នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី
TOP STORY | សម្ដេចតេជោ​ចេញសារដាស់តឿន​ដល់ជនរួមជាតិ​កម្ពុជា​ត្រៀម​ខ្លួន​វាយ​ចោរ​ឈ្លាន​ពាន​ទឹក​ដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា
ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយ​ទប់ស្កាត់ និង​បំផ្លាញ​មហិច្ឆតា​នយោបាយ​របស់​ក្រុម​ជ្រុល​និយមមួយក្តាប់តូច ដែលតែងតែបញ្ឆេះកំហឹងជាតិសាសន៍»
គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

នយោបាយ​ និង ការអភិវឌ្ឍន៍

បីថ្ងៃអំឡុងបិទផ្សាយបញ្ជីបេក្ខជនបក្សនយោបាយ មានករណីស្នើដកឈ្មោះចេញពីបញ្ជីបេក្ខជន

2022/03/11 12:10:55 pm        763
Facebook Telegram Linkin
ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គជប) បានឱ្យដឹងថា ក្រោយពីការបិទផ្សាយបញ្ជីបេក្ខជនរបស់គណបក្សនយោបាយចំនួនបីថ្ងៃ រកឃើញករណីស្នើដកឈ្មោះ ចេញពីបញ្ជីបេក្ខជនរបស់គណបក្សនយោបាយ បន្ទាប់ពីមានការចុះឈ្មោះបេក្ខជន ដោយមិនបានស្នើចេញពីបុគ្គលបេក្ខជនសាមី។បន្ទាប់ពីដំណើរការបិទផ្សាយបញ្ជីបេក្ខជន របស់គណបក្សនយោបាយ ដែលបានចូលរួម​ប្រកួត​ប្រជែង​ការបោះឆ្នោតក្រុមប្រឹក្សាឃុំ-សង្កាត់ អាណ្ណត្តិទី៥ ពីថ្ងៃទី៨-១០ ​ខែមីនា នេះ​ ឯកឧត្តម ហង្ស ពុទ្ធា អ្នកនាំពាក្យ គ.ជ.ប ប្រាប់BTVឲ្យដឹងថា អំឡុង​ពេលបីថ្ងៃ នៃការបិទផ្សាយបញ្ជីបេក្ខជនបក្ស​នយោបាយ​ គណៈកម្មការឃុំ-សង្កាត់រៀបចំការបោះឆ្នោត ​បានទទួលទង្វើអសកម្មមួយចំនួនប៉ះ​ពាល់​ដល់​ដំណើរការ ​ចុះឈ្មោះបេក្ខជនតាមបណ្តាខេត្ត រួមមាន ករណីបេក្ខជនរបស់គណបក្ស​នយោបាយខ្លះ ​ចុះឈ្មោះបេក្ខជន ​របស់ខ្លួនក្រោយបរិចេ្ឆទចុះឈ្មោះផ្លូវការបានបញ្ចប់ ខណៈករណី​មិនប្រក្រតីសំខាន់ជាងនេះ​ គឺការស្នើដក ​ឈ្មោះបេក្ខជនចេញពីបញ្ជីបេក្ខជនគណបក្សនយោបាយ បន្ទាប់ពីគណបក្សនោះ ​បានចុះឈ្មោះបេក្ខជន ​ដោយមិនបានទទួលស្គាល់ពីសាមីខ្លួន។ពាក់ព័ន្ធករណីនេះ អ្នកនាំពាក្យ គ.ជ.ប​ បានបញ្ជាក់ទៀតថា​ សាមីខ្លួន ​ដែលមិនទទួលស្គាល់ ចំពោះ​បញ្ជីបេក្ខជនគណបក្សនយោបាយ​ មាន​សិទ្ធិប្តឹងទៅគណៈកម្មការឃុំ-សង្កាត់រៀបចំការបោះឆ្នោត ដើម្បីពិនិត្យ និងសម្រេច ។បន្ទាប់ពីការបិទផ្សាយបញ្ជីបេក្ខជនគណបក្សនយោបាយ ​នៅថ្ងៃទី៦-៨ ខែមេសា គ.ជ.ប ​នឹងបិទ ផ្សាយ​បញ្ជីបេក្ខជនដំបូង ​នៅតាមគណៈកម្មការឃុំ-សង្កាត់​ រៀបចំការបោះឆ្នោត ​ខណៈថ្ងៃទី២៤ ខែមេសា គ.ជ.ប​ នឹងបិទផ្សាយបញ្ជីបេក្ខជនផ្លូវការ។ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នឹងប្រព្រឹត្តទៅនៅថ្ងៃទី០៥ ​ខែមិថុនា ឆ្នាំ២០២២។ ប្រជាពលរដ្ឋ ​មានឈ្មោះក្នុងបញ្ជីបោះឆ្នោតផ្លូវការ ​ចំនួនជិត១០លាននាក់ ​ការិយាល័យបោះឆ្នោត មាន​ចំនួនជាង២ម៉ឺនកន្លែង ​ក្នុងឃុំ-សង្កាត់ទូទាំងប្រទេស​ សរុបចំនួន១,៦៥២ឃុំ-សង្កាត់៕ អត្ថបទ៖ សេក ឧត្តម 

ស្ត្រីសម្រាលកូនរួចខកខានមិនទាន់ចាក់វ៉ាក់សាំង បានមកទទួលវ៉ាក់សាំងបង្ការកូវីដជាបន្តបន្ទាប់

