BTV NEWS

សម្ដេចតេជោ ផ្តាំទៅសារព័ត៌មានថៃថា «បើឆ្កួតសូមឆ្កួតតែពួកឯងចុះ» ខណៈសម្ដេចជាមនុស្សទីពីរបន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព

ឯកឧត្តម ប៉ែន បូណា៖ ដើម្បីបណ្តុះបានមនុស្សពូកែ ទាល់តែគ្រូខ្លាំង

សម្ដេចធិបតី៖ កងកម្លាំងនគរបាលជាតិដើរតួនាទី និងបំពេញភារកិច្ចសំខាន់ធានាសន្តិសុខ សុវត្ថិភាព

សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

នយោបាយ និង ការអភិវឌ្ឍន៍

គណបក្សប្រជាជនកម្ពុជាខេត្តកំពង់ធំប្រកាសសមាជិកថ្មីជាង៩០០នាក់

កំពង់ធំ៖ នៅព្រឹកថ្ងៃទី១៨ ខែកុម្ភៈនេះ ប្រជាពលរដ្ឋចំនួន៨២៩នាក់ មកពីសមាជិកគណបក្សនយោបាយផ្សេងៗ ក្នុងខេត្តកំពង់ធំ ស្ម័គ្រចិត្តចូលរួមរស់ក្នុងជីវភាពជាមួយគណបក្សប្រជាជនកម្ពុជា។អ្នកឧកញ៉ា លី សាម៉េត តំណាងដ៏ខ្ពង់ខ្ពស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី នៃកម្ពុជា បានសម្តែងកិច្ចស្វាគមន៍ អបអរសាទរចំពោះអតីតសមាជិកគណបក្សផ្សេងៗ ដែលបានសម្រេចចិត្តយ៉ាងត្រឹមត្រូវក្នុងការបោះបង់គណបក្សដើមរបស់ខ្លួន ហើយជ្រើសយកការចូលរួមជីវភាពជាមួយមហាគ្រួសារគណបក្សប្រជាជនកម្ពុជា ។ពិធីបញ្ចូលសមាជិករបស់គណបក្សប្រជាជនកម្ពុជា នៅខេត្តកំពង់ធំ នាពេលនេះ ជាសក្ខីភាពបញ្ជាក់អំពី គោលបំណងឥតប្រែប្រួលរបស់គណបក្ស គឺប្រមូលផ្ដុំគ្រប់កម្លាំងស្នេហាជាតិ ដោយឥតប្រកាន់និន្នាការនយោបាយ ជំនឿ សាសនា អតីតកាល ដើម្បីរួមគ្នាកសាងប្រទេសកម្ពុជាតែមួយ ដោយឯករាជ្យភាព សន្តិភាព សេរីភាព ប្រជាធិបតេយ្យ អព្យាក្រឹត និងវឌ្ឍនភាពសង្គម។អ្នកឧកញ៉ា បានបន្តថា បច្ចុប្បន្ន ប្រជាជនកម្ពុជា កំពុងរស់នៅដោយសុខដុមរមនាក្នុងសន្តិភាព ប្រជាធិបតេយ្យ ការគោរពសិទ្ធិមនុស្ស និងការអភិវឌ្ឍ ដែលគណបក្សប្រជាជនកម្ពុជាបានខិតខំផ្ដល់ជូន។ ទន្ទឹមជាមួយគ្នានេះ ក៏នៅមានការងារសេសសល់ជាច្រើន ដែលកំពុងព្យាយាមដោះស្រាយ ដើម្បីឆ្លើយតបទៅនឹងសេចក្តីត្រូវការរបស់ប្រជាជននៅតាមមូលដ្ឋានផងដែរ។ បើទោះជាយ៉ាងនេះក្តី យើងរួមគ្នាជាធ្លុងមួយប្រឈមមុខ ចំពោះការគាបសង្កត់នៃការប្រកួតប្រជែងដណ្តើមភូមិសាស្ត្រនយោបាយរបស់មហាអំណាច រួមគ្នាតទល់ជាមួយការ មួលបង្កាច់ លាបពណ៌ពីសំណាក់ពួកប្រឆាំង រួមគ្នាទប់ស្កាត់បដិវត្តន៍ពណ៌ មិនឲ្យរស់ឡើងវិញនៅលើទឹកដីកម្ពុជា និងរួមគ្នាពង្រឹងឯករាជ្យ សន្តិភាព បូរណភាពទឹកដី ពង្រឹងស្មារតីធ្វើម្ចាស់លើជោគវាសនារបស់ប្រទេសជាតិ ខិតខំ កសាងសេដ្ឋកិច្ច សង្គម ដើម្បីអនាគតត្រចេះត្រចង់របស់ជំនាន់ក្រោយរបស់យើង៕

អ្នកស្រលាញ់បរិស្ថានជិត៣០០នាក់ រួមគ្នាសម្អាតបរិស្ថានដើម្បីអបអរសាទរថ្ងៃកំណើតកាកបាទក្រហមកម្ពុជា

