BTV NEWS

សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី

TOP STORY | សម្ដេចតេជោចេញសារដាស់តឿនដល់ជនរួមជាតិកម្ពុជាត្រៀមខ្លួនវាយចោរឈ្លានពានទឹកដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

នយោបាយ និង ការអភិវឌ្ឍន៍

អាជ្ញាធរព្រមានអនុវត្តវិធានការច្បាប់ ចំពោះអតីតបុគ្គលិកណាហ្គាវើល ជុំវិញការបន្តប្រមូលផ្តុំនៅសាធារណៈ

ភ្នំពេញ៖ លោក កើត ឆែ អភិបាលរងរាជធានីភ្នំពេញ បានធ្វើការព្រមានអនុវត្តវិធានការរដ្ឋបាល និងវិធានការច្បាប់ជាកំហិតទៅលើអតីតបុគ្គលិកណាហ្គាវើល ក្នុងករណីបន្តប្រមូលផ្តុំ និងមិនអនុវត្តការធ្វើចត្តាឡីស័កត្រឹមត្រូវ ខណៈការអនុវត្តនេះ ជាការធានាការពារដល់សុខភាពសាធារណៈពីការរីករាលជំងឺកូវីដ១៩។ថ្លែងប្រាប់BTV នៅថ្ងៃទី៧ ខែកុម្ភៈ ឆ្នាំ២០២២ លោក កើត ឆែ អភិបាលរងរាជធានីភ្នំពេញ បានឲ្យដឹងថា យោងតាមសេចក្តីណែនាំរបស់រដ្ឋបាលរាជធានីភ្នំពេញ ស្តីពីការចាត់វិធានការជាបន្ទាន់ចំពោះការរកឃើញវិជ្ជមានកូវីដ១៩ បំប្លែងថ្មីជាបន្តបន្ទាប់លើលក្រុមបាតុករអតីតបុគ្គលិក Naga World គិតត្រឹមថ្ងៃទី៦ ម្សិលមិញ ក្រុមគ្រូពេទ្យធ្វើតេស្តអ្នកវិជ្ជមានកូវីដ១៩ ដែលជាបាតុករអតីតបុគ្គលិក Naga World កើនឡើងចំនួន២៩នាក់។ លោក បន្តថា តាមរយៈវិធានការរបស់រដ្ឋបាលរាជធានីភ្នំពេញ ឆ្លើយតប ដើម្បីទបស់ស្កាត់ការរីករាលដាលជំងឺកូវីដ១៩ បានតម្រូវឲ្យក្រុមបាតុករដែលអវិជ្ជមានទាំងអស់ត្រូវអនុវត្តដោយធ្វើចត្តាឡីស័កនៅមណ្ឌលចត្តាឡីស័ករាជធានីភ្នំពេញ ស្ថិតក្នុងខណ្ឌព្រែកព្នៅ ឬធ្វើចត្តាឡីស័កតាមផ្ទះរបស់ខ្លួនតាមនីវិវិធី និងវិធានការប្រតិបត្តិស្តង់ដារ (SOP) ដែលបានកំណត់ ខណៈក្រុមបាតុករទាំងអស់ត្រូវបានចាត់ទុកជាអ្នកប៉ះពាល់ផ្ទាល់តាមរយៈសកម្មភាពប្រមូលផ្តុំនៅសាធារណៈ។ឆ្លើយតបចំពោះការតាមដាន និងពិនិត្យការធ្វើចត្តាឡីស័កតាមផ្ទះ លោក កើត ឆែ បានបញ្ជាក់ថា មន្ទីរការងារ និងបណ្តុះបណ្តាលវិជ្ជាជីវៈរាជធានីភ្នំពេញ នឹងសហការជាមួយរដ្ឋបាលខណ្ឌទាំង១៤ ក្នុងរាជធានីភ្នំពេញ ដើម្បីកំណត់អាស័យដ្ឋាន និងចុះពិនិត្យឲ្យបានម៉ត់ចត់ធានាថាការអននុវត្តធ្វើចត្តាឡីស័ករបស់ពូកគាត់ត្រឹមត្រូវ ខណៈក្នុងករណីមិនបានអននុវត្តការធ្វើចត្តាឡីកត្រឹមត្រូវនឹងប្រឈមវិធានការដ្ឋបាល និងវិធានការច្បាប់។ជុំវិញការប្រមូលផ្តុំរបស់បាតុករអតីតបុគ្គលិក Naga Worldនេះ លោក កើត ឆែ បានព្រមានអនុវត្តវិធានការច្បាប់ប្រសិនជាក្រុមបាតុករបន្តប្រមូលផ្តុំ ដោយហេតុផលអាជ្ញាធរមិនអាចបណ្តែតបណ្តោយឲ្យក្រុមបាតុករយកវិវាទរបស់ខ្លួនទៅបង្កជាការបំផ្លាញសុខភាពសាធារណៈដោយការបន្តរីករាលដាលជំងឺកូវីដ១៩បានឡើយ។លោក កើត ឆែ បានទទូចសូមប្រជាពលរដ្ឋជាបាតុករអនុវត្តវិធានការសុខាភិបាលឲ្យបានគ្រប់ៗគ្នា ក៏ដូជាប្រជាពលរដ្ឋដែលតែងចូលរួមគ្រប់សកម្មភាពទប់ស្កាត់ការរីករាលដាលជំងឺកូវីដ១៩ ឬព្រឹត្តិការណ៍២០កុម្ភៈកន្លងទៅ សូមបងប្អូនបន្តចូលរួមទប់ស្កាត់បន្តទៀត ជាពិសេសបើប្រជាពលរដ្ឋរកឃើញក្រុមបាតុករអតីតបុគ្គលិកណាហ្គាវើលត្រូវរាយការណ៍ទៅអាជ្ញា ដើម្បីទប់ស្កាត់ការរីករាលដាលជាទ្រង់ទ្រាយធំចូលក្នុងសហគមន៍៕ អត្ថបទ៖ ឧត្តម