2022/03/11 11:22:43 am        770
Facebook Telegram Linkin
ភ្នំពេញ៖ គិតចាប់ពីថ្ងៃទី១ ខែកុម្ភៈ រហូតមកដល់ថ្ងៃទី៩ ខែមីនា ឆ្នាំ២០២២ មានស្រី្តមកទទួលវ៉ាក់សាំង ការពារជំងឺកូវីដ១៩ ក្នុងរាជធានីភ្នំពេញ មានចំនួនជាង៤ពាន់នាក់។បើតាមលោកវេជ្ជបណ្ឌិត ងី មានហេង ប្រធានមនី្ទរសុខាភិបាល រាជធានីភ្នំពេញ ប្រាប់BTV ព័ត៌មាន នាព្រឹកថ្ងៃទី១១ ខែមីនា ឆ្នាំ២០២២នេះ ក្នុងមូលដ្ឋានរាជធានីភ្នំពេញ ដោយចាប់គិតពីថ្ងៃទី១ ខែកុម្ភៈ រហូតមកដល់ថ្ងៃទី៩ ខែមីនា ឆ្នាំ២០២២ មានស្រី្តមកទទួលវ៉ាក់សាំងបង្ការជំងឺកូវីដ១៩ ដូសមូលដ្ឋាន ឬដូសជំរុញទី១ មានចំនួន ៤២៥៣នាក់ ក្នុងនោះមានស្រី្តជាប់បំបៅដោះកូន ជាប់មានផ្ទៃពោះ កាលដែលអាក់ខានមិនបានចាក់វ៉ាក់សាំង។ជាមួយគ្នានោះដែរ ស្ត្រីក្រោយពីសម្រាលកូនរួច និងប្រជាពលរដ្ឋមកចាក់វ៉ាក់សាំងដូសជំរុញទី៣ និងដូសជំរុញទី៤ នៅមនី្ទរពេទ្យបង្អែកចតុមុខ ខណ្ឌដូនពេញ រាជធានីភ្នំពេញ បានលើកឡើងអំពី​ការ​គិតគូរ​ខិតខំប្រឹងប្រែង​របស់ប្រមុខរាជរដ្ឋាភិបាល​ ជាពិសេសសម្តេចតេជោ ហ៊ុន សែន នាយករដ្ឋមន្រី្ត​ ដែលបាន​សះស្វែង​យក​វ៉ាក់សាំងចាក់ជូនប្រជាពលរដ្ឋ។ទន្ទឹមគ្នានោះដែរ ​លោកស្រីវេជ្ជបណ្ឌិត ទេព ចិន្តា ​អនុប្រធានមនី្ទរពេទ្យបង្អែកចតុមុខ ក៏បាន​អំពាវនាវ​ដ​ល់ប្រជាពលរដ្ឋដែលមិនទាន់បានចាក់វ៉ាក់សាំងបង្ការជំងឺកូវីដ១៩ ​ដូសទី១ ដូសទី២ ដូសទី៣ និងដូសទី៤ក្តី សូម​អញ្ជើញ​មកចាក់វ៉ាក់សាំងឲ្យបានគ្រប់ៗគ្នា​កុំឲ្យខកខានឲ្យសោះ ជា​ពិសេសស្រី្តពោះធំ ​និងសូមឲ្យប្រជាជនទាំងអស់ជឿជាក់លើវ៉ាក់សាំង។លោកស្រីវេជ្ជបណ្ឌិត ​បានបញ្ជាក់ទៀតថា សម្រាប់ក្រុមការងារគ្រូពេទ្យ ​ចាក់វ៉ាក់សាំង​ បង្ការជំងឺ កូវីដ១៩ ​មានចំនួន ៧២នាក់ ដោយក្នុងមួយក្រុម ​មានចំនួនជាង១០នាក់​ ដើម្បីចាក់វ៉ាក់ ​សាំងជូន បងប្អូន​ប្រជាពលរដ្ឋ ​ដោយមិនប្រកាន់ថាមកពីតំបន់ណា ​ឬ​ខេត្តណា ​និង​ជនបរទេសឡើយ ឲ្យតែពួកគាត់បានអញ្ជើញ​មកកាន់មនី្ទរពេទ្យបង្អែកចតុមុខ ​គឺក្រុមគ្រូពេទ្យយើង ​ចាក់វ៉ាក់សាំង បង្ការ ជំងឺ កូវីដ១៩ ជូនពួកគាត់ភ្លាម៕ អត្ថបទ រដ្ឋា

ស្រ្តីគឺជាឆ្អឹងខ្នងដ៏សំខាន់ ដើម្បីបង្កើតឲ្យមានសមភាពយេនឌ័រ និងការអភិវឌ្ឍ លើគ្រប់វិស័យក្នុងសង្គម

2022/03/11 10:43:01 am        508
Facebook Telegram Linkin
ឧត្តរមានជ័យ៖ ដើម្បីរួមចំណែកធ្វើឲ្យសម្រេចបាននូវចក្ខុវិស័យរបស់រាជរដ្ឋាភិបាលកម្ពុជា ក្នុងការលើកកម្ពស់សមត្ថភាពយេនឌ័រ ជាពិសេសភាពអង់អាចរបស់ស្ត្រីទាំងអស់ នៅថ្ងៃទី ១១ខែមីនាឆ្នាំ២០២២នេះដែរ មន្ទីរកិច្ចការនារីខេត្តឧត្ដរមានជ័យ បានរៀបចំពិធីអបអរសាទរ ទិវានារីអន្តរជាតិ ០៨ មីនា ខួបលើកទី១១១ ក្រោមប្រធានបទ "សមភាពយេនឌ័រថ្ងៃនេះ ដើម្បីចីរភាពនាពេលអនាគត"។ក្នុងពិធីនោះដែរឯកឧត្តម ប៉ែន កុសល្យ អភិបាលខេត្តឧត្ដរមានជ័យ បានលើកឡើងថា គោលបំណងនៃកម្មពិធីនេះ គឺដើម្បីរំលេចពីតម្លៃនៃសុខសន្តិភាព នឹងការលើកកម្ពស់ វប្បធម៌ ដែលរាជរដ្ឋាភិបាលបាននឹងកំពុងគាំទ្រជំរុញឲ្យមានការចូលរួមពីគ្រប់ស្ថាប័នទាំងបុរស និងស្ត្រី ដើម្បីវឌ្ឍនភាពសង្គម ឆ្ពោះទៅលើកកម្ពស់សិទ្ធិ ស្ថានភាព ជីវភាព ឋានៈ តួនាទី របស់ស្ត្រី ក៏ដូចជា​សុខុមាលភាព​សង្គម​ផងដែរ។ឯកឧត្ដម បន្តថា ក្រោមការដឹកនាំប្រកបដោយភាពឈ្លាសវៃ និងប្រកបដោយ​គតិបណ្ឌិត របស់​សម្ដេចតេជោ ​ហ៊ុន សែន​ នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្រ​ចតុកោណ ដោយផ្ដោតសំខាន់​ទៅលើគោលនយោបាយសមភាព«យេនឌ័រ» ដែលចាត់ទុកស្ត្រី​គឺ​ជាឆ្អឹងខ្នង​នៃសេដ្ឋកិច្ចជាតិ ​និង​សង្គមជាតិ ​ដ៏​សំខាន់​ក្នុង​ការ​ចូលរួមសកម្មភាពផ្សេងៗ​ក្នុង​ដំណើរឆ្ពោះទៅមុខ​ និងលើកកម្ពស់ស្ថានភាព ​សិទ្ធិឋានៈ ​និង​តួនាទីរបស់​ស្ត្រីនៅកម្ពុជា ដើម្បី​ឲ្យ​មាន​សមភាព​ពិតប្រាកដ​រវាងបុរស ​និងស្ត្រីដែលជាបំណងប្រាថ្នារបស់បុគ្គលគ្រប់រូប​ គ្រប់វិស័យ គ្រប់​ទីកន្លែង ពិសេសស្ត្រី ​គឺជាភ្នាក់ងារ​នាំ​មកនូវការ​ផ្លាស់ប្ដូរ​ឥរិយាបទ​ក្នុងគ្រួសារតាមរយៈ ការអប់រំ​ទូន្មានកូន ​ចៅឲ្យបានល្អ ​មិន​ប្រព្រឹត្ត​អំពើ​ឧបាយមុខ ​និងការប្រើ​ហិង្សា​គ្រប់រូបភាព​នោះឡើយ ដើម្បីធ្វើការ ទប់ស្កាត់ និងកាត់បន្ថយ​ នូវរាល់អំពើហិង្សា ​ព្រមទាំងដោះស្រាយ ​ជម្លោះ​ នានា ប្រកប​ទៅដោយសន្តិវិធីក្នុងការងារសង្គម ។យ៉ាងណាម៉ិញ ឯកឧត្ដម ក៏បានស្នើរដល់ស្រ្តីនៅក្នុង​ខេត្តឧត្តរមានជ័យ ត្រូវ​បង្កើន​កា​រ​ខិតខំប្រឹងប្រែង​រៀន​សូត្រ​សំដៅព​ង្រឹងលើ​កម្ពស់សមត្ថភាព ​យេនឌ័រ​និងចំណេះដឹង ឲ្យបានច្រើនបន្ថែមទៀត​ដើម្បី​ក្លាយ​ជាអ្នកដឹកនាំប្រកបទៅដោយវឌ្ឍនៈ​ និងជំហររឹងមាំ ​សម្រាប់ចូលរួមក្នុងការ​កសាង​សង្គមជាតិ​ថែមឲ្យមានភាពរីកចំរើនទៀតផងដែរ៕ អត្ថបទ៖ ឃិនសារិទ្ធ