សៀមរាប៖ អ្នកបរិស្ថានរួមមាន៖ ប្រជាពលរដ្ឋ និងមន្ត្រីរាជការ ក្នុងខេត្តសៀមរាប ប្រមាណជិត ៣០០នាក់ បានរួមគ្នាបោសសម្អាតស្លឹកឈើងាប់ ជម្រះស្មៅនៅក្នុងឧទ្យានសហស្សវត្សរ៍កាកបាទក្រហមកម្ពុជា ដើម្បីអបអរសាទខួបលើកទី៦៧ កំណើតកាកបាទក្រហមកម្ពុជា ១៨កុម្ភៈ១៩៥៥-ឆ្នាំ២០២២។លោកជំទាវ សុខ ណារ៉ូ អនុប្រធានគណៈកម្មការ សាខាកាកបាទកម្ពុជា ខេត្តសៀមរាប មានប្រសាសន៍ថា ឧទ្យានសហស្សវត្សរ៍កាកបាទកស្រហមកម្ពុជា ដែលស្ថិតលើទឹកដីដ៏បវរនៃខេត្តសៀមរាបអង្គរនេះ ជាមរតកដ៏ថ្លៃថ្លារបស់កាកបាទក្រហមកម្ពុជា ហើយមានអាយុកាលជិត ២៣ឆ្នាំហើយ ដែលបានដាំដុះឡើងតាំងពីឆ្នាំ១៩៩៩ មកម្ល៉េះ ក្រោមព្រះរាជាធិបតីភាពខ្ពងខ្ពង់ សម្តេចព្រះមហាក្សត្រី នរោត្តម មុនិនាថ សីហនុ ព្រះប្រធានកិត្តិយសកាកបាទក្រហមកម្ពុជា មានទំហំជាង ៦ហិចតា និងមានដើមឈើចំនួនជាង២,៤៦០ដើម ។ ឧទ្យានសហស្សវត្សរ៍នេះ ជាគម្របធម្មជាតិ និងជាផ្នែកមួយក្នុងការការពារបរិស្ថានតំបន់អង្គរផងដែរ។លោកជំទាវបន្តថា នៅលើពិភពលោក មានសមាគមជាតិ កាកបាទក្រហម អឌ្ឍចន្ទក្រហម ជាង១៩០ប្រទេស គឺមានតែប្រទេសកម្ពុជាមួយគត់ ដែលមានឧទ្យាន និងមានដើមឈើរហូតដល់ជាង ២,៦០០ដើមនេះ។ ហេតុនេះ ការជួបជុំគ្នាថ្ងៃនេះ គឺដើម្បីអបអរថ្ងៃកំណើតកាកបាទក្រហមកម្ពុជា ផង និងចង់បណ្ដុះគំនិតដស់បងប្អូនប្រជាពលរដ្ឋ ពិសេសប្អូនៗជាយុវជនកាកបាទក្រហមកម្ពុជា យុវជនកាយរឹទ្ធិជាតិកម្ពុជា និងសហភាពសហព័ន្ធយុវជនកម្ពុជា ឱ្យចេះស្រលាញ់ធម្មជាតិ ស្រលាញ់បរិស្ថានបៃតង សំដៅទៅមនុស្សម្នាក់ដាំដើមឈើមួយដើម សម្រាប់ធ្វើជាគំរូ និងទុកជាកេរដំណែលដល់កូនចៅយើងជំនាន់ក្រោយៗទៀត៕

កម្ពុជា-ជប៉ុន បានព្រមព្រៀងក្នុងការពង្រីកវិសាលភាព នៃកិច្ចសហប្រតិបត្តិការលើវិស័យនានាបន្ថែមទៀត

ភ្នំពេញ៖ កម្ពុជា-ជប៉ុនបានព្រមព្រៀង ក្នុងការសិក្សាលើលទ្ធភាពក្នុងការពង្រីកវិសាលភាព នៃកិច្ចសហប្រតិបត្តិការលើវិស័យនានាបន្ថែមទៀត ដើម្បីបង្កើនឱ្យមានសកម្មភាពទំនាក់ទំនងកាន់តែខ្លាំងក្លាទ្បើង។នៅថ្ងៃទី១៧ ខែកុម្ភៈ ម្សិលមិញនេះ មុននឹងអញ្ជើញនិវត្តមកកាន់មាតុប្រទេសវិញ ក្រោយបញ្ចប់ដំណើរទស្សនកិច្ចផ្លូវការ រយៈពេល០៤ថ្ងៃ ក្នុងប្រទេសជប៉ុន ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងគណៈប្រតិភូកងទ័ពជើងគោកកម្ពុជា បានជួបសំណេះសំណាល និងពិភាក្សាការងារជាមួយឯកឧត្តម Miyake Shingo អនុរដ្ឋមន្ត្រីការបរទេសនៃប្រទេសជប៉ុន។ក្នុងជំនួបនោះ ភាគីទាំងពីរបានព្រមព្រៀងក្នុងការសិក្សាលើលទ្ធភាពក្នុងការពង្រីកវិសាលភាពនៃ កិច្ចសហប្រតិបត្តិការលើវិស័យនានាបន្ថែមទៀតដើម្បីបង្កើនឱ្យមានសកម្មភាពទំនាក់ទំនង កាន់តែខ្លាំងក្លាទ្បើង។ឯកឧត្តម អនុរដ្ឋមន្រ្តី បានសម្តែងនូវការស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់ឧត្តមសេនីយ៍ឯក ហ៊ុន ម៉ាណែត និងគណៈប្រតិភូ មកកាន់ប្រទេសជប៉ុន។ ទន្ទឹមនឹងនេះ ឯកឧត្តម មានភាពជឿជាក់ថា នាពេលខាងមុខនេះ ចំណងមិត្តភាព សាមគ្គីភាពនៃប្រទេសទាំងពីរ នឹងកាន់តែ រឹងមាំនិងស៊ីជម្រៅថែមទៀត ជាពិសេសការជំរុញអ្នកវិនិយោគជប៉ុនមកកម្ពុជា។ជាការឆ្លើយតបឧត្តមសេនីយ៍ឯក ហ៊ុន ម៉ាណែត បានសម្តែងការអរគុណចំពោះការស្វាគមន៍យ៉ាងកក់ក្តៅដែលបានផ្តល់ជូនគណៈប្រតិភូកងទ័ពជើងគោកកម្ពុជា និងអរគុណរដ្ឋាភិបាល កងកម្លាំងស្វ័យការពារ និងប្រជាជនជប៉ុន ដែលតែងតែរក្សាចំណងមិត្តភាព ល្អជាមួយកម្ពុជាជាប់រហូតមក។ឯកឧត្តម ក៏បានគាំទ្រចំពោះសកម្មភាពវិនិយោគរបស់ក្រុមហ៊ុនជប៉ុននៅកម្ពុជា ដោយក្រុមហ៊ុនតែងបានគោរពច្បាប់ និងអនុវត្តការលើកកម្ពស់លក្ខខណ្ឌការងារសម្រាប់កម្មករនិយោជិតបានយ៉ាងល្អប្រសើរ៕