អាជ្ញាធរមីនអនុញ្ញាតឲ្យនាយក ISU-APMBT ចូលជួបពិភាក្សាការងារពីវិស័យមីន

ភ្នំពេញ៖ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន នៅព្រឹកថ្ងៃទី០៧ ខែកុម្ភៈនេះ អនុញ្ញាតឲ្យ លោក Juan Carlos Ruan នាយកអង្គភាពគាំទ្រការអនុវត្ត (Implementation Support Unit_ISU) នៃអនុសញ្ញាស្តីពីការហាមប្រាម ការប្រើប្រាស់ ការរក្សាទុក ការផលិត និងការផ្ទេរគ្រាប់មីនប្រឆាំងមនុស្ស និងការបំផ្លាញគ្រាប់មីនចោល (អនុសញ្ញាអូតាវ៉ា_APMBC) និងលោក Gregory Cathcart មន្រ្តីជាន់ខ្ពស់ ISU ដែលមានទីស្នាក់នៅប្រទេសស្វីស ចូលជួបពិភាក្សាការងារស្តីពីការពង្រឹងភាពដៃគូរ និងកិច្ចសហប្រតិបត្តិការលើការងារបោសសម្អាតមីននៅកម្ពុជា នៅទីស្នាក់ការអាជ្ញាធរមីន។ លោក Juan Carlos Ruan បានបម្រើការងារជានាយក ISU តាំងពីឆ្នាំ២០១៦ និងបានជួយគាំទ្រដល់ការអនុវត្តខ្លឹមសារអនុសញ្ញាអូតាវ៉ាទៅគ្រប់សមាជិករដ្ឋភាគីទាំងអស់។គណៈប្រតិភូ ISU-APMBC បំពេញបេសកកម្មនៅកម្ពុជា រយៈពេល ០៥ថ្ងៃ ចាប់ពីថ្ងៃទី០៦-១០ ខែកុម្ភៈ ឆ្នាំ២០២២ ក្នុងគោលបំណងតាមដានការអនុវត្តការងារបោសសម្អាតមីនរបស់កម្ពុជា ឲ្យស្របទៅនឹងផែនការដែលបានអនុម័តឲ្យកម្ពុជាពន្យារពេលលើកទី២ នៅទីក្រុងអូស្លូ ប្រទេសន័រវេស្ស និងជួយគាំទ្រកម្ពុជាក្នុងការរៀបចំផែនការបោសសម្អាតមីនឲ្យសម្រេចទៅតាមមាត្រា៥ នៃអនុសញ្ញាអូតាវ៉ា។គណៈប្រតិភូ ISU-APMBC គ្រោងនឹងជួយពិភាក្សាជាមួយថ្នាក់ដឹកនាំអាជ្ញាធរមីន, គណៈកម្មការ JBC កម្ពុជា-ថៃ, មន្រ្តី UNDP នៃគម្រោងបោសសម្អាតមីនដើម្បីលទ្ធផល, CMAC, NPA, Halo Trust, MAG, មជ្ឈមណ្ឌលតំបន់អាស៊ានសម្រាប់សកម្មភាពមីន(ARMAC) និងភាគីពាក់ព័ន្ធដទៃទៀត។ជាមួយគ្នានោះដែរ ឯកឧត្តម ទេសរដ្ឋមន្រ្តី លី ធុជ បានទទួលស្វាគមន៍យ៉ាងកក់ក្តៅចំពោះបេសកកម្មរបស់គណៈប្រតិភូ ISU-APMBC នៅកម្ពុជា ព្រមទាំងបានថ្លែងអំណរយ៉ាងជ្រាលជ្រៅជូនចំពោះ អង្គភាព ISU-APMBC ដែលបានជួយគាំទ្រដល់កម្ពុជាក្នុងការផ្តល់ប្រឹក្សាយោបល់ និងជំនួយបច្ចេកទេសដល់ការងារបោសសម្អាតមីន ក្នុងនាមកម្ពុជាជារដ្ឋភាគីនៃអនុសញ្ញាអូតាវ៉ា ជាពិសេសលើសំណើសុំពន្យាពេលបោសសម្អាតមីនរបស់កម្ពុជាលើកទី១ និងលើកទី២។ឯកឧត្តមទេសរដ្ឋមន្រ្តី បានបញ្ជាក់ទៀតថា ក្នុងនាមជារដ្ឋភាគីនៃអនុសញ្ញាអូតាវ៉ា កម្ពុជា ធ្លាប់បានស្នើសុំពន្យារពេលបោសសម្អាតមីនលើកទី១ រយៈពេល ១០ឆ្នាំ ចាប់ពីឆ្នាំ២០១០ ដល់ឆ្នាំ២០១៩ ដើម្បីធ្វើការបោសសម្អាតផ្ទៃដីដែលដឹងថាមានគ្រាប់មីនទាំងអស់ឲ្យរួចរាល់ត្រឹមឆ្នាំ២០១៩ ហើយក្នុងរយៈពេល១០ឆ្នាំនោះ ផ្ទៃដីប្រមាណជាង ៥៧៧ ម៉ែត្រក្រឡា សរុបចំនួន ៨,២៩០ ចម្ការមីន បានបោសសម្អាតរួច មីនប្រឆាំងមនុស្ស ១០១,៤២៤ គ្រាប់ មីនប្រឆាំងរថក្រោះ ១,៥៦០ គ្រាប់ និងសំណល់ជាតិផ្ទុះពីសង្រ្គាម ៧៣,២៣១ គ្រាប់ ប៉ុន្តែផ្អែកតាមការវាយតម្លៃលទ្ធភាព កម្ពុជានៅតែមិនអាចសម្រេចបានតាមគោលដៅឆ្នាំ២០១៩។ ឯកឧត្តមបន្តថា បន្ទាប់ពីការពិនិត្យឡើងវិញ និងស្របតាមស្មារតីនៃ “សេចក្តីថ្លែងការណ៍ម៉ាពុយតូ+១៥” កាលពីឆ្នាំ២០១៤ កម្ពុជាបានស្នើសុំពន្យារពេលបោសសម្អាតមីនលើកទី២ រយៈពេល០៦ឆ្នាំបន្ថែមទៀត ចាប់ពីឆ្នាំ២០២០ ដល់ឆ្នាំ២០២៥ សំដៅធ្វើការបោសសម្អាតមីនឲ្យអស់ត្រឹមឆ្នាំ២០២៥។ក្នុងឱកាសនោះ ឯកឧត្តម ទេសរដ្ឋមន្រ្តី បានជម្រាបប្រាប់ដល់គណៈប្រតិភូអំពីបញ្ហាមីននៅកម្ពុជា ថា “ប្រទេសកម្ពុជា ប្រឈមនឹងបញ្ហាជាច្រើនពាក់ព័ន្ធនឹងមីន និងសំណល់ជាតិផ្ទុះពីសង្គ្រាម ដែលជាលទ្ធផលនៃសង្គ្រាមរ៉ាំរ៉ៃអូសបន្លាយនៅក្នុងប្រទេស ចាប់តាំងពីដើមទសវត្សរ៍ឆ្នាំ១៩៦០ រហូតមកដល់ចុងឆ្នាំ១៩៩៨។ ក្រោមនយោបាយ ឈ្នះឈ្នះ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចុងឆ្នាំ ១៩៩៨ កម្ពុជា ទទួលបានសន្តិភាពពេញលេញទូទាំងប្រទេស ដែលអនុញ្ញាតឲ្យរាជរដ្ឋាភិបាលកម្ពុជា មានលទ្ធភាពគ្រប់គ្រាន់ដោះស្រាយការគំរាមកំហែងដោយសារមីន និងយុទ្ធភ័ណ្ឌមិនទាន់ផ្ទុះទាំងនោះ ប្រកបដោយប្រសិទ្ធភាព និងគ្មានការភ័យខ្លាច។ជាមួយគ្នានេះ ឯកឧត្តម ទេសរដ្ឋមន្រ្តី បានលើកឡើងអំពីសមិទ្ធផលរយៈពេលជិត ៣០ឆ្នាំ នៃការងារបោសសម្អាតមីនមនុស្សធម៌នៅកម្ពុជាចាប់ពីឆ្នាំ១៩៩២ ក្រោមការដឹកនាំរបស់ សម្តេចតេជោ នាយករដ្ឋមន្រ្តី និងមានការចូលរួមចំណែកគាំទ្រពីដៃគូអភិវឌ្ឍន៍ ប្រទេសជាមិត្ត និងភាគីពាក់ព័ន្ធដទៃទៀត ដោយគិតត្រឹមខែធ្នូ ឆ្នាំ២០២១ កម្ពុជា បានបោសសម្អាតផ្ទៃដីចំនួន ២,៣២៨ គីឡូម៉ែត្រក្រឡា បានបំផ្លាញចោលគ្រាប់មីនប្រឆាំងមនុស្ស ១,១១៨,៨១០ គ្រាប់ មីនប្រឆាំងរថក្រោះ ២៥,៩៥២ គ្រាប់ និងសំណល់ជាតិផ្ទុះពីសង្រ្គាមរាប់បញ្ចូលទាំងគ្រាប់បែកចង្កោម ២,៩៨៣,៤១៦ គ្រាប់ ដោយមានអ្នកទទួលផល ៧,៧៣២,៥៣៦ នាក់។ ទោះបីជាមានការខិតខំប្រឹងប្រែងយ៉ាងណាក៏ដោយ ប្រទេសកម្ពុជា នៅតែមានបញ្ហាប្រឈមដ៏ធំធេងលើផ្ទៃដី ២,០១៧ គីឡូម៉ែត្រក្រឡា ដែលក្នុងនោះ ៧៨៨ គីឡូម៉ែត្រក្រឡា រងផលប៉ះពាល់ដោយគ្រាប់មីន។ ឯកឧត្តម បន្តទៀតថា ឆ្នាំ២០២២នេះ កម្ពុជាមានបំណងរៀបចំពិធីអបអរសាទររំលឹកខួបទី៣០ឆ្នាំ នៃការងារបោសសម្អាតមីនមនុស្សធម៌នៅកម្ពុជា (១៩៩២-២០២២) ក្នុងនាមរាជរដ្ឋាភិបាលកម្ពុជា ឯកឧត្តម ទេសរដ្ឋមន្រ្តី បានស្នើសុំឲ្យអង្គភាព ISU-APMBC ជួយគាំទ្រដល់ការងារបច្ចេកទេសសម្រាប់ការរៀបចំព្រឹត្តិការណ៍នេះ ព្រមទាំងបានស្នើសុំ អង្គភាព ISU-APMBC ជួយកៀរគរធនធានបន្ថែមពីសហគមន៍ផ្តល់ជំនួយ គាំទ្រដល់ការងារបោសសម្អាតមីននៅកម្ពុជាឲ្យអស់ទាំងស្រុងនៅត្រឹមឆ្នាំ២០២៥។លោក Juan Carlos Ruan បានអបអរសាទរ និងកោតសរសើរដល់រាជរដ្ឋាភិបាលកម្ពុជា ដែលបានយកចិត្តទុក ចាត់ចែង និងរៀបចំឲ្យមានរចនាសម្ព័ន្ធយ៉ាងច្បាស់លាស់សម្រាប់ការងារសម្របសម្រួល និងគ្រប់គ្រងវិស័យសកម្មភាពមីនកម្ពុជា ព្រមទាំងបានវាយតម្លៃខ្ពស់ចំពោះសមិទ្ធផលសម្រេចបានលើការងារបោសសម្អាតមីននាពេលកន្លងមក ទោះបីមានរីករាលជាសកលនៃជំងឺកូវីដ-១៩ ក៏ដោយ៕