ពលរដ្ឋចំនួន ៤២៥គ្រួសារដែលមានការខ្វះខាតមកទទួលស្បៀងសង្រ្គោះបន្ទាន់

2022/03/11 10:19:10 am        436
Facebook Telegram Linkin
ឧត្តរមានជ័យ៖ ប្រជាពលរដ្ឋចំនួន ៤២៥គ្រួសារដែលជួបការលំបាកខ្វះខាតស្បៀង ក្នុងអំឡុងវិបត្តិកូវីដ-១៩នេះ បានមកទទួលស្បៀង និងគ្រប់ពូជនៅមន្ទីរកសិកម្មរុក្ខាប្រមាញ់ នឹងនេសាទខេត្តឧត្តរមានជ័យ ដែលជាជំនួយឧបត្ថម្ភពីរាជរដ្ឋាភិបាលកម្ពុជា នៅព្រឹកថ្ងៃទី១០មិនាម្សិលមិញនេះ ។ក្នុងពិធីនោះដែរលោក សូត្រ ស៊ីសុខឃាង ប្រធានមន្ទីរកសិកម្មរុក្ខាប្រមាញ់ នឹងនេសាទខេត្ត​ឧត្តរមានជ័យ បានលើកឡើងថា ស្បៀងអាហារ​នឹងគ្រប់ពូជដែលត្រូវចែកជូនប្រជាពលរដ្ឋទាំង ៤២៥គ្រួសារនៅពេលនេះ គឺមកពីសង្កាត់ចំនួន ៥សង្កាត់ ក្នុងក្រុងសំរោង ខេត្តឧត្តរមានជ័យ ដើម្បី​ផ្គត់ផ្គង់ការខ្វះខាត​នៅក្នុងគ្រួសាររបស់បងប្អូនប្រជាពលរដ្ឋដែលខ្វះខាតក្នុងអំឡុងវិបត្តិកូវីដ។ក្នុងនោះដែរ ឯកឧត្តម ប៉ែន កុសល្យ អភិបាលខេត្តឧត្តរមានជ័យ បានបញ្ជាក់ថា រាជរដ្ឋាភិបាល​កម្ពុជា​ដែល​មាន​សម្តេចតេជោ នាយករដ្ឋមន្រ្តី​នៃកម្ពុជា តែងតែ​យកចិត្តទុកដាក់​គិតគូរ​ខ្ពស់​ពី​សុខទុក្ខ នឹង​ការលំបាកផ្សេងៗ​របស់បងប្អូន​គ្រប់ពេល​វេលាទាំងអស់​នឹងមិន​ប្រកាន់​នូវ​និន្នាការ​នយោបាយ​ណាមួយនោះឡើយ ឲ្យតែជាពលរដ្ឋខ្មែរទីណា​មានទុក្ខលំបាក​តែងមានការជួយ​ឧបត្ថម្ភ​ពី​សំណាក់​អាជ្ញាធរគ្រប់ពេល។ជាមួយគ្នានោះដែរ ប្រជាពលរដ្ឋទាំង ៤២៥គ្រួសារ​ដោយ​ក្នុង​មួយ​គ្រួសារៗ​ទទួល​បានអង្ករចំនួន១​ការុង​ស្នើនឹង៤០គីឡូក្រាម នឹងថវិកាមួយចំនួនផងដែរ៕ អត្ថបទ៖ ឃិន សារិទ្ធ

អាមេរិកដែលពូកែទូន្មានគេកំពុងប្រឈមនឹងបញ្ហាសិទ្ធិមនុស្ស ស្តង់ដារពីរ​ និង​ការ​លាក់​ពុតត្បុត