ទំនាក់ទំនងវិស័យវប្បធម៌រវាងកម្ពុជា-ជប៉ុន នៅតែល្អប្រសើរ

ភ្នំពេញ៖ គិតមកទល់បច្ចុប្បន្ននេះ បើទោះបីជាមានការរីករាលដាលនៃវីរុសកូវីដ១៩ខ្លាំង យ៉ាងណាក៏ដោយ ក៏សកម្មភាពវប្បធម៌រវាងកម្ពុជា-ជប៉ុន នៅតែបន្តមានជាហូរហែរឥតដាច់ និងតែងតែជួយគ្នាទៅវិញទៅមកគ្រប់ពេលវេលា។ នេះជាការលើកឡើងរបស់មន្រ្តីជាន់ខ្ពស់ នៃរដ្ឋាភិបាលកម្ពុជា។ឯកឧត្តម ឡុង ប៉ុណ្ណាស៊ីរីវត្ថ រដ្ឋលេខាធិការក្រសួងវប្បធម៌ និងវិចិត្រសិល្បៈ នៅក្នុងពិធីមហោស្រព គីហ្សូណាជប៉ុន-កម្ពុជា លើកទី១១ កាលពីល្ងាចថ្ងៃទី១៧ កុម្ភៈ ឆ្នាំ២០២២កន្លងទៅ បានមានប្រសាសន៍ថា សម្រាប់ព្រឹត្តការណ៍ គីហ្សូណាជប៉ុន-កម្ពុជា ក៏ជាសកម្មភាពវប្បធម៌មួយក្នុងចំណោមសកម្មភាពវប្បធម៌ជាច្រើនទៀត និងមានសារៈសំខាន់ក្នុងការលើកស្ទួយកិច្ចសហប្រតិបត្តិការវប្បធម៌កម្ពុជា-ជប៉ុន។ឯកឧត្តម បានទទួលស្គាល់ថា ជាមួយព្រឹត្តការណ៍នេះ គឺជាសក្ខីភាព សបញ្ជាក់ពីកិច្ចសហប្រតិបត្តិការល្អ និងស៊ីជម្រៅរបស់ប្រទេសទាំងពីរ លើវិស័យវប្បធម៌ និងវិចិត្រសិល្បៈផងដែរ ពោលគឺទំនាក់ទំនងកម្ពុជា-ជប៉ុន គឺជាមិត្តភាពជិតស្និទ្ធតាំងពីអតីតកាល បច្ចុប្បន្ន និងឆ្ពោះទៅអនាគត។ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំនៅកម្ពុជា បានលើកឡើងថា ពាក់ព័ន្ធប្រធានបទនៃមហោស្រពឆ្នាំនេះគឺ “គីហ្សូណានៅក្បែរអ្នកជានិច្ច” មានន័យថា ចំណងមិត្តភាពដ៏ស្អិតរមួត ដូច្នេះទោះបីជាយើងមិនអាចចូលរួមជាមួយគ្នា ក្នុងរូបភាពច្រើនគ្នាក្នុងពេលតែមួយក៏ដោយ យើងជឿជាក់ថា ស្ថានភាពកូវីដ១៩ បានបង្ហាញឲ្យឃើញថា ចំណងមិត្តភាពដ៏ស្អិតរមួតរវាងប្រជាជនប្រទេសទាំងពីរ នឹងមិនងាយកាត់ផ្តាច់ងាយៗឡើយ។ស្របគ្នានេះដែរ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា បានចាត់ទុកហោស្រព គីហ្សូណាជប៉ុន-កម្ពុជា ថា នឹងផ្តល់ឱកាសឲ្យប្រជាជនប្រទេសទាំងពីរ ទទួលបានបទពិសោធន៍ល្អៗ ក្នុងវិស័យសិល្បៈបែបប្រពៃណី និងទំនើបនៃសិល្បៈកម្ពុជា និងជប៉ុន ដោយនាំយកនូវការសម្តែងបែបទំនើប និងប្រពៃណីចម្រុះជាច្រើនផ្សេងទៀត។ សូមបញ្ជាក់ថា ព្រឹត្តការណ៍មហោស្រពគីហ្សូណា ត្រូវបានចាប់ផ្តើមនៅឆ្នាំ២០១២ ដើម្បីជំរុញការផ្លាស់ប្តូររវាងជប៉ុន និងកម្ពុជា លើវិស័យវប្បធម៌ និងអប់រំ។ សម្រាប់ឆ្នាំ២០២២នេះ ស្ថានទូតជប៉ុនប្រចាំនៅកម្ពុជា នៅតែបន្តរៀបចំ ដែលនឹងប្រព្រឹត្តទៅរយៈពេល ៤ថ្ងៃ ចាប់ពីថ្ងៃទី១៧ ដល់ថ្ងៃទី២០ ខែកុម្ភៈ ឆ្នាំ២០២២ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) និងតាមប្រព័ន្ធអនឡាញ ក្នុងគោលបំណងបង្ហាញពីវប្បធម៌បុរាណ និងទំនើបរបស់ជប៉ុន និងកម្ពុជា ក៏ដូចជាការផ្លាស់ប្តូរវប្បធម៌ រវាងប្រជាជននៃប្រទេសទាំងពីរ។ កម្មវិធីនេះដែរ នឹងនាំយកមកនូវកម្មវិធីជាច្រើនផ្សេងទៀត ដូចជាសិក្ខាសាលា និងសិក្ខាសាលាតាមអនឡាញ ទាក់ទងទៅនឹងសិល្បៈ អប់រំ បច្ចេកវិទ្យា ម្ហូបអាហារ និងបង្អែមជប៉ុន សាកល្បងស្លៀកយូកាតាជប៉ុន និងថតរូបសិល្បៈ បត់ប្រដាស អូរីហ្គាមិ ថ្នាក់ហត្ថកម្ម និងការសសេរអក្សផ្ចង់ ស្យូដូជាដើម៕អត្ថបទ៖ ឈិត បូរ៉ាវី

ការវិនិយោគលើការអភិវឌ្ឍជំនាញ ដល់យុវជន គឺជាការវិនិយោគជួយដល់សង្គមទាំងពេលបច្ចុប្បន្ននិងអនាគត

