដែរ លោក ជា ពិសី អភិបាលខណ្ឌទួលគោក បានណែនាំឲ្យបងប្អូនប្រជាពលរដ្ឋ ចូលរួមទប់ស្កាត់ការរីករាលដាលជំងឺកូវីដ-១៩ បំប្លែងថ្មី អូមីក្រុង ទាំងអស់គ្នា ដោយត្រូវអនុវត្តឲ្យបានខ្ជាប់ខ្ជូន នូវវិធានរបស់ក្រសួងសុខាភិបាល និងអនុវត្តន៍៣កុំ និង៣ការពារ ដូច្នេះយើងត្រូវចូលរួមទប់ស្កាត់ទាំងអស់គ្នា។អំណោយដែលត្រូវប្រគល់ជូនបងប្អូនប្រជាពលរដ្ឋ ដែលខ្វះខាតចំនួន ៣០គ្រួសារ ក្នុងមួយគ្រួសារទទួលបាន អង្ករ២៥គីឡូក្រាម ទឹកស៊ីអ៊ីវ១យួរ ត្រីខ១យួរ ជែលលាងដៃ១ដប ម៉ាស់១កញ្ចប់ ថ្នាំពេទ្យ១កញ្ចប់ និងថវិកាចំនួន៣០,០០០ រៀល៕ អត្ថបទ៖ កុម្ភះ

នាយឧត្តមសេនីយ៍ ឈុំ សុជាត បំភ្លឺចំពោះការផ្សព្វផ្សាយព័ត៌មានមួយចំនួននាំឲ្យប៉ះពាល់កិត្តយសក្រសួងការពារជាតិ

ភ្នំពេញ៖ នាយឧត្តមសេនីយ៍ ឈុំ សុជាត អ្នកនាំពាក្យរបស់ក្រសួងការពារជាតិកម្ពុជា នៅព្រឹកថ្ងៃទី១២ ខែមិនា ឆ្នាំ២០២២នេះ បានសេចក្តីបំភ្លឺចំពោះប្រព័ន្ធផ្សព្វផ្សាយមួយចំនួន ដែលបានលើកឡើងថា បុគ្គលឈ្មោះ ហួន សីហា ជាជំនួយការរបស់លោក ហើយបានដើរយកលុយគេជាថ្នូរ នឹងការបញ្ចូលក្របខណ្ឌកងយោធពលខេមរភូមិន្ទ ខណៈការផ្សព្វព័ត៌មានមិនច្បាស់លាស់ ហើយនាំឲ្យខូចដល់កិត្តិយសរបស់លោក និងក្រសួងការពារជាតិទាំងមូល។តាមរយៈហ្វេសបុកនាយឧត្តមសេនីយ៍ ឈុំ សុជាត បានលើកឡើងថា «នាថ្មីៗនេះ មានសារព័ត៌មានមួយចំនួន បានផ្សព្វផ្សាយអំពីបុគ្គលឈ្មោះ ហួន សីហា ហើយអះអាងថា ជាជំនួយការរបស់ខ្ញុំ ដោយបានយកឈ្មោះរបស់ខ្ញុំទៅប្រើប្រាស់ ដើម្បីផលប្រយោជន៍ផ្ទាល់ខ្លួន តាមរយៈការយកលុយជាថ្នូរនឹងការបញ្ចូលក្របខណ្ឌកងយោធពលខេមរភូមិន្ទជាដើម»។នាយឧត្តមសេនីយ៍ បានបន្ថែមទៀតថា «ខ្ញុំសូមធ្វើការបដិសេធទាំងស្រុងចំពោះការផ្សព្វផ្សាយដែលមិនបានបញ្ជាក់ឲ្យបានត្រឹមត្រូវនេះ ហើយសូមបញ្ជាក់ដែរថា រូបខ្ញុំមិនដែលមានជំនួយការឈ្មោះ ហួន សីហា ដូចការផ្សព្វផ្សាយនោះទេ។ រាល់សកម្មភាពរបស់ឈ្មោះ ហួន សីហា គឺជាទង្វើបុគ្គលសុទ្ធសាធ មិនគួរមានការផ្សព្វផ្សាយធ្វើឲ្យប៉ះពាល់ដល់កិត្តិយសរបស់ខ្ញុំ និងក្រសួងការពារជាតិឡើយ»។យ៉ាងណាក៏ដោយនាយឧត្តមសេនីយ៍ ឈុំ សុជាត បានស្នើនិងអំពាវនាវដល់សារព័ត៌មានទាំងអស់ ដែលបានផ្សព្វផ្សាយដោយមានការភាន់ច្រឡំ ធ្វើការកែតម្រូវនូវការផ្សព្វផ្សាយរបស់ខ្លួនឡើងវិញ។ ទន្ទឹមនឹងនេះ នាយឧត្តមសេនីយ៍ ក៏សូមអំពាវនាវដល់ជនរងគ្រោះប្តឹងទៅស្ថាប័នមានសមត្ថកិច្ច ដើម្បីចាត់វិធានការស្រាវជ្រាវ ដើម្បីផ្ដន្ទាទោសចំពោះជនដែលប្រព្រឹត្តល្មើសទៅតាមនីតិវិធីច្បាប់ផងដែរ៕អត្ថបទ៖ បាន ចក់