សម្តេចតេជោ នឹងជួបសំណេះសំណាលជាមួយសិស្សនិទ្ទេសAទូទាំងប្រទេសនៅចុងខែនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានប្រកាសថា នៅថ្ងៃទី២៨ ខែកុម្ភៈ ខាងមុខនេះ សម្តេចនឹងជួបសំណេះសំណាលជាមួយសិស្សនិទ្ទេសAនៅទូទាំងប្រទេសហើយសម្តេចបានស្នើសុំឲ្យអាជ្ញាធរខេត្ត ដែលមានសិស្សនិទ្ទេសAទាំងអស់សម្រួលដល់ការធ្វើដំណើរ និងសម្រាកជូនដល់ពួកគេ និងក្រុមគ្រួសារផងដែរ។ក្នុងឱកាសអញ្ជើញសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ ពីចំណុចរង្វង់មូលខ្លាស្ទុះ ក្រុងក្រចេះ ទៅភូមិរមាត ឃុំអូរគ្រៀង ស្រុកសំបូរ ខេត្តក្រចេះ ប្រវែងប្រមាណ ៩៣.៥៦គីឡូម៉ែត្រ ក្រោមជំនួយឧបត្ថម្ភរបស់រដ្ឋាភិបាលចិន នាព្រឹកថ្ងៃទី៧ ខែកុម្ភៈ ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា សិស្សនិទ្ទេសA សម្រាប់ឆ្នាំសិក្សា២០២០-២០២១ទាំងអស់រួមទាំងឪពុកម្តាយអាណាព្យាបាលរបស់ពួកគេ នឹងត្រូវអនុញ្ញាត ឲ្យចូលជួបជាមួយសម្តេចនៅរាជធានីភ្នំពេញ នាថ្ងៃទី២៨ ខែ កុម្ភៈខាងមុខនេះ ខណៈកិច្ចជំនួបនោះនឹង មានរង្វាន់លើកទឹកចិត្តដល់ពួកគេផងដែរ។សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំ២០២០-២០២១កន្លង ទៅនេះមានចំនួន ១១៤.១៨៧នាក់ ហើយបានប្រឡងជាប់ចំនួន ៧២ ០១៦នាក់ស្មើនិង ៦៥,៦៥ភាគរយ ដោយក្នុងនោះបេក្ខជនដែលទទួលបាននិទ្ទេសA មានចំនួន១៧៥៣នាក់៕អត្ថបទ៖ បាន ចក់រូបភាព៖ ឯកសារ