ភ្នំពេញ៖ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចាត់ទុកថា ការវិនិយោគលើការអភិវឌ្ឍន៍ជំនាញ ព្រមទាំងមុខរបរ និងការងាររបស់យុវជន មានន័យថា ជាការវិនិយោគសង្គមក្នុងពេលបច្ចុប្បន្ន និងអនាគត។ ហើយការវិនិយោគនេះ ទៀតសោត តម្រូវឱ្យមានការយកចិត្តទុកដាក់លើគុណភាព និងបរិមាណការងារ។ក្នុងឱកាសអញ្ជើញជាអធិបតីបើកវេទិកាដៃគូ ស្តីពីជំនាញ និងអនាគតនៃការងារ តាមប្រព័ន្ធវីដេអូ ដែលរៀបចំឡើងដោយអង្គការអន្តរជាតិខាងការងារ (ILO) សហការជាមួយក្រសួងការងារ និងបណ្តុះបណ្តាលវិជ្ជាជីវៈ កាលពីរសៀលថ្ងៃទី១៧ កុម្ភៈ ឆ្នាំ២០២២កន្លងទៅនេះ ឯកឧត្តមបណ្ឌិត អ៊ិត សំហេង បានមានប្រសាសន៍ថា ការវិវត្តនៃបច្ចេកវិទ្យា និងសកលភាវូបនីយកម្ម ព្រមទាំងបម្រែបម្រួលប្រជាសាស្ត្រ និងអាកាសធាតុ គឺជានិន្នាការធំៗ ដែលកំពុងនាំមកនូវការផ្លាស់ប្តូរក្នុងពិភពនៃការងារ ។ ប៉ុន្តែការផ្លាស់ប្តូរទាំងនេះ ក៏នាំមកនូវបញ្ហាប្រឈម សម្រាប់ប្រជាជនក្នុងការទទួលបានការបង្កើនជំនាញ ក៏ដូចជាបង្កបញ្ហាប្រឈមដល់វិស័យឯកជនក្នុងការសម្របខ្លួនទៅតាមការផ្លាស់ប្តូរទាំងនេះ ប្រកបដោយនិរន្តរភាពផងដែរ។ ជាមួយគ្នានេះ ឯកឧត្តម បានវាយតម្លៃខ្ពស់ ចំពោះការណ៍ដែលអង្គការ ILO បាននិងកំពុងអនុវត្ត គំនិតផ្តួចផ្តើមនវានុវត្តន៍នៅកម្ពុជា ដើម្បីបំផុសឱ្យមានការអនុវត្តវិធានការជាក់លាក់សំដៅ៖ លើកកម្ពស់ជំនាញសម្រាប់ការងារបៃតង និងជម្រុញបរិវត្តកម្មឌីជីថលនៃប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈ(TVET)ជាដើម។សូមជម្រាបថា ដើម្បីឆ្លើយតបទៅនឹងបញ្ហាជំនាញ និងអនាគតនៃការងារ ក៏ដូចជាការឆ្លើយតបទៅនឹងការរីករាតត្បាតនៃជំងឺកូវីដ-១៩ រដ្ឋាភិបាលកម្ពុជាបានដាក់ចេញរួមមកហើយនូវគោលនយោបាយសំខាន់ៗមួយចំនួនដូចជា គោលនយោបាយអភិវឌ្ឍន៍វិស័យឧស្សាហកម្ម ឆ្នាំ២០១៥-២០២៥, គោលនយោបាយជាតិ ស្តីពីមុខរបរនិងការងារ ឆ្នាំ២០១៥-២០២៥, គោលនយោបាយជាតិស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០១៧-២០២៥, ក្របខណ្ឌយុទ្ធសាស្រ្ត និងកម្មវិធីស្តារ និងជំរុញកំណើនសេដ្ឋកិច្ចកម្ពុជាក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មីសម្រាប់ឆ្នាំ ២០២១-២០២៣ និងគោលនយោបាយជាតិ ស្តីពីពលករទេសន្តប្រវេសន៍ឆ្នាំ២០១៩-២០២៣ ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥៕អត្ថបទ៖ ឈិត បូរ៉ាវី

ក្រសួងផែនការផ្សព្វផ្សាយវិធីសាស្ត្រសម្រួលសម្រាប់វាស់វែងភាពក្រីក្រ និងកម្រិតភាពក្រីក្ររបស់ពលរដ្ឋ

ភ្នំពេញ៖ ក្រសួងផែនការបានធ្វើការផ្សព្វផ្សាយពីវិធីសាស្ត្រសម្រួល សម្រាប់វាស់វែងភាពក្រីក្រ នៅកម្ពុជា និងកម្រិតនៃភាពក្រីក្ររបស់ប្រជាជនកម្ពុជា ឆ្នាំ២០២១៩-២០២០ ឲ្យស្របតាមឧត្តមានុវត្តអន្តរជាតិ និងស្ថានភាពជាក់ស្ដែង នៃជីវភាពរស់នៅរបស់ពលរដ្ឋ។ក្នុងសិក្ខាសាលាផ្សព្វផ្សាយវិធីសាស្ត្រថ្មីនេះ កាលពីថ្ងៃទី១៧ ខែកុម្ភៈ ឆ្នាំ២០២២ ឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ មានប្រសាសន៍ថា ចាប់ពីឆ្នាំ២០២១៤ ដល់ឆ្នាំ២០១៨ កម្ពុជាបានកាត់បន្ថយភាពក្រីក្រលើស ១ភាគរយ នៅក្នុងមួយឆ្នាំ ដូច្នេះអត្រានៃភាពក្រីក្ររបស់ប្រជាជនកម្ពុជា ស្ថិតនៅកម្រិតទាបជាង១០ភាគរយ។ឯកឧត្តម បានបន្តថា ចាប់តាំងពីឆ្នាំ២០២១៥ ក្រសួង និងក្រុមការងារជាតិសម្រាប់វាស់វែងភាពក្រី ក្រនៅកម្ពុជា ដែលមានការគាំទ្របច្ចេកទេសពីធនាគារពិភពលោក បានធ្វើការពិនិត្យវិធីសាស្ត្រវាស់វែង ភាពក្រីក្រនៅកម្ពុជា ដែលបានប្រើប្រាស់តាំងពីឆ្នាំ២០២១៩ ឡើងវិញ ដោយអត្រា នៃភាពក្រីក្រនៅរាជធានីភ្នំពេញ មានកម្រិតខ្ពស់ជាងនៅតំបន់ទីប្រជុំជន និងនៅតំបន់ទីប្រជុំជន ដែលជាទូទៅរាជធានីភ្នំពេញ មានអត្រាភាពក្រីក្រ មានកម្រិតទាបជាងគេ បន្ទាប់មកទីប្រជុំជន និងចុងក្រោយតំបន់ជនបទ មានកម្រិត ខ្ពស់ជាងគេ ។ឯកឧត្តម ឆាយ ថន បានបន្ថែមថា ឆ្លងតាមការសិក្សាអស់រយៈពេល៤ឆ្នាំ ពីវិធីសាស្ត្រទូទៅរបស់ធនាគារ ពិភពលោក និងវិធីសាស្ត្រ ដែលមានលក្ខណៈឧត្តមានុវត្ត ពេលនេះ កម្ពុជា បានបង្កើតវិធីសាស្ត្រមួយ ដែលស្របតាមស្ដង់ដារអន្តរជាតិ មានការអនុវត្តជាទូទៅនៅក្នុងបណ្ដាប្រទេសក្នុងតំបន់ និងក្នុងពិភពលោក ដែលវិធីសាស្ត្រនេះ បានទទួលការឯកភាពពីរាជរដ្ឋាភិបាល កាលពីថ្ងៃទី២៧ ខែសីហា ឆ្នាំ២០២១ ។ឯកឧត្តមទេសរដ្ឋមន្ត្រី បានបន្តទៀតថា វាបានឆ្លុះបញ្ចាំងពីការការប្រែប្រួលទម្រង់ នៃការប្រើប្រាស់ រួមជាមួយស្ថានភាពចំណូលមធ្យមកម្រិតទាបរបស់ប្រទេស និងធ្វើឲ្យប្រសើរឡើងវិធីសាស្ត្រសម្រាប់វាស់វែងភាពក្រីក្រ រាជរដ្ឋាភិបាល បានសម្រេចចិត្ត កែលម្អកម្រងសំណួរសម្រាប់អង្កេតសេដ្ឋកិច្ច សង្គមកិច្ច កម្ពុជា ២០១៩-២០២០ ដើម្បីទទួលព័ត៌មានប្រសើរជាងមុន ហើយកែសម្រួលវិធីសាស្ត្រសម្រាប់វាស់វែង ភាពក្រីក្រ ដើម្បីបន្ស៊ីទៅនឹងវិធីសាស្ត្រ ដោយអនុលោមតាមឧត្តមានុវត្តអន្តរជាតិ។ផ្អែកលើវិធីសាស្ត្រ ដែលបានកែសម្រួល និងទិន្នន័យអង្កេតសេដ្ឋកិច្ច សង្គមកិច្ចកម្ពុជា ខ្សែបន្ទាត់ ភាពក្រីក្រថ្នាក់ជាតិសម្រាប់កម្ពុជា មានចំនួន១០ ៩៥១ រៀលម្នាក់ ក្នុងមួយថ្ងៃ ។ រាធានីភ្នំពេញ ក្នុងមួយថ្ងៃម្នាក់មានចំណូល១០ ៩៥១រៀល ទីប្រជុំជនផ្សេងទៀត ៩៥៧១រៀល និងនៅជនបទ ៨៩០៨រៀល៕ អត្ថបទ៖ បាន សុខរិទ្ធិ