អាជ្ញាធរមន្ត្រីជំនាញពាក់ព័ន្ធត្រូវបង្កើនការយកចិត្តទុកដាក់លើបញ្ហាសំរាម និងតម្លៃម្ហូបអាហារ

កំពត៖ ថ្នាក់ដឹកនាំខេត្តកំពត បានប្រាប់ដល់អាជ្ញាធរក្រុង មន្ទីរទេសចរណ៍ និងបរិស្ថានឲ្យបង្កើនការយកចិត្តទុកដាក់លើបញ្ហាសំរាម និងកាកសំណល់ប្លាស្ទិកធ្លាក់ចូលទៅក្នុងទឹកព្រែកច្រើន និងជាពិសេសត្រូវណែនាំ ម្ចាស់អាហារដ្ឋាននៅតាមដងព្រែក ឲ្យរក្សារតម្លៃថេរ កុំចេះតែឡើងថ្លៃតាមអំពើចិត្ត ពេលមានភ្ញៀវមកលេង ដែលជាហេតុបង្កឲ្យខួចឈ្មោះខេត្ត និងបាត់បង់ចំនួនភ្ញៀវទេសចរ។ ក្នុងទិវាជាតិទីក្រុងស្អាតលើកទី១០ ឆ្នាំ២០២២ ក្រោមប្រធានបទ«ទីក្រុងស្អាត៖ គាំទ្រការបើក ទេសចរណ៍កម្ពុជា» នៅព្រឹកថ្ងៃទី១១ខែមីនានេះ លោក សេង សិរីបុត្រ អភិបាលរងខេត្តកំពត បានលើកឡើងថា កំពតជាខេត្តគោលដៅទេសចរណ៍ដ៏ពេញនិយម សម្រាប់ទេសចរជាតិ និងអន្តរជាតិ ព្រោះខេត្តនេះ សម្បូរដោយធនធានធម្មជាតិមានសកត្តានុពល ពិសេសទីតាំងភូមិសាស្ត្រល្អ មានតំបន់ទេសចរណ៍សម្បូរបែប។ ប្រមុខរាជរដ្ឋាភិបាលកម្ពុជា បាននឹងកំពុងជំរុញឱ្យក្រសួងស្ថានប័នជំនាញ បង្កើនការ រៀបចំបរិស្ថាន អនាម័យ ពិសេសចលនាទីក្រុងស្អាត ដើម្បីទាក់ទាញទេសចរឡើងវិញ បន្ទាប់ពីជួបវិបត្តិកូវីដ-១៩ ពិសេសដើម្បីអបអរសាទរ ការប្រកួតកីឡាអាស៊ាន ដែលកម្ពុជាធ្វើជាម្ចាស់ផ្ទះនៅឆ្នាំ២០២៣។ លោក បានបញ្ជាក់ថា ខេត្តកំពត ក្រោយពេលបើកប្រទេស ភ្ញៀវទេសចរមកកម្សាន្តឡើងវិញច្រើន ហើយទន្ទឹមនឹងនោះ ក៏បានបន្សល់នូវបញ្ហាមួយចំនួន ដូចជា សំរាមធ្លាក់ចូលក្នុងទឹកព្រែកច្រើន និងតម្លៃម្ហូបអាហារ តាមអាហារដ្ឋាន និងហាងជាប់មាត់ព្រែក ឡើងតាមអំពើចិត្ត។ លោកបានស្នើឲ្យអាជ្ញាធរ មន្ត្រីជំនាញពាក់ព័ន្ធ គិតគូរអំពីបញ្ហានេះ ។រដ្ឋបាលខេត្ត និងក្រុងកំពត បាននឹងកំពុងមមាញឹកក្នុងការរៀបចំសណ្តាប់ធ្នាប់សាធារណៈការតុប តែងលម្អសោភ័ណភាពក្រុងបន្ថែម ពិសេសនៅតាមទីសារធារណៈ មានផ្សារ សួនច្បារ រមណីយដ្ឋាននានា និងមានការបំពាក់ភ្លើងលម្អ និងអំពូលបំភ្លឺផ្លូវបន្ថែមផងដែរ ដើម្បីត្រៀមទទួលទេសចរក្នុងអំឡុងពេលចូល ឆ្នាំខ្មែរ នាខែក្រោយនេះ៕ អត្ថបទ៖ អន សារឹម