សម្ដេចតេជោ៖ កម្ពុជាកំពុងកាត់បន្ថយគម្លាតរវាងអ្នកទីក្រុង និងអ្នកជនបទតាមរយៈការអភិវឌ្ឍ

ក្រចេះ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា បច្ចុប្បន្ននេះកម្ពុជា កំពុងអនុវត្តការកាត់បន្ថយគម្លាត រវាងអ្នកក្រុង និងអ្នកជនបទ តាមរយៈការអភិវឌ្ឍនូវហេដ្ឋារចនាសម្ព័ន្ធនានា រួមទាំងការកសាងនូវធនធានមនុស្ស ។ក្នុងពិធីសម្ពោធដាក់ឲ្យប្រើប្រាស់ជាផ្លូវការកំណាត់ផ្លូវជាតិលេខ៧ នៅថ្ងៃទី៧ ខែកុម្ភៈនេះ ក្នុងខេត្ត ក្រចេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងបញ្ជាកថា ការកសាងនូវសាលារៀន ហេដ្ឋារចនាសម្ព័ន្ធផ្លូវថ្នល់ខ្វាត់ខ្វែងតភ្ជាប់ពីខេត្តមួយទៅខេត្តមួយ ភ្ជាប់ទៅដល់ទីជនបទ ការតភ្ជាប់បណ្ដាញអគ្គិសនី និងទឹកស្អាតនេះហើយ គឺជាការកាត់បន្ថយនូវគម្លាតទីក្រុង និងជនបទ ដោយរាជរដ្ឋាភិបាល មិនទុកឲ្យទីជនបទគ្មានការអភិវឌ្ឍនោះទេ ។ឯកឧត្តម វ៉ា ថន អភិបាលខេត្តក្រចេះ បានបញ្ជាក់ថា រហូតមកដល់ពេលនេះ នៅខេត្តក្រចេះ មាន ការតភ្ជាប់បណ្ដាញអគ្គិសនី បានប្រមាណជា៨០ភាគរយ ដោយភូមិនៅសេសសល់ គឺជាភូមិនៅដាច់ ស្រយាល ឬភូមិតូចៗទើបបង្កើតថ្មី។ ខេត្តក្រចេះ មាន៥ស្រុក, ៤៣ឃុំសង្កាត់ និង២៩៥ភូមិ ហើយមាន សកលវិទ្យាល័យ១កន្លែង, វិទ្យាល័យចំនួន១២កន្លែង អនុវិទ្យាល័យចំនួន៤៣កន្លែង មានបឋមសិក្សា ចំនួន ២៨៦កន្លែង និងមានមត្ដេយ្យសិក្សាចំនួន ១០២កន្លែង ៕អត្ថបទ៖ បាន សុខរិទ្ធ