អាណាព្យាបាលគាំទ្រនិងអរគុណរាជរដ្ឋាភិបាល អនុញ្ញាតឲ្យចាក់វ៉ាក់សាំងជូនកុមារអាយុពី៣ឆ្នាំដល់ក្រោម៥ឆ្នាំ

ភ្នំពេញ៖ ប្រមុខរាជរដ្ឋាភិបាលកម្ពុជា កាលពីម្សិលមិញនេះ បានអនុញ្ញាតឱ្យក្រសួងសុខាភិបាលរៀបចំការចាក់វ៉ាក់សាំងបង្ការកូវីដ-១៩ ជូនកុមារអាយុចាប់ពី ៣ឆ្នាំទៅក្រោម៥ឆ្នាំ។ ការសម្រេចនេះ ធ្វើឡើងស្របពេលដែល កម្ពុជាមានការរីករាលដាលកូវីដ-១៩ ជាច្រើនករណីរៀងរាល់ថ្ងៃ។ ការសម្រេចថ្មីនេះ គឺទទួលបានការសាទរពីប្រជាពលរដ្ឋ ជាពិសេសអាណាព្យាបាលដែលមានកូនតូចស្ថិតក្នុងក្រុមអាយុនេះ។ក្រសួងសុខាភិបាល បានសម្រេចជ្រើសរើសថ្ងៃទី២៣ ខែកុម្ភៈ ឆ្នាំ២០២២ខាងមុខនេះ សម្រាប់ការចាប់ផ្ដើមយុទ្ធនាការចាក់វ៉ាក់សាំងបង្ការកូវីដ-១៩ ជូនកុមារអាយុចាប់ពី ៣ឆ្នាំទៅ៥ឆ្នាំ។ការសម្រេចនេះគឺ បន្ទាប់ពីប្រមុខរាជរដ្ឋាភិបាលកម្ពុជា បានបញ្ជាក់ឱ្យក្រសួងសុខាភិបាលរៀបចំការចាក់វ៉ាក់សាំងជូនក្រុមគោលដៅថ្មីនេះ ឱ្យបានឆាប់រហ័សបំផុតតាមដែលអាចធ្វើបាន។ តាមរយៈសារសម្លេងសម្ដេចតេជោ ហ៊ុន សែន នាយករដ្ឋមន្រ្តីកម្ពុជាកាលពីម្សិលម៉ិញ លើកឡើងថា គ្មានជម្រើសណាល្អជាងការចាក់វ៉ាក់សាំងនោះទេ។សម្ដេចតេជោ ក៏បានសំណូមពរទៅអាណាព្យាបាល ជូនកូនៗរបស់ខ្លួនទៅទទួលការចាក់វ៉ាក់សាំងកូវីដ១៩អោយបានគ្រប់ៗគ្នា ខណៈតាមការប៉ាន់ប្រមាណ កុមារស្ថិតក្នុងអាយុ ៣ទៅក្រោម៥ឆ្នាំ គឺមានប្រមាណ ៧០ម៉ឺននាក់នៅទូទាំងប្រទេស។ការសម្រេចចាប់ផ្ដើមយុទ្ធនាការចាក់វ៉ាក់សាំងនេះ គឺទទួលបានការសាទរពីប្រជាពលរដ្ឋ ពិសេសគឺអាណាព្យាបាល ដែលពួកគាត់មានកូនតូចមិនទាន់បានចាក់វ៉ាក់សាំង។ ពួកគាត់ លើកឡើងថា មួយរយៈមកនេះ គឺពួកគាត់មានការព្រួយបារម្ភច្រើនចំពោះសុខភាពកូន ខណៈដែលករណីឆ្លងវីរុសបំប្លែងថ្មីអូមីក្រុងកើតឡើងជាច្រើនរយករណីរៀងរាល់ថ្ងៃ។ ពួកគាត់ជាអាណាព្យាបាល នឹងជូនកូនទៅទទួលការចាក់វ៉ាក់សាំងឱ្យបានទាន់ពេលវេលា។ក្រសួងសុខាភិបាល បានចេញសេចក្ដីប្រកាសព័ត៌មាន ដោយបញ្ជាក់ពីការចាប់ផ្ដើមចាក់វ៉ាក់សាំងជូនដល់កុមារអាយុពី៣ឆ្នាំដល់ក្រោម៥ឆ្នាំ ប្រភេទ ស៊ីណូវ៉ាក់។ សម្រាប់ឯកសារដែលក្រសួងតម្រូវឱ្យភ្ជាប់ទៅជាមួយ គឺមានដូចជា សំបុត្រកំណើត ឬសំបុត្របញ្ជាក់កំណើត ឬសៀវភៅគ្រួសារ ឬសៀវភៅស្នាក់នៅ ឬលិខិតឆ្លងដែន និងប័ណ្ណសំគាល់ខ្លួនមន្រ្តីរាជការ ឬប័ណ្ណមន្រ្តីជាប់កិច្ចសន្យារបស់ឪពុកម្ដាយ ចំពោះកូនចៅមន្រ្តីរាជការថ្នាក់ជាតិ៕អត្ថបទ៖ គឹមហុក