ការធ្វើជំរឿនសេដ្ឋកិច្ចនៅខេត្ដសៀមរាប បានប្រមាណ៦០ភាគរយ

ភ្នំពេញ៖ មន្ដ្រីជំរឿន បានអះអាងថា ការធ្វើជំរឿនសេដ្ឋកិច្ចឆ្នាំ ២០២២ នៅក្នុងខេត្ដសៀមរាប បាននឹងកំពុងដំណើរ ដោយគិតចាប់ពីថ្ងៃទី០១ ដល់ថ្ងៃទី០៩ខែមីនានេះ អនុវត្ដបានប្រមាណ ៦០ភាគរយហើយ ក្នុងចំណោមសហគ្រាសអាជីវកម្មសេដ្ឋកិច្ចជិត ៥ម៉ឺនទីតាំង ដែលបានចុះបញ្ជីសេដ្ឋកិច្ចនៅក្នុងខេត្ដនេះ។លោក ហាក់ សុធារ៉ា ប្រធានមន្ទីរផែនការ ខេត្ដសៀមរាប បានឱ្យដឹងថា ការធ្វើសម្ភាសន៍សម្រាប់ ជំរឿនសេដ្ឋកិច្ច ធ្វើឡើងទៅលើអង្គភាពអាជីវកម្មសហគ្រាសទាំងរបស់រដ្ឋ ឯកជន ដែលបានចុះបញ្ជីសេដ្ឋកិច្ច និងការគូរផែនទីកាលពីឆ្នាំ២០២១ ដែលក្នុងនោះ មន្ដ្រីជំរឿនបានធ្វើសម្ភាសន៍ ប្រជាពលរដ្ឋលក់ដូរ អីវ៉ាន់ចាប់ហួយពីមួយកញ្ច្រែងនៅខាងមុខផ្ទះ ឬនៅតាមផ្លូវ រហូតដល់ផ្ទះសំណាក់ សណ្ឋាគារ ក្រុមហ៊ុន តូចធំទាំងអស់ លើកលែងតែជាប្រភេទអាជីវកម្មរបស់ស្ថានទូតនានា និងផ្នែកកិសកម្ម។លោក បានបន្ដថា ការធ្វើជំរឿនសេដ្ឋកិច្ចឆ្នាំ២០២២នេះ បានដំណើរការយ៉ាងរលូន ដោយក្នុងរយៈ ពេល៩ថ្ងៃកន្លងមកនេះ បានប្រមាណ ៦០ភាគរយហើយ ក្នុងចំណោមអាជីវកម្មសហគ្រាសចំនួនប្រមាណ ជាង៤ម៉ឺន៨ពាន់ទីតាំង ខណៈដែលមានន្ដ្រីជំរឿន ជាង២០០នាក់ បានចុះប្រតិបត្ដិការធ្វើជំរឿនសេដ្ឋកិច្ច ដោយគ្រោងនឹងបញ្ចប់តាមផែនការកំណត់នៅដំណាច់ ខែមីនានេះ។លោក ហាក់ សុធារ៉ា បានស្នើប្រជាពលរដ្ឋឱ្យមានចូលរួមផ្ដល់បទសម្ភាសន៍ដល់ក្រុមមន្ដ្រីជំរឿន ឱ្យ បានទាន់ពេលព្រោះការធ្វើជំរឿនសេដ្ឋកិច្ចនេះ នឹងត្រូវបានរក្សាការសម្ងាត់អាជីវកម្មសហគ្រាស របស់ប្រជាពលរដ្ឋ។រដ្ឋាភិបាលកម្ពុជា បានអនុវត្តការធ្វើជំរឿនសេដ្ឋកិច្ចលើកទី២នេះ ដើម្បីអភិវឌ្ឍប្រទេសជាតិឱ្យរីក ចម្រើន ដែលបានអនុវត្ដចាប់ពីថ្ងៃទី១ដល់ថ្ងៃទី៣១ ខែមីនា ឆ្នាំ២០២២។ រាល់ទិន្ន័យជំរឿនទាំងអស់ នឹងប្រមូលមកពីគ្រប់បណ្តាអង្គភាពសេដ្ឋកិច្ច សហគ្រាស សិប្បកម្ម អាជីវកម្ម លក់ដុំ លក់រាយ និងសេវាកម្ម ផ្សេងៗទៀត។ ការធ្វើជំរឿននេះ គឺជាកត្តាចំបាច់បំផុតសម្រាប់ប្រទេសជាតិ ដើម្បីរៀបចំគោលនយោបាយ អាទិភាពសំខាន់ៗ ក្នុងការអភិវឌ្ឍប្រទេសជាតិឱ្យរីកចម្រើននិងជឿនលឿន៕អត្ថបទ៖ ឈិត សាវី