2022/03/10 02:54:27 pm        2638
Facebook Telegram Linkin
ភ្នំពេញ៖ តំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ​ បាននិយាយថា​ អាមេរិក ដែលពូកែទូន្មានគេ អំពីបញ្ហាសិទ្ធិមនុស្ស កំពុងប្រឈមជាប្រព័ន្ធក្នុងផ្នែកសិទ្ធិមនុស្ស រួមទាំងស្តង់ដារពីរ និងការលាក់ពុតត្បុត។តំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ និងអង្គការអន្តរជាតិនានា នៅហ្សឺណែវ លោក អាន សុខខឿន បានវាយបកទៅកាន់ប្រតិភូសហរដ្ឋអាមេរិកវិញ បន្ទាប់ពីពួកគេបាន​ចោទប្រកាន់​កម្ពុជា​ដដែលជាដដែល ​ទាក់ទងនឹងបញ្ហាសិទ្ធិមនុស្ស ខណៈសហរដ្ឋអាមេរិកខ្លួនឯង​កាល​ពីឆ្នាំ២០២១កន្លងទៅ បានចាប់មនុស្សជាង៧០០នាក់ ក្រោយពីពួកគេ​បញ្ចេញ​មតិ​ផ្ទុយ ហើយ​បាន​សម្រុកចូលវិមានរដ្ឋសភាអាមេរិក រួមទាំងអ្នកកាសែតចំនួន៥០ផងដែរនោះ។នៅក្នុងសម័យប្រជុំលើកទី៤៩ នៃក្រុមប្រឹក្សាសិទ្ធិមនុស្សអង្គការសហប្រជាជាតិ ​កាលពីថ្ងៃទី០៨ ខែមីនា ឆ្នាំ២០២២កន្លងទៅនេះ ​លោក អាន សុខឿន បានលើកឡើងដូច្នេះថា៖ «ការតស៊ូមតិដើម្បីសិទ្ធិមនុស្សចាំបាច់ត្រូវតែចាប់ផ្តើមពីប្រទេសខ្លួនឯងជាមុនសិន។ គួរឱ្យសោកស្តាយ ប្រទេសដែលពូកែទូន្មានគេនេះ បាននិងកំពុងជួបប្រទះជាច្រើនឆ្នាំមកហើយ នូវបញ្ហាប្រឈមជាប្រព័ន្ធក្នុងផ្នែកសិទ្ធិមនុស្ស រួមទាំងស្តង់ដារពីរ និងការលាក់ពុតត្បុត»។ លោក​បាន​បញ្ជាក់​បន្ថែម​ទៀតថា« នៅឆ្នាំ២០២១ មនុស្សជាង ៧០០នាក់ ដែលបានបញ្ចេញមតិផ្ទុយ នៅ​សហរដ្ឋអាមេរិក ​ត្រូវបានចាប់ខ្លួន​ និងចោទប្រកាន់ពីបទល្មើស ​បន្ទាប់ពី​បានសម្រុក​ចូល​វិមាន​សភា។ ក្នុងឆ្នាំដដែលនោះ ​អ្នកកាសែតជាង ៥០នាក់​ ត្រូវបានចាប់ខ្លួន ​និងឃុំខ្លួន នៅទូទាំង​សហរដ្ឋ​អាមេរិក។ គណនីប្រព័ន្ធផ្សព្វផ្សាយ ​សង្គមរបស់អតីតប្រធានាធិបតី​ ដែលមានទស្សនៈផ្ទុយ ក៏ត្រូវបានគេហាមឃាត់។ បញ្ជីនៃបញ្ហាសិទ្ធិមនុស្សនេះនៅមិនទាន់អស់នៅឡើយ»។បើតាមតំណាងអចិន្រ្តៃយ៍របស់កម្ពុជារូបនេះ ​បានលើកឡើងទៀតថា ប្រការ​ដែល​សហរដ្ឋអាមេរិក​យកបញ្ហាសិទ្ធិមនុស្ស ​មកប្រើជាអាវុធវាយប្រហារ ​ដើម្បីបម្រើរបៀបវារៈនយោបាយ ត្រូវបាន​គណៈប្រតិភូជាច្រើន​នៅក្នុងក្រុមប្រឹក្សាសិទ្ធិមនុស្សដ៏ឧត្ដុង្គឧត្ដមនេះ ​បាន​ដឹងឮយ៉ាងច្បាស់។ ទន្ទឹមនឹងការអំពាវនាវឱ្យគណៈប្រតិភូខាងលើ ​ធ្វើការវាយតម្លៃព័ត៌មានឱ្យបានម៉ត់ចត់ និងមិន​ធ្វើ​នយោបាយូបនីកម្ម ​ហើយលោកសូមឆ្លៀតឱកាសនេះ លើកឡើងនូវការពិតមួយចំនួនអំពីកម្ពុជា​ដូចជា៖ ​ការថ្លែងថា គណបក្សប្រឆាំងគឺជាគោលដៅនៃការវាយប្រហារ គឺពុំត្រឹមត្រូវទាល់តែសោះ។ ការចូលរួមជាមួយគណបក្សនយោបាយ ​និងអង្គការសង្គមស៊ីវិលណាមួយ ​មិនមែនជាអាជ្ញាប័ណ្ណ ដើម្បីប្រព្រឹត្តល្មើសច្បាប់ដោយនិទណ្ឌភាពឡើយ។ បុគ្គលរងការចោទប្រកាន់ ​គឺផ្អែកលើមូលដ្ឋាននៃបទល្មើសដែលកំណត់ដោយច្បាប់ ពុំមែន​ដោយសារ​បុគ្គលនោះ​ជានរណានោះទេ។​ ឧទាហរណ៍ជាច្រើនបានបង្ហាញថា បុគ្គលគាំទ្របក្សកាន់​អំណាច ​ក្នុងករណីបំពានច្បាប់ក៏ត្រូវបានផ្តន្ទាទោស​ ដោយតុលាការដូចគ្នារបស់កម្ពុជា។យើងខ្ញុំជំទាស់ចំពោះការចោទ​ប្រកាន់អំពីការ​បិទលំ​ហសង្គមស៊ីវិល។ តួលេខប្រាប់ពីការពិតបាន។ ប្រសិនសេរីភាពសង្គមស៊ីវិល​ត្រូវបានរឹតត្បិត ចុះហេតុអ្វីបានជាចំនួនអង្គការ​មិនមែន​រដ្ឋាភិបាល​ដែល​បានចុះបញ្ជី​ នៅតែបន្តកើនឡើងរហូតដល់ចំនួនជិត ​៦០០០ អង្គការ? ការពិតនោះគឺថា ការចោទប្រកាន់ខាងលើ ​កើតចេញ​ពីអង្គការមិនមែនរដ្ឋាភិបាលមួយក្តាប់តូច ដែលមាននិន្នាការធ្វើ​នយោបាយូបនីកម្មខ្លាំងក្លា​ និង​បាន​ទទួលថវិកា​គាំទ្រពីបរទេស​ ខំស្រែកទាមទារតម្លាភាព ក៏​ប៉ុន្តែ​អង្គការទាំងនោះបែរ​ជាបដិសេធមិនបង្ហាញនូវតម្លាភាពអំពីអង្គភាព ខ្លួនទៅវិញ។ ដើម្បីដោះស្រាយកង្វល់របស់អង្គការសង្គមស៊ីវិល​មួយចំនួននោះ​ ក្រុមការងាររាជរដ្ឋាភិបាល ទទួល​បន្ទុកការងារធ្វើវិសោធនកម្មច្បាប់ស្ដីពីសមាគម ​និងអង្គការមិនមែនរដ្ឋាភិបាល បានពិនិត្យរួចហើយ​លើមាត្រាចំនួន១១ ក្នុងចំណោម ១៤ មាត្រា ដែលអង្គការសង្គមស៊ីវិលបានស្នើសុំធ្វើវិសោធនកម្ម។ អង្គការសង្គមស៊ីវិលក៏ទទួលបានអត្ថប្រយោជន៍ពី ​វេទិកាពិគ្រោះយោបល់ ជាមួយរដ្ឋាភិបាល​ពីរដងក្នុងមួយឆ្នាំផងដែរ។ ​ដោយពេលវេលាមានកំណត់ យើងខ្ញុំសូមស្នើគណៈប្រតិភូ​សហរដ្ឋ​អាមេរិក​ស្វែងយល់ អំពីសេចក្តីថ្លែងការណ៍របស់យើងខ្ញុំ ​ដែលបានថ្លែងនៅមុននេះបន្តិច ទាក់ទង​នឹង​សំណួរនៃការប្រមូលផ្តុំដោយសន្តិវិធី និងសិទ្ធិធ្វើកូដកម្ម។តាមរយៈកិច្ចប្រជុំនេះដែរលោក អាន សុខឿន តំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានទទូចឱ្យគណៈប្រតិភូសហរដ្ឋអាមេរិក យកចិត្តទុកដាក់ចំពោះការអំពាវនាវរបស់លោក António Guterres អគ្គលេខាធិការអង្គការសហប្រជាជាតិ ដែលបានសង្កត់ធ្ងន់នាពេល​កន្លងមកថា​«សិទ្ធិមនុស្សមិនត្រូវប្រើជាអាវុធវាយប្រហារប្រទេសដទៃ​ ដោយស្តង់ដារពីរឡើយ» ប្រសិនបើយើង​ចង់​រក្សាបាននូវសុច្ចរិតភាព និងភាពជឿជាក់ខ្ពស់បំផុត ​របស់ក្រុមប្រឹក្សាសិទ្ធិមនុស្សនេះ។យ៉ាងណាក៏ដោយ ​តំណាងអចិន្រ្តៃយ៍កម្ពុជារូបនេះ ​បានលើកឡើងផងដែរថា ​ការលើកតម្កើងសិទ្ធិ និងសេរីភាពទាំងអស់ ​គឺជាគោលដៅចុងក្រោយរបស់គ្រប់ប្រទេស​ទាំងអស់ ដែលប្រៀប​បានទៅ​នឹងការឡើងទៅកាន់កំពូលភ្នំ។ ដូចដែល លោក Antony Blinken រដ្ឋមន្ត្រីការបរទេសសហរដ្ឋអាមេរិក បានសង្កត់ធ្ងន់នាពេលថ្មីៗ​នេះថា ប្រទេសនីមួយៗមានសិទ្ធិជ្រើសរើសអនាគត និងមាគ៌ារបស់ខ្លួនយ៉ាងដូច្នេះដែរ៕អត្ថបទ៖ បាន ចក់