បក្សនយោបាយ៖ សេរីភាពជួបជុំជាមួយពលរដ្ឋជាកត្តាសំខាន់ ដើម្បីឲ្យលម្ហប្រជាធិបតេយ្យកាន់តែប្រសើរ

ភ្នំពេញ៖ គណបក្សនយោបាយដែលបានត្រៀមខ្លួនរួចរាល់ចូលរួមប្រកួតប្រជែង ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅពេលខាងមុខនេះ បានលើកឡើងថា សកម្មភាពសេរីភាពជួបជុំនៅតាមមូលដ្ឋាន ជាមួយប្រជាពលរដ្ឋជាកត្តាសំខាន់ ដើម្បីឲ្យលទ្ធិប្រជាធិបតេយ្យនៅកម្ពុជា កាន់តែល្អប្រសើរ ខណៈសកម្មភាពកន្លងមកនេះ បានបើកយ៉ាងទូលាយ និងមិនមានការរឹតត្បិតឡើយ។លោក ញឹក ប៊ុនឆៃ ប្រធានគណបក្សខ្មែររួបរួមជាតិ បានប្រាប់BTVថា ក្រោយពីគណបក្សរបស់លោក បានចុះបញ្ជីត្រឹមត្រូវនៅក្រសួងមហាផ្ទៃ ការធ្វើសកម្មភាពនយោបាយនៅតាមមូលដ្ឋាន បានអនុវត្ត ទៅតាមការកំណត់ដោយច្បាប់ និងបទបញ្ជានានា ដើម្បីចួលរួមជំរុញឲ្យលទ្ធិប្រជាធិបតេយ្យនៅកម្ពុជា មានដំណើរការទៅមុខដោយរលូន និងមិនមានភាពអសកម្មណាមួយកើតឡើងក្នុងពេលធ្វើសកម្មភាព នយោបាយ ឬការប្រកួតប្រជែងក្នុងការបោះឆ្នោតនាពេលកន្លងទៅឡើយ។លោក បានសង្កេតឃើញថា លម្ហប្រជាធិបតេយ្យនៅកម្ពុជា បានបង្កលក្ខណៈល្អប្រសើរជូនបណ្តា គណបក្សនយោបាយ ទាំងការជួបជុំ ឬការចុះមូលដ្ឋានជួបប្រជាពលរដ្ឋ ដោយអាជ្ញាធរមូលដ្ឋាន បាន សម្របសម្រួលក្នុងពេលចុះមូលដ្ឋានស្វែងរកប្រជាប្រិយភាពពីប្រជាពលរដ្ឋ។លោក ញឿន រ៉ាដែន អ្នកនាំពាក្យគណបក្សហ៊្វុនស៊ិនប៉ិច បានឱ្យដឹងដែរថា ការធានាលក្ខណៈងាយ ស្រួលដល់គណបក្សនយោបាយនានាពេលចុះមូលដ្ឋាន គឺជាការសម្រួលរំហូរបរិយាកាសនយោបាយ នៅកម្ពុជាឱ្យកាន់តែប្រសើរ សម្រាប់ការបោះឆ្នោតឱ្យដំណើរការរលូនសេរី និងយុត្តិធម៌។កាលពីពេលថ្មីៗនេះ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអំពាវនាវឲ្យអាជ្ញាធរទាំងអស់ ត្រូវតែសម្របសម្រួល និងធ្វើយ៉ាងណាឲ្យបណ្តាគណបក្សទាំងអស់ ចុះមូលដ្ឋាន ដើម្បីជួបសមាជិក-សមាជិការបស់ពួកគេ ប្រកបដោយភាពងាយស្រួល និងសមស្របទៅតាមលទ្ធិប្រជាធិបតេយ្យសេរីពហុបក្ស ខណៈការឃោសនា និងបោះឆ្នោតជ្រើសរើសក្រុមប្រឹក្សាអាណត្តិទី៥ នឹងខិតជិតមកដល់ តែគឺសម្រាប់តែគណបក្សនយោបាយណា ដែលបានចុះបញ្ជីនៅក្នុងក្រសួងមហាផ្ទៃប៉ុណ្ណោះ ខណៈគណបក្ស ដែលពុំមានច្បាប់ និងមិនបានចុះបញ្ជីត្រឹមត្រូវទេនោះ ត្រូវតែចាត់វិធានការច្បាប់៕