រហូតមកដល់ពេលនេះ ពលរដ្ឋក្នុងខេត្តបាត់ដំបង ជាង២ពាន់គ្រួសារ បានប្រគល់ដីតំបន់៣ជូនរដ្ឋវិញ

បាត់ដំបង៖ ប្រជាពលរដ្ឋចំនួនជាង ២ពាន់គ្រួសារនៅក្នុងខេត្តបាត់ដំបង បានស្ម័គ្រចិត្តប្រគល់ដីតំបន់៣ ជូនរដ្ឋវិញ ដែលមានទំហំជាង១ម៉ឺន៣ពាន់ហិកតា ។យោងតាមលទ្ធផល នៃកិច្ចប្រជុំអន្តរក្រសួង ដឹកនាំដោយឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី១០ខែមីនានេះ បានឱ្យដឹងថា រហូតមកដល់ពេលនេះ អ្នកទន្រ្ទានដីព្រៃលិចទឹកតំបន់បីក្នុងខេត្តបាត់ដំបង ចំនួន១៧នាក់ ត្រូវបានឃាត់ខ្លួន រួមទាំងវត្ថុតាងមួយចំនួន។កិច្ចប្រជុំបានដាក់ចេញទិសដៅការងារបន្តឱ្យរដ្ឋបាលខេត្ត ត្រូវពង្រឹងការចុះល្បាត ទប់ស្កាត់ការចូលទន្ទ្រាន និងផ្សព្វផ្សាយអំពីវិធានការបង្ក្រាបការទន្ទ្រានដីក្នុងតំបន់៣ ឱ្យបានម៉ឺងម៉ាត់ ដើម្បីឱ្យប្រជាពលរដ្ឋ ដែលបានចូលទន្ទ្រានប្រគល់ដីជូនរដ្ឋវិញ។ រដ្ឋបាលខេត្ត និងមន្ទីរអង្គភាពជុំវិញខេត្ត បន្តចាត់វិធាន ការការពារ និងបង្ក្រាបការទន្ទ្រានកាន់កាប់ដីរដ្ឋ នៅក្នុងដែនព្រៃលិចទឹកជុំវិញបឹងទន្លេសាប ដើម្បីធានានិរន្តរភាព និងត្រូវពង្រឹងការអនុវត្តឱ្យបានម៉ឺងម៉ាត់នូវលិខិតបទដ្ឋានគតិយុត្ត និងបទបញ្ជានានា របស់រាជរដ្ឋាភិបាលដែលនៅជាធរមានជាអាទិ៍។កិច្ចប្រជុំអន្តរក្រសួង បានណែនាំឱ្យរដ្ឋបាលខេត្ត ត្រូវជំរុញការចុះបញ្ជីដីរដ្ឋ ថែទាំបង្គោល ដែល បានបោះរួចនិងជំរុញការបោះបង្គោលដែលនៅសេសសល់ ថែទាំដើមឈើ និងគ្រាប់ត្នោត ដែលបានដាំ កន្លងមក និងបន្តដាំដើមឈើដែលស៊ាំជាមួយភូមិសាស្ត្រ។បន្ថែមពីនេះ រដ្ឋបាលខេត្ត ត្រូវបន្តជំរុញនីតិវិធីតុលាការលើករណីសំណុំរឿងបទល្មើសទន្ទ្រានកាន់ កាប់ដីរដ្ឋក្នុងដែនព្រៃលិចទឹក នៃតំបន់ទន្លេសាប ហើយព្រះរាជអាជ្ញាអមសាលាដ៏បូងខេត្ត ត្រូវបន្តជួយជំរុញការអនុវត្តនីតិវិធីក្រោយពេលទទួលបានបណ្ដឹង។ ជាពិសេសអង្គភាពប្រឆាំងអំពើពុករលួយ ត្រូវបន្តចាត់វិធានការចំពោះមន្ត្រីស៊ីវិល និងអ្នកប្រព្រឹត្តបទល្មើសទន្ទ្រានដែនព្រៃលិចទឹកនៃតំបន់ទន្លេសាប។តាមអនុក្រឹត្យលេខ ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១ ដីតំបន់៣ ក្នុងខេត្តបាត់ដំបង មានចំនួន ១១២បង្គោល ទំហំសរុបជាង ២០ម៉ឺនហិកតា ស្មើ៣១,៩៦ភាគរយ នៃដែនព្រៃលិចទឹកជុំ វិញបឹងទន្លេសាប៕អត្ថបទ៖ នឿត សុភក្ត្រ