ប្រតិភូគណៈកម្មកាទី៣ នៃរដ្ឋសភា ចុះស្វែងយល់ពីវឌ្ឍនភាពការងារនៅខេត្តកំពង់ស្ពឺ

2022/03/10 01:31:25 pm        451
Facebook Telegram Linkin
កំពង់ស្ពឺ៖ ប្រតិភូគណៈកម្មការផែនការវិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក នៃរដ្ឋសភា ដឹកនាំដោយ ឯកឧត្តម ឡូយ សុផាត ប្រធានគណៈកម្មការ កាលពីថ្ងៃទី៩ ខែមីនា ម្សិលមិញនេះ បានប្រជុំពិភាក្សាការងារជាមួយ អាជ្ញាធរខេត្តកំពង់ស្ពឺ ដើម្បីឈ្វេងយល់ពីវឌ្ឍនភាពការងារនៅក្នុងខេត្តនេះ ដែលទាក់ទងនឹងគណៈកម្មការផែនការ ។ឯកឧត្តម ឡូយ សុផាត បានថ្លែងថា គោលបំណងបេសកកម្មរបស់គណៈកម្មការរដ្ឋសភា មកកាន់ខេត្តកំពង់ស្ពឺ នាពេលនេះ ដើម្បីសិក្សាស្វែងយល់ពីវឌ្ឍនភាពការងារ លើវិស័យ​ទទួលខុស​ត្រូវ​របស់គណៈកម្មការ​ និងប្រមូលព័ត៌មាន​អំពី​ប្រសិទ្ធភាព​នៃ​ការ​អនុវត្តន៍ច្បាប់​របស់ខេត្ត ក៏ដូចជា​បញ្ហាប្រឈមដែលខេត្តបានជួបប្រទះនាពេលកន្លងមក ដើម្បីរួមគ្នារកដំណោះស្រាយ​ឲ្យបាន​ទាន់ពេល​វេលា ពិសេសទាក់ទង នឹងផលប៉ះពាល់ដែលបណ្តាលមកពីជំងឺ​កូវីដ-១៩ ទៅលើ​វិស័យនីមួយៗ។ឯកឧត្តម វ៉ី សំណាង អភិបាលខេត្តកំពង់ស្ពឺ​ លើកលើកឡើងជូន​ប្រតិភូគណៈកម្មការថា បច្ចុប្បន្ន​អាជ្ញាធរខេត្ត​បានខិតខំធ្វើឱ្យសេដ្ឋកិច្ច និងជីវភាពរស់នៅរបស់ប្រជាពលរដ្ឋត្រូវ​បាន​លើក​កម្ពស់​តាមរយៈការអភិវឌ្ឍ​វិស័យសំខាន់ៗ​ដូចជា​វិស័យកសិកម្ម ​វិស័យ​ធនធានទឹក ការស្ថាបនា​ប្រព័ន្ធ​ធារាសាស្ត្រ ដែលជំរុញ​ផលិតកម្មក​សិកម្មទទួល​បាន​ផល​ជា​អតិបរមា ​និង​មាន​បង្កើតការងារ​ជូន​ប្រជាពលរដ្ឋ តាមរយៈការវិនិយោគលើវិស័យ​វាយនភណ្ឌ ដែល​បានធ្វើឱ្យអត្រា​នៃ​ភាពក្រីក្រ​ថយ​ចុះគួរឱ្យកត់សំគាល់។ ឯកឧត្តម បន្តថា ទោះបីស្ថិតក្នុងការលំបាកនៃវិបត្តិជំងឺកូវីដ-១៩​ ក៏ដោយ​ក្រោមការដឹកនាំ​ដ៏ឈ្លាវៃ និង​ប៉ិន​ប្រសប់​របស់សម្តេចតេជោ ​បានធ្វើការប្រយុទ្ធប្រឆាំងយ៉ាង​សកម្មជា​មួយជំងឺកូវីដ-១៩ តាមរយៈការអនុវត្តយុទ្ធសាស្ត្រ បីសំខាន់ ​ទប់ស្កាត់ ព្យាបាល​ និងចាក់វាក់សាំង ជាពិសេស​អនុវត្តន៍នូវគោលនយោបាយរក្សាលំនឹងជីវភាពប្រជាជន ​និងធុរកិច្ច​នៅគ្រប់វិស័យ។ ក្រោយពីបានស្តាប់នូវការរាយការណ៍របស់ឯកឧត្តម​ គណៈអភិបាលខេត្ត ឯកឧត្តម ទ្បូយ សូផាត បានវាយតម្លៃខ្ពស់ចំពោះការខិតខំប្រឹងប្រែងរបស់អាជ្ញាធរ​ខេត្តក្នុងការជួយសម្រួលរាល់​ការ​លំបាក​របស់បងប្អូនប្រជាពលរដ្ឋ នៅក្នុងមូលដ្ឋាន ជាពិសេសខិតខំធ្វើការទាក់ទាញ​នូវអ្នកវិយោគ​អោយ​មកបណ្តាក់ទុន​នៅក្នុងខេត្តកំពង់ស្ពឺ ឱ្យកាន់តែច្រើនថែមទៀត ​ដើម្បីបង្កើន​ការងារជូនបងប្អូន​ប្រជាពលរដ្ឋ ក្នុងការកាត់បន្ថយការលំបាករបស់ពួកគាត់ផងដែរ៕