សម្ដេចតេជោ បញ្ជាក់ជាថ្មីថា បើមិនជ្រើសយកការចរចាទេ បញ្ហាមីយ៉ាន់ម៉ា មិនអាចបញ្ចប់បានទេ

ក្រចេះ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងជាប្រធានអាស៊ាន ឆ្នាំ២០២២ បានរំលឹកជាថ្មីថា ប្រសិនបើ មិនជ្រើសយកផ្លូវចរចាទេ គឺមិនអាចបញ្ចប់បញ្ហាមីយ៉ានម៉ាបាននោះទេ ដោយសម្ដេច បានផ្ដល់បទពិសោធន៍ថា វិធីសាស្ត្ររបស់សម្តេច គឺពន្លត់ភ្លើងសង្គ្រាមជាមុនសិន ទើបដំណើរការប្រជាធិបតេយ្យ និងអ្វីៗទៅតាមក្រោយបាន។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងជាប្រធានអាស៊ាន ឆ្នាំ២០២២ ខណៈអញ្ជើញជាអធិបតីដ៏ខ្ពង់ខ្ពស់នៅក្នុងពិធីសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧ នៅខេត្តក្រចេះ នៅព្រឹកថ្ងៃទី៧ ខែកុម្ភៈ នេះ បានលើកឡើងជាថ្មីម្ដងទៀត អំពីបញ្ហាមីយ៉ាន់ម៉ា និងបានរំលឹកដល់អ្នកដែលរិះគន់សម្ដេចថា ការដែលសម្តេចទៅ មីយ៉ាន់ម៉ាថា សម្តេចគ្មានផលប្រយោជន៍អ្វីក្រៅតែពីចង់ជួយមីយ៉ាន់ម៉ា ឱ្យចេញផុតពីសង្គ្រាមនោះទេ។ អ្នកពេញចិត្ត ក៏ ពេញចិត្ត អ្នកមិនពេញចិត្ត ក៏មិនពេញចិត្ត គឺអាស្រ័យទៅលើគេ។ តែបើមិនជ្រើសយកមធ្យោបាយចរចាទេ កុំសង្ឃឹមថា នឹងអាចដោះស្រាយបញ្ហាបានឱ្យសោះ។សម្តេចតេជោ បានរំលឹកដល់ប្រជាជន ឬពួកប្រឆាំងនៅមីយ៉ាន់ម៉ា ឬអ្នកណាដទៃទៀតនោះទេ គឺនឹងឃើញការប្រយុទ្ធគ្នាអត់ឈប់ ប្រសិនបើប្រកាន់យកបន្តតាមរបៀបបិទទ្វារ ហើយជួយដោះស្រាយបញ្ហាមីយ៉ាន់ម៉ា របស់សម្តេច គឺមិនមែនទៅ១ថ្ងៃ ដោះស្រាយបានទេ ខណៈមីយ៉ាន់ម៉ា សាំញ៉ាំដោយបញ្ហាយោធារាប់ឆ្នាំមកហើយនោះ៕ អត្ថបទ៖ មុត សុទ្ធ

សម្តេចតេជោ៖ កម្ពុជានៅតែបន្តនយោបាយចាក់វ៉ាក់សាំងជូនពលរដ្ឋដោយឥតគិតថ្លៃដដែល

ក្រចេះ៖ សម្តេចតេជោ ហ៊ុន សែន នាយករដ្ឋមន្ត្រី នៅតែបន្តអះអាងអំពីនយោបាយនៃ ការចាក់ វ៉ាក់សាំងមិនយកប្