ទេសរដ្ឋមន្រ្តី លី ធុជ ជួបពិភាក្សាការងារជាមួយគណៈប្រតិភូ Golden West Humanitarian Foundation

ភ្នំពេញ៖ ថ្ងៃទី១១ ខែមីនានេះ នៅទីស្នាក់ការអាជ្ញាធរមីន ឯកឧត្ដមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានទទួលជួបពិភាក្សាការងារជាមួយគណៈប្រតិភូ Golden West Humanitarian Foundation ដឹកនាំដោយលោក Shathel Fahs ទីប្រឹក្សាបច្ចេកទេស ស្តីពីភាពជាដៃគូ និងកិច្ចសហប្រតិបត្តិការវិស័យសកម្មភាពមីននៅកម្ពុជា។ឯកឧត្ដម ទេសរដ្ឋមន្រ្តី បានថ្លែងអំណរគុណចំពោះការចូលរួមរបស់ Golden West Humanitarian Foundation ក្នុងការផ្តល់ភាពជាដៃគូជាមួយនឹងមជ្ឈមណ្ឌលសកម្មភាពកំចាត់មីនកម្ពុជា (CMAC) ចាប់តាំងពីឆ្នាំ១៩៩៨ ក្នុងនោះ បានចូលរួមដល់ការកសាងសមត្ថភាព និងការបណ្តុះបណ្តាលបច្ចេកទេសបន្សាបគ្រឿងផ្ទុះ ។ក្នុងឱកាសនោះដែរឯកឧត្ដម ទេសរដ្ឋមន្រ្តី បានស្នើសុំឲ្យ Golden West Humanitarian Foundation បង្កើននូវកិច្ចសហប្រតិបត្តិការបន្ថែមដោយផ្តោតសំខាន់លើវិស័យសកម្មភាពមីនទាំងមូល ដូចជាការនាំមកនូវបច្ចេកវិទ្យាទំនើប ការចូលរួមបណ្តុះបណ្តាលតាមសហគមន៍ងាយរងគ្រោះ អាជ្ញាធរមូលដ្ឋាន និងកម្លាំងមានសមត្ថកិច្ចតាមមូលដ្ឋាន តាមរយៈការបញ្ជ្រាបចូលក្នុងកម្មវិធីអប់រំផ្សព្វផ្សាយយល់ដឹងអំពីមីន និងយុទ្ធភណ្ឌមិនទាន់ផ្ទុះតាមសហគមន៍ជាដើម។ទេសរដ្ឋមន្រ្តី បានលើកឡើងថា Golden West Humanitarian Foundation និង Platinum East គ្រោងនឹងចុះអនុស្សារណៈយោគយល់គ្នា ស្តីពីការបន្តពង្រឹងភាពភាពជាដៃគូ និងកិច្ចសហប្រតិបត្តិការ ជាមួយអាជ្ញាធរមីន ក្នុងនាមអាជ្ញាធរមីនជាស្ថាប័នសាធារណៈរបស់រដ្ឋ និងជាសេនាធិការឲ្យរាជរដ្ឋាភិបាល ហើយបានបង្ហាញពីបំណងជួយដល់កម្ពុជាឲ្យក្លាយជាមជ្ឈមណ្ឌលនាំមុខគេក្នុងការកសាងសមត្ថភាព និងការបណ្តុះបណ្តាលបច្ចេកទេសសម្រាប់វិស័យសកម្មភាពមីននៅថ្នាក់តំបន់ និងពិភពលោកផងដែរ។ ជាមួយគ្នានេះ អាជ្ញាធរមីន បានស្វាគមន៍ចំពោះការចូលរួមក្នុងការចុះអនុស្សារណៈនៃការយោគយល់រួមគ្នារវាងអាជ្ញាធរមីន និង Golden West Humanitarian Foundation ជាមួយស្ថាប័នដទៃទៀតទាំងក្នុង និងក្រៅប្រទេស ក្នុងគោលដៅជួយដល់កម្ពុជា។ជាចុងបញ្ចប់ ទេសរដ្ឋមន្រ្តី បានស្នើសុំឲ្យ Golden West Humanitarian Foundation ជួយបណ្តុះបណ្តាលដល់ក្រុមជំនាញ (QM Team) របស់អាជ្ញាធរមីន សម្រាប់កិច្ចប្រតិបត្តិការត្រួតពិនិត្យគុណភាពនៅទីវាល៕