ជប៉ុនផ្តល់ហិរញ្ញប្បទានឥតសំណងជាង ២០លានដុល្លារ ​លើ​គម្រោង​ពង្រីក​ផ្គត់ផ្គង់​ទឹកស្អាត​ក្រុងតាខ្មៅ

2022/03/10 06:10:17 am        669
Facebook Telegram Linkin
ភ្នំពេញ៖ ជប៉ុន ផ្តល់ហិរញ្ញប្បទានឥតសំណងប្រមាណជាង ២០ លានដុល្លារអាមេរិក សម្រាប់គម្រោងពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ លើគម្រោងសមត្ថភាពផលិតទឹកស្អាត ៣ ម៉ឺនម៉ែត្រគូប ក្នុងមួយថ្ងៃ ដើម្បីបំពេញតម្រូវការបន្ថែម ទៅក្នុងប្រព័ន្ធចែកចាយរបស់រដ្ឋាករទឹកស្វយ័តភ្នំពេញ។ឯកឧត្តម អ៊ុំ សុថា ប្រធានក្រុមប្រឹក្សាភិបាលរដ្ឋាករទឹកស្វយ័តក្រុងភ្នំពេញ និងជារដ្ឋលេខាធិការ​ក្រសួង​ឧស្សាហកម្ម បច្ចេកវិទ្យា វិទ្យាសាស្រ្ត ​និងនវានុវត្តន៍ ថ្លែងលើកឡើងក្នុងកិច្ចសម្ភាសន៍​ជាមួយ​ភ្នាក់ងារអ្នកយកព័ត៌មាន BTV ស្តីពីការអភិវឌ្ឍវិស័យទឹកស្អាតរបស់រដ្ឋាករទឹកស្វយ័តក្រុងភ្នំពេញ នៅថ្ងៃទី១០ ខែមីនា ឆ្នាំ២០២២នេះថា ជុំវិញការអភិវឌ្ឍវិស័យទឹកស្អាត ជាពិសេសនៅក្នុងការ​រីករាល​ជំងឺ​កូវីដ១៩ ក្រសួង រួមជាមួយប្រតិបត្តិករ​ផ្គត់ផ្គង់​ទឹកស្អាត ​បាន​ខិតខំទ្វេដង ដើម្បី​ធានានិរន្តភាព ​ក្នុងការ​ផ្តល់​សេវា​ផ្គត់ផ្គង់​ទឹកស្អាត​ជូន ​ប្រជាពលរដ្ឋ ​ប្រកប​ដោយ​គុណភាព សុវត្ថិភាព ​និរន្តរភាព​ និងតម្លៃសមរម្យ​ ជាក់ស្តែងនាពេលកន្លងមកនេះ ​រដ្ឋាករទឹកស្វយ័តក្រុងភ្នំពេញ បានកសាង​បន្ថែមរោងចក្រផលិតទឹកស្អាតខ្នាតធំចំនួនពីរគឺ​ បាក់ខែង១​ និងបាក់ខែង២។ចំណែកការអភិវឌ្ឍ​ទឹកស្អាតនៅក្រុងតាខ្មៅវិញ, ​ឯកឧត្តម ​បន្តឲ្យដឹងថា គម្រោងនេះស្ថិត​នៅក្រោម​ជំនួយ​ឥតសំណងរាជរដ្ឋាភិបាលជប៉ុន ​តាមរយៈទីភ្នាក់ងារសហប្រតិបត្តិការអន្តរជាតិ​នៃ​ប្រទេស​ជប៉ុន (JICA) គឺគ្រោងដំណើរសាងសង់រយៈពីរឆ្នាំ ​ដោយនឹងចាប់ផ្តើមដំណើរការសាងសង់ នៅ​ខែមិថុនា ឆ្នាំ២០២២ និង​បញ្ចប់​ការសាងសង់នៅខែធ្នូ ឆ្នាំ២០២៤ ​ដោយក្រុមហ៊ុន KKKCT CONSORTIUM នៅក្នុងគម្រោងពង្រីករោងចក្រប្រព្រឹត្តកម្មទឹកស្អាត ​មានសមត្ថភាពផលិត ៣ ម៉ឺនម៉ែត្រគូប​ ក្នុងមួយថ្ងៃ, ស្ថានីយបូមទឹកឆៅជាង ៣ម៉ឺ នម៉ែត្រគូប​ ក្នុងមួយថ្ងៃ, ​បំពង់មេនាំទឹកឆៅ, អាងស្តុកទឹកស្អាត, ម៉ូទ័របូមទឹកស្អាតចែកចាយជាដើម ​ដែលគម្រោងនេះ ​គឺជាជាប្រភេទគម្រោង Special Purpose Company ​ស្ថិតក្រោមការថែទាំលក្ខណៈបច្ចេកទេស​ និងគុណភាពទឹក ​ក្នុងរយៈពេល ១០ឆ្នាំរបស់ជប៉ុន ​នឹងលក់ជាវដុំជូនរដ្ឋាករទឹកស្វយ័តក្រុងភ្នំពេញ ​ក្នុងតម្លៃតូចជាង ឬមិនឱ្យលើសពី ៥០០រៀល ​ក្នុងមួយម៉ែត្រគូប។តាមរយៈគម្រោងខាងលើនេះ, ឯកឧត្តម អ៊ុំ សុថា សង្ឃឹមជឿជាក់យ៉ាងមុតមាំថា ​គម្រោងនេះ​ពិតជាដំណើរការប្រកប​ដោយ​ជោគជ័យ ទៅតាមកម្មវិធីដែលបានកំណត់ ​និងចូលរួមចំណែក​នូវបញ្ហា​កង្វះទឹកស្អាតនៅរាជធានីភ្នំពេញ និងក្រុងតាខ្មៅ ចាប់ពីឆ្នាំ២០២៤ តទៅ ជាពិសេសនៅក្រោយពេលរោងចក្រប្រព្រឹត្តិកម្មទឹកស្អាត បាក់ខែងជំហានទី១ ត្រូវបានដាក់​ឱ្យដំណើរការ៕អត្ថបទ៖ សុន រ៉ាឌី

ផ្លូវ៣៨ខ្សែនៅសៀមរាប នឹងសម្ពោធដាក់ឲ្យប្រើប្រាស់ផ្លូវការក្រោមវត្តមានសម្តេចតេជោ នៅដើមខែមេសា