សហភាពសហព័ន្ធយុវជនកម្ពុជារាជធានី ចុះអនុស្សរណៈនៃការយោគយល់សម្រាប់កម្មវិធីអប់រំ ៤.០

ភ្នំពេញ៖ ពិធីចុះអនុស្សរណៈនៃការយោគយល់សម្រាប់កម្មវិធីអប់រំ ៤.០ (Academia 4.0 Program) បានប្រព្រឹត្តទៅ នាព្រឹកថ្ងៃទី ១៨ ខែកុម្ភៈ ឆ្នាំ ២០២២ នៅវិទ្យាស្ថានបច្ចេកវិទ្យាកម្ពុជា (សាលាតិចណូ) ក្រោមអធិបតីភាពរបស់ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានសហភាពសហព័ន្ធយុវជនកម្ពុជា រាជធានីភ្នំពេញ ។ក្នុងពិធីនេះ ក៏មានការចូលរួមពីឯកឧត្តម ឃុត ចាន់ដារ៉ា, អគ្គនាយកនៃក្រសួងបរិស្ថាន, ប្រធាននាយកដ្ឋាននៃក្រសួបរិស្ថាន,តំណាងមកពីកម្ពុជា ៤.០ និងមជ្ឈមណ្ឌលអភិវឌ្ឍន៍កម្ពុជា និង សាលា CADT, នាយក /តំណាងមកពីវិទ្យាល័យដែលជាភាគីចុះអនុស្សរណៈទាំង៤, តំណាងមកពីក្រសួងអប់រំ យុវជន និងកីឡា, ប្រធានមន្ទីរអប់រំ យុវជន និងកីឡារាជធានីភ្នំពេញ, តំណាងមកពីមូលនិធិ Prince Foundation, សិស្ស, អាណាព្យាបាល, ភ្នាក់ងារព័ត៌មាន ព្រមទាំងក្រុមការងាររៀបចំពិធី។អនុស្សរណៈនេះធ្វើឡើងរវាងប្រាំមួយភាគី គឺ សហភាពសហព័ន្ធយុវជនកម្ពុជា (ស.ស.យ.ក) រាជធានីភ្នំពេញ, សាលា ស្ទីមមីង ខេមបូឌា, វិទ្យាល័យព្រះស៊ីសុវត្ថិ សាលារៀនជំនាន់ថ្មី, វិទ្យាល័យព្រែកលៀប សាលារៀនជំនាន់ថ្មី, វិទ្យាល័យអ៊ីធូស្ទែម ព្រះយុគន្ធរ និង សាលាភាពជាអ្នកដឹកនាំឡៃហ្គឺរ ដែលអនុស្សរណៈនេះមានគោលបំណងសម្គាល់សេចក្តីព្រមព្រៀងដែលផ្តល់ជូនការបណ្តុះបណ្តាលជំនាញឧស្សាហកម្ម ៤.០ ផ្តោតលើការប្រើប្រាស់សូហ្វ៊ែររបស់ក្រុមហ៊ុន Siemens សម្រាប់ឧស្សាហកម្ម ៤.០ ដោយក្តោបជំនាញដូចជាឌីហ្សាញផលិតផលផ្នែកមេកានិក, ផលិតផលផ្នែកអេឡិកត្រូនិក, ការធ្វើSimulation, ការបោះពុម្ព3D....៕

រដ្ឋបាលខណ្ឌបឹងកេងកង បន្តចែកអំណោយជូនដល់បងប្អូនប្រជាពលរដ្ឋដែលខ្វះខាតចំនួន ២០គ្រួសារ

ភ្នំពេញ៖ រដ្ឋបាលខណ្ឌបឹងកេងកង លោក ធឹម សំអាន អភិបាលនៃគណៈអភិបាលខណ្ឌបឹងកេងកង និងលោកស្រីអភិបាលរង រួមទាំងមន្ត្រីក្រោមឱវាទ បានបន្តចុះចែកអំណោយជូន ដល់បងប្អូនប្រជាពលរដ្ឋដែលខ្វះខាតចំនួន ២០គ្រួសារ ក្នុងសង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ នៅថ្ងៃទី១៧ ខែកុម្ភៈ ឆ្នាំ២០២២ ។ក្នុងពិធីចែកអំណោយនោះដែរលោក ធឹម សំអាន ក៏បានណែនាំអោយបងប្អូនប្រជាពលរដ្ឋ ចូលរួមទប់ស្កាត់ការរីករាលដាលជំងឺកូវីដ-១៩ បំប្លែងថ្មី អូមីក្រុងទាំងអស់គ្នា ដោយត្រូវអនុវត្តឲ្យបានខ្ជាប់ខ្ជួននូវវិធានការរបស់រាជរដ្ឋាភិបាល ៣កុំ ៣ការពារ និងអនុវត្ដតាមការណែនាំវិធានការរបស់ក្រសួងសុខាភិបាលផងដែរ។ ដូច្នេះ យើងត្រូវចូលរួមទប់ស្កាត់ទាំងអស់គ្នា ដើម្បីកាត់ផ្ដាច់អោយបាននូវការរីករាលដាលជំងឺកូវីដ-១៩ បំប្លែងថ្មី អូមីក្រុង។អំណោយដែលត្រូវប្រគល់ដល់បងប្អូនប្រជាពលរដ្ឋ ដែលខ្វះខាតចំនួន ២០គ្រួសារ នាពេលនេះ ក្នុងមួយគ្រួសារទទួលបាន អង្ករ មី ទឹកត្រី ទឹកស៊ីអ៊ីវ ជែល និងម៉ាស១កញ្ចប់ផងដែរ៕អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

ពលរដ្ឋ២០១គ្រួសារ នៅស្រុកពញាឮ សប្បាយចិត្ត បានចូលសមាគមអ្នកផលិតចម្លាក់ប្រាក់ស្ពាន់ ស្រួលរកទីផ្សារជាងមុន

ពលករខ្មែរដែលត្រឡប់មកពីប្រទេសថៃ សម្តែងការអរគុណដល់រាជរដ្ឋាភិបាល ដែលបានផ្ដល់ឱកាសការងារដល់ពួកគាត់

អ្នកនាំពាក្យ៖ សម្ដេចតេជោតែងលើកឡើងថា បើមិនចេះយុទ្ធសាស្រ្ត កុំធ្វើនយោបាយ ឬធ្វើជាអ្នកដឹកនាំ

គណៈកម្មាការUN និយាយថា ប្រទេសស៊ីរី ត្រូវតែបញ្ចប់អំពើហិង្សាលើជនជាតិភាគតិច Alawites និងការពារកន្លែងគោរពបូជា

ក្រុមហ៊ួទីនៅយេម៉ែន អះអាងថា ខ្លួនបានវាយប្រហារដោយមីស៊ីលលើអ៊ីស្រាអែល ប៉ុន្តែត្រូវស្ទាក់ចាប់បាន

មន្ត្រី៖ ទាហាន ១៣នាក់ បានស្លាប់ ក្នុងការវាយប្រហារអត្តឃាត នៅភាគពាយ័ព្យប៉ាគីស្ថាន

ក្រុមអង្គការជំនួយអន្តរជាតិ កំពុងខិតខំសម្របសម្រួលការផ្គត់ផ្គង់ជំនួយបន្ថែមទៀត ដល់ប្រជាជននៅតំបន់ហ្កាហ្សា