ការចាក់វ៉ាក់សាំងដូស ជំរុញជូនកុមារអាយុ៦ដល់ក្រោម១២ឆ្នាំកំពុងដំណើរការ

ភ្នំពេញ៖ មាតាបិតា និងអាណាព្យាបាល ដែលជាពលរដ្ឋរស់នៅក្នុងរាជធានីភ្នំពេញ បានបន្តនាំកូនចៅ អាយុចាប់ពី៣ ទៅ៥ឆ្នាំ ទៅទទួលវ៉ាក់សាំងកូវីដ-១៩ ខណៈកុមារអាយុពី៦ ទៅ១២ឆ្នាំ កំពុងទទួលចាក់ដូស ជំរុញទី៣ នៅតាមទីកន្លែង ដែលអាជ្ញាធរបានរៀបចំរួចរាល់។លោកវេជ្ជបណ្ឌិត សួង វិសេស ប្រធានមណ្ឌលសុខភាពព្រែកថ្មី ស្ថិតក្នុងខណ្ឌច្បារអំពៅ រាជធានី ភ្នំពេញ បានលើកឡើងថា ជាមធ្យមមានប្រជាពលរដ្ឋទាំងមនុស្សធំ និងកុមារ មកទទួលវ៉ាក់សាំងកូវីដ-១៩ ប្រមាណពីជាង ១០០នាក់ ទៅ៣០០នាក់ ហើយការចាក់នេះ មានចាប់ពីកុមារអាយុ៣ឆ្នាំឡើងទៅដែលក្នុងនោះមានដូសទី១ ទី២ ទី៣ និងដូសទី៤។លោក បានបន្តថា ចំពោះកុមារអាយុ៣ទៅ៥ឆ្នាំ ដែលមកទទួលវ៉ាក់សាំងក្នុងមួយថ្ងៃៗជាមធ្យម ជាង៥០នាក់ ហើយរហូតមកដល់ពេលនេះ កុមារក្រុមអាយុនេះ មកចាក់វ៉ាក់សាំងក្នុងមណ្ឌលព្រែកថ្មី មានជាង៦០០នាក់ ហើយអាជ្ញាធរ និងមន្ត្រីជំនាញ នៅតែបន្តផ្សព្វផ្សាយ ឲ្យពួកគេមកទទួលវ៉ាក់សាំងឲ្យបានគ្រប់គ្នា។លោកវេជ្ជបណ្ឌិត សួស វិសេស បានបញ្ជាក់ថា ទោះបីនៅមណ្ឌលសុខភាពព្រែកថ្មី កំពុងដំណើរ ការចាក់វ៉ាក់សាំងជូនប្រជាពលរដ្ឋក៏ពិតមែន ប៉ុន្តែសកម្មភាពទទួលព្យាបាលអ្នកជំងឺទូទៅ រួមទាំងការផ្ដល់ វ៉ាក់សាំងផ្សេងៗដល់ទារក កុមារ និងសេវាកម្មឆ្លងទន្លេ នៅតែមានបន្តធ្វើដដែល ពុំមានឈប់នោះទេ៕ អត្ថបទ៖ បាន សុខរិទ្ធិ