2022/03/10 12:40:18 pm        1150
Facebook Telegram Linkin
សៀមរាប៖ គម្រោងអភិវឌ្ឍហេដ្ឋារចនាសម្ព័ន្ធផ្លូវ៣៨ខ្សែ នៅក្នុងខេត្តសៀមរាប គិតមកទល់ពេលនេះ គឺស្ទើរតែរួចរាល់ ១០០ភាគរយហើយ ដោយនៅសល់តែការងារសម្អាត និងរៀបចំសោភ័ណភាពបន្តិចបន្តួចតែប៉ុណ្ណោះ នឹងសម្ពោធដាក់ឲ្យប្រើប្រាស់ផ្លូវការ នៅដើមខែមេសា ឆ្នាំ២០២២ ក្រោមវត្តមានដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។នេះបើយោងតាមការបញ្ជាក់ពីលោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន បានប្រាប់BTV កាលពីថ្ងៃម្សិលមិញនេះ។ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ខណៈអញ្ជើញចុះពិនិត្យវឌ្ឍនភាពគម្រោងស្ថាបនាផ្លូវនេះ កាលពីម្សិលមិញ បានឲ្យដឹងថា គម្រោងសាងសង់ផ្លូវចំនួន៣៨ខ្សែ ​ក្នុងទីរួមខេត្តសៀមរាបនេះ មានគោលដៅ​ប្រែក្លាយ​ក្រុងសៀមរាប ​ខេត្តសៀមរាប ឱ្យក្លាយជាទីក្រុងដ៏ទំនើប​ ពោរពេញដោយ ​សោភ័ណភាព បរិស្ថានល្អសម្រាប់ការរស់នៅ ​ឱ្យ​សក្តិសម​ជាទីក្រុងទេសចរណ៍​ វប្បធម៌ ​និង​ប្រវត្តិសាស្ត្រ អាចទាក់ ទាញភ្ញៀវទេសចរ​បានកាន់តែច្រើន ​សំដៅលើក​ស្ទួយសេដ្ឋកិច្ចជាតិ​ឱ្យកាន់តែមានការរីកចម្រើន ព្រមទាំងធ្វើឱ្យប្រសើរឡើង​ដល់ការតភ្ជាប់ពីទីប្រជុំជន​ក្រុងសៀមរាប​ទៅកាន់តំបន់ដាច់​ស្រយាល​ផងដែរ។គម្រោងកែលម្អហេដ្ឋារចនាសម្ព័ន្ធផ្លូវនេះ​ គឺមានប្រវែងជាង ១០៦គីឡូម៉ែត្រ ប្រើប្រាស់​ថវិកា​ជាតិ​សរុបជិត ​១៥០លានដុល្លារ៕

សម្តេចតេជោ បន្តផ្តល់អំណោយរថយន្តដឹកវ៉ាក់សាំងដល់មន្ទីរសុខាភិបាលរាជធានី-ខេត្ត

2022/03/10 12:27:59 pm        355
Facebook Telegram Linkin
ភ្នំពេញ៖ មន្ទីរសុខាភិបាលរាជធានី-ខេត្ត ចំនួន១២ និងឃ្លាំងឱសថកណ្តាល នៃក្រសួងសុខាភិបាល នៅថ្ងៃនេះ ទទួលបានរថយន្តដឹកវ៉ាក់សាំងចំនួន២០គ្រឿង ដែលជាអំណោយរបស់សប្បុរជនខ្មែរ តាមរយៈសម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល ​និងជាប្រធានគណៈកម្មការ ចំពោះកិច្ចចាក់វ៉ាក់សាំងបង្ការជំងឺកូវីដ-១៩ ក្នុងប្រកខណ្ឌទូទាំងប្រទេស នៅថ្ងៃទី១០ ខែមីនានេះ បន្តប្រគល់រថយន្តដឹកវ៉ាក់សាំងចំនួន២០គ្រឿង​ ដែលជាអំណោយរបស់សប្បុរជនខ្មែរ តាម​រយៈសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ជូនមន្ទីរសុខាភិបាលរាជធានី-ខេត្ត ចំនួន១២ និងឃ្លាំងឱសថ កណ្តាល នៃក្រសួងសុខាភិបាល។លោកជំទាវវេជ្ជបណ្ឌិត ឱ វណ្ណឌីន បានឱ្យដឹងថា រថយន្តដឹកវ៉ាក់សាំង ដែលជាអំណោយរបស់ សប្បុរសជនខ្មែរ តាមរយៈសម្តេចតេជោ ហ៊ុន សែន ប្រគល់ជូនមន្ទីសុខាភិបាលរាជធានី-ខេត្ត និងឱសថកណ្តាលនៅពេលនេះ នឹងចូលរួមចំណែកយ៉ាងសំខាន់ក្នុងដំណើរការចាក់វ៉ាក់សាំងកូវីដ-១៩ ជូនប្រជាពលរដ្ឋនៅទូទាំងប្រទេស និងទុកប្រើប្រាស់ក្នុងវិស័យសុខាភិបាល។រាជធានី-ខេត្តចំនួន១២ ដែលទទួលបានរថយន្តដឹកវ៉ាក់សាំង រួមមាន មន្ទីរសុខាភិបាលរាជធានីភ្នំពេញ ​មន្ទីរសុខាភិបាលខេត្តបន្ទាយមានជ័យ ​ខេត្តបាត់ដំបង ខេត្តកំពង់ចាម ​ខេត្តកំពង់ស្ពឺ​ ខេត្តកំពង់ធំ ​ខេត្តកំពត ខេត្តកណ្តាល ខេត្តព្រៃវែង ខេត្តសៀមរាម ខេត្តតាកែវ និងខេត្តត្បូងឃ្មុំ។អំណោយរថយន្តដឹកវ៉ាក់សាំង ម៉ាក Ford មានការរៀបចំឡើងទៅតាមតម្រូវការរបស់វ៉ាក់សាំង មាន​កម្រិតត្រជាក់​ក្នុងសីតុណ្ហភាព -24អង្សាសេ​ និងមានលក្ខណៈពិសេសជាច្រើនទៀត។ គិតត្រឹមថ្ងៃទី១០ ខែមីនានេះ រថយន្តដឹកវ៉ាក់សាំងជាង ១០០គ្រឿងហើយ​ ដែលជាអំណោយរបស់ សប្បុរជនខ្មែរ ​តាមរយៈសម្តេចតេជោ ​ត្រូវបានប្រគល់ជូនមន្ទីរសុខាភិបាលរាជាធានី-ខេត្តទាំង២៥ ក្រសួងការពារជាតិ និងប្រទេសឡាវ៕អត្ថបទ៖ ទូច សោភ័ណ

ពលរដ្ឋរាជធានីភ្នំពេញ មកចាក់វ៉ាក់សាំងកូវីដ-១៩ ដូសជំរុញទី៣ បានចំនួនជាង១លាននាក់ និងដូសជំរុញទី៤ បានចំនួន៧២ម៉ឺននាក់