ប្រធានរក្សាសន្តិភាពUN«ព្រួយបារម្ភខ្លាំងណាស់» អំពីអនាគតនៃកិច្ចព្រមព្រៀងបទឈប់បាញ់លីបង់និងអ៊ីស្រាអែល

ឯកឧត្តម ឌិត ទីណា អញ្ជើញចុះពិនិត្យស្ថានភាពផលិតកម្មដំណាំបន្លែ និងស្តាប់នូវសំណូមពរម្ចាស់កសិដ្ឋាន នៅខេត្តបន្ទាយមានជ័យ

គិតត្រឹមថ្ងៃទី២៨ខែមិថុនានេះ ប្រជាពលរដ្ឋខ្មែរនៅថៃ បន្តវិលត្រឡប់ចូលស្រុកកំណើតវិញ ដោយទឹកមុខសប្បាយរីករាយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

គណបក្សប្រជាជនកម្ពុជាខេត្តកំពង់ធំប្រកាសសមាជិកថ្មីជាង៩០០នាក់

អ្នកស្រលាញ់បរិស្ថានជិត៣០០នាក់ រួមគ្នាសម្អាតបរិស្ថានដើម្បីអបអរសាទរថ្ងៃកំណើតកាកបាទក្រហមកម្ពុជា

កម្ពុជា-ជប៉ុន បានព្រមព្រៀងក្នុងការពង្រីកវិសាលភាព នៃកិច្ចសហប្រតិបត្តិការលើវិស័យនានាបន្ថែមទៀត

ទំនាក់ទំនងវិស័យវប្បធម៌រវាងកម្ពុជា-ជប៉ុន នៅតែល្អប្រសើរ

ការវិនិយោគលើការអភិវឌ្ឍជំនាញ ដល់យុវជន គឺជាការវិនិយោគជួយដល់សង្គមទាំងពេលបច្ចុប្បន្ននិងអនាគត

ក្រសួងផែនការផ្សព្វផ្សាយវិធីសាស្ត្រសម្រួលសម្រាប់វាស់វែងភាពក្រីក្រ និងកម្រិតភាពក្រីក្ររបស់ពលរដ្ឋ

អាណាព្យាបាលគាំទ្រនិងអរគុណរាជរដ្ឋាភិបាល អនុញ្ញាតឲ្យចាក់វ៉ាក់សាំងជូនកុមារអាយុពី៣ឆ្នាំដល់ក្រោម៥ឆ្នាំ

បក្សនយោបាយ៖ សេរីភាពជួបជុំជាមួយពលរដ្ឋជាកត្តាសំខាន់ ដើម្បីឲ្យលម្ហប្រជាធិបតេយ្យកាន់តែប្រសើរ

សហភាពសហព័ន្ធយុវជនកម្ពុជារាជធានី ចុះអនុស្សរណៈនៃការយោគយល់សម្រាប់កម្មវិធីអប់រំ ៤.០

រដ្ឋបាលខណ្ឌបឹងកេងកង បន្តចែកអំណោយជូនដល់បងប្អូនប្រជាពលរដ្ឋដែលខ្វះខាតចំនួន ២០គ្រួសារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

គណបក្សប្រជាជនកម្ពុជាខេត្តកំពង់ធំប្រកាសសមាជិកថ្មីជាង៩០០នាក់

អ្នកស្រលាញ់បរិស្ថានជិត៣០០នាក់ រួមគ្នាសម្អាតបរិស្ថាន​ដើម្បី​អបអរសាទរ​ថ្ងៃ​កំណើត​កាក​បាទ​ក្រហមកម្ពុជា

កម្ពុជា-ជប៉ុន បានព្រមព្រៀងក្នុងការពង្រីកវិសាលភាព នៃ​កិច្ច​សហប្រតិបត្តិការ​លើ​វិស័យ​នានា​បន្ថែមទៀត

ទំនាក់ទំនងវិស័យវប្បធម៌រវាងកម្ពុជា-ជប៉ុន នៅតែល្អប្រសើរ

ការវិនិយោគលើការអភិវឌ្ឍជំនាញ ដល់យុវជន គឺជា​ការ​វិនិយោគ​ជួយ​ដល់​សង្គមទាំង​ពេល​បច្ចុប្បន្ន​និងអនាគត

ក្រសួងផែនការផ្សព្វផ្សាយវិធីសាស្ត្រសម្រួលសម្រាប់វាស់វែងភាពក្រីក្រ និងកម្រិតភាពក្រីក្ររបស់ពលរដ្ឋ

អាណាព្យាបាលគាំទ្រនិងអរគុណរាជរដ្ឋាភិបាល អនុញ្ញាតឲ្យចាក់វ៉ាក់សាំងជូនកុមារអាយុពី៣ឆ្នាំ​ដល់ក្រោម៥ឆ្នាំ

បក្សនយោបាយ៖ សេរីភាពជួបជុំជាមួយពលរដ្ឋជាកត្តាសំខាន់ ដើម្បីឲ្យលម្ហប្រជាធិបតេយ្យកាន់តែប្រសើរ

សហភាពសហព័ន្ធយុវជនកម្ពុជារាជធានី ចុះអនុស្សរណៈនៃការយោគយល់សម្រាប់កម្មវិធីអប់រំ ៤.០

រដ្ឋបាលខណ្ឌបឹងកេងកង បន្តចែកអំណោយជូនដល់បងប្អូនប្រជាពលរដ្ឋដែលខ្វះខាតចំនួន ២០គ្រួសារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អ្នកស្រលាញ់បរិស្ថានជិត៣០០នាក់ រួមគ្នាសម្អាតបរិស្ថានដើម្បីអបអរសាទរថ្ងៃកំណើតកាកបាទក្រហមកម្ពុជា

កម្ពុជា-ជប៉ុន បានព្រមព្រៀងក្នុងការពង្រីកវិសាលភាព នៃកិច្ចសហប្រតិបត្តិការលើវិស័យនានាបន្ថែមទៀត

ការវិនិយោគលើការអភិវឌ្ឍជំនាញ ដល់យុវជន គឺជាការវិនិយោគជួយដល់សង្គមទាំងពេលបច្ចុប្បន្ននិងអនាគត

អាណាព្យាបាលគាំទ្រនិងអរគុណរាជរដ្ឋាភិបាល អនុញ្ញាតឲ្យចាក់វ៉ាក់សាំងជូនកុមារអាយុពី៣ឆ្នាំដល់ក្រោម៥ឆ្នាំ