កម្ពុជារកឃើញករណីឆ្លងកូវីដចំនួន ២៣៧នាក់ប្រភេទអូមីក្រុងទាំងអស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ២៣៧នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍ ២០៧នាក់ ។ក្រសួង បានបញ្ជាក់ទៀតថា ករណីមនុស្សស្លាប់ដោយសារជំងឺកូវីដ-១៩ ចំនួន០១ មិនបានចាក់វ៉ា់ក់សាំង ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០៤៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១៣៣,៧៣៨នាក់នៅទូទាំងប្រទេស។ក្រសួងសុខាភិបាល បញ្ជាក់ថា អ្នកជំងឺកូវីដ-១៩ សរុបរហូតដល់ ១២៨,៣០០នាក់ហើយ ត្រូវបានព្យាបាលជាសះស្បើយ៕

បណ្ដាញសង្គម

ព័ត៌មានថ្មីៗ

សមាជិកសភាជប៉ុន បានគូសបញ្ជាក់អំពី ការ បតេជ្ញាចិត្ត របស់ជប៉ុន ក្នុងការពង្រឹង និង ពង្រីក ទំនាក់ទំនង និង កិច្ចសហប្រតិបត្តិការ ជប៉ុន -កម្ពុជា ឱ្យកាន់តែរីកចម្រេីន និង រឹងមាំបន្ថែមទៀត

តំណាងកម្មវិធីអភិវឌ្ឍន៍អង្គការសហប្រជាជាតិប្រចាំនៅកម្ពុជា (UNDP)៖ គ្មានការអភិវឌ្ឍណាអាចប្រព្រឹត្តទៅបាន ដោយគ្មានសន្តិភាពនោះទេ

សម្តេចតេជោ ហ៊ុន សែន អនុញ្ញាតឲ្យ ឯកឧត្តម Abdullah ibn Muhammad Al ash-Sheikh ប្រធានរដ្ឋសភានៃព្រះរាជាណាចក្រអារ៉ាប៊ី សាអូឌីត ចូលជួបសម្តែងការគួរសម

លោក Netany របស់អ៊ីស្រាអែល ត្រូវបានគេរំពឹងថា នឹងជួបលោក Trump នៅសប្តាហ៍ក្រោយ

អង្គការសប្បុរសធម៌ជាង ១៧០ អំពាវនាវឲ្យបញ្ចប់ប្រព័ន្ធចែកចាយជំនួយថ្មី នៅហ្កាហ្សា ដោយបារម្ភពីសុវត្ថិភាពជនស៊ីវិល

រដ្ឋធានីឥណ្ឌា ហាមមិនឲ្យលក់ប្រេងឥន្ធនៈឲ្យរថយន្តចាស់ៗ ជាការប៉ុនប៉ងប្រឆាំងការបំពុល

«សហរដ្ឋអាមេរិក និងកម្ពុជា ធ្វើកិច្ចសហប្រតិបត្តិការទ្វេភាគីដ៏ល្អ និងសម្រេចបាននូវលទ្ធផលលើការលើកកម្ពស់សុខភាព សុខុមាលភាពប្រជាជនកម្ពុជា រួមទាំងចូលរួមចំណែកពង្រឹងសន្តិសុខសុខភាពសកលតាមរយៈការកាត់បន្ថយជំងឺឆ្លង»

សម្ដេចធិបតីជួបជាមួយមេធាវីអន្តរជាតិដើម្បីពិនិត្យ និងពិភាក្សាពាក់ព័ន្ធការបន្តនីតិវិធីរបស់កម្ពុជាប្ដឹងទៅតុលាការយុត្តិធម៌អន្តរជាតិ ICJ ករណីវិវាទព្រំដែនជាមួយថៃ

ឯកឧត្តម សុខ ពុទ្ធិវុធ បានដឹកនាំប្រតិភូក្រសួងប្រៃសណីយ៍ចូលរួមវេទិកាអភិបាលកិច្ចអ៉ីនធឺណិតប្រចាំឆ្នាំ លើកទី២០ នៅទីក្រុង Lillestorm ប្រទេសណ័រវេស

អភិបាលក្រុង Izhevsk៖ មនុស្ស ៣នាក់ស្លាប់ និង ៣៥នាក់រងរបួស ដោយសារការវាយប្រហាររបស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