2022/03/10 12:20:33 pm        356
Facebook Telegram Linkin
ភ្នំពេញ៖ គិតមកដល់ព្រឹកថ្ងៃទី១០ ខែមីនា ឆ្នាំ២០២២នេះ មានបងប្អូនប្រជាពលរដ្ឋរស់នៅក្នុងរាជធានីភ្នំពេញ បានអញ្ជើញមកទទួលការចាក់វ៉ាក់សាំងបង្ការជំងឺកូវីដ-១៩ ដូសជំរុញទី៣ បានចំនួនជាង ១លាននាក់ និងដូសជំរុញទី៤ បានចំនួន៧២នាក់។ បើតាមការបញ្ជាក់របស់ឯកឧត្តមវេជ្ជបណ្ឌិត ងី មានហេង ប្រធានមនី្ទរសុខាភិបាល រាជធានីភ្នំពេញ ប្រាប់BTV ព័ត៌មាន នៅព្រឹកនេះថា ការចាក់វ៉ាក់សាំងបង្ការជំងឺកូវីដ១៩ ដូសជំរុញទី៣ ជូនយុវវ័យ បងប្អូនប្រជាពលរដ្ឋ អាយុចាប់ពី ១៨ឆ្នាំឡើង មកដល់ព្រឹកនេះ បានចំនួន ១លាន៣៧ម៉ឺននាក់ បើគិតជាភាគរយ បានចំនួន៩៧% រីឯដូសជំរុញទី៤ ចំពោះប្រជាពលរដ្ឋអាយុចាប់ពី ១៨ឆ្នាំឡើង បានចំនួន ៧២ម៉ឺននាក់ បើគិតជាភាគរយ បានចំនួន៥០%។ជាមួយគ្នានោះដែរលោក សុំ វ៉ាន់ថៃ ប្រធានរដ្ឋបាលនៃមនី្ទរពេទ្យបង្អែកពោធិ៍ចិនតុង បានឲ្យដឹងថា ដោយយោងទៅតាមគោលការណ៍ និងអនុសាសន៍របស់ប្រមុខថ្នាក់ដឹកនាំ គឺក្រុមការងារ​គ្រូពេទ្យ​ទាំងអស់ បានបំពេញការងារពីថ្ងៃច័ន្ទ រហូតដល់ថ្ងៃអាទិត្យ និងថ្ងៃបុណ្យទានផ្សេងៗ ចាក់វ៉ាក់សាំង​បង្ការជំងឺកូវីដ១៩ ​ជូនបងប្អូនប្រជាពលរដ្ឋមកពីគ្រប់តំបន់​ ដែលគ្រូពេទ្យរបស់យើងបានបំពេញ​ការងារ​នេះ មានរយៈពេលជាង ១ឆ្នាំមកហើយ។ទន្ទឹមនឹងនោះសម្រាប់ដំណើរការចាក់វ៉ាក់សាំងជូនបងប្អូនប្រជាពលរដ្ឋ ​ក្នុងថ្ងៃធម្មតាពីថ្ងៃច័ន្ទ រហូតដល់ថ្ងៃសុក្រ ​ទាបបំផុត​ ចាក់វ៉ាក់សាំងជូនបងប្អូនប្រជាពលរដ្ឋ ​បានចំនួនជាង៤០០នាក់ ។ ដោយឡែកថ្ងៃសៅរ៍ ​និងថ្ងៃអាទិត្យ ​ចាក់វ៉ាក់សាំងដូសទី១​ ដូសទី២​ ដូសជំរុញទី៣ និងដូស​ជំរុញទី៤នោះ មានចំនួនជាង ១៣០០នាក់ រហូតដល់ទៅជាង ១៤០០នាក់ ដែលពួកគាត់​បាន​អញ្ជើញ​មកទទួលការចាក់វ៉ាក់សាំងការពារជំងឺកូវីដ-១៩៕ អត្ថបទ ៖ រដ្ឋា

បណ្ដាញសង្គម

ព័ត៌មានថ្មីៗ

លោក Merz របស់អាល្លឺម៉ង ប្រាប់ថា ចង់រក្សាតំបន់ Schengen ប៉ុន្តែមិនអាចត្រូវបានបំពាន
07/01/2025 07:07 PM
Facebook Telegram Linkin
ប្រព័ន្ធផ្សព្វផ្សាយរដ្ឋ៖ ភ្លៀងធ្លាក់ខ្លាំង បណ្ដាលឲ្យមនុស្ស ២នាក់ស្លាប់ នៅភាគកណ្តាលចិន
07/01/2025 06:07 PM
Facebook Telegram Linkin
ទីភ្នាក់ងារព័ត៌មាន៖ ជនជាតិអ៊ីរ៉ង់ជាង ៩០០នាក់ បានស្លាប់ ក្នុងរយៈពេល ១២ថ្ងៃនៃជម្លោះជាមួយអ៊ីស្រាអែល
07/01/2025 06:07 PM
Facebook Telegram Linkin
ជនភៀសខ្លួនស៊ីរីជាង ១៥.000នាក់ បានវិលត្រឡប់មកពីប្រទេសហ្ស៊កដានី ក្នុងខែឧសភា
07/01/2025 06:07 PM
Facebook Telegram Linkin
អារ៉ាប់រួមនិងហ្ស៊កដានី ថ្កោលទោសការវាយប្រហារលើក្បួនរថយន្តយោធាប៉ាគីស្ថាន ដែលបានសម្លាប់ទាហាន ១៣នាក់
07/01/2025 06:07 PM
Facebook Telegram Linkin
រដ្ឋមន្ត្រីប៉ាគីស្ថាន និយាយថា អាមេរិកនិងអ៊ីស្រាអែល ដាក់តំបន់ទាំងមូលឲ្យស្ថិតក្នុងគ្រោះថ្នាក់ ដោយការវាយប្រហារអ៊ីរ៉ង់
07/01/2025 06:07 PM
Facebook Telegram Linkin
មនុស្ស ៤នាក់រងរបួស ក្នុងហេតុការណ៍វាយប្រហារដោយចាក់ នៅឯក្រុមហ៊ុន នៅភាគខាងត្បូងអាល្លឺម៉ង់
07/01/2025 06:07 PM
Facebook Telegram Linkin
លោក Netanyahu៖ តំបន់មជ្ឈិមបូព៌ានឹងដួលរលំ បើគ្មានអ៊ីស្រាអែលទេនោះ
07/01/2025 05:07 PM
Facebook Telegram Linkin
ហ្ស៊កហ្ស៊ី ចាប់ឥស្សរជនប្រឆាំងម្នាក់ទៀតដាក់ពន្ធនាគារ ក្នុងការបង្រ្កាបលើក្រុមបះបោរ
07/01/2025 05:07 PM
Facebook Telegram Linkin
រដ្ខមន្ត្រីការបរទេស ច្រានចោលការចាប់ផ្ដើមឡើងវិញឆាប់ៗនូវកិច្ចចរចា រវាងអាមេរិក និងអ៊ីរ៉ង់
07/01/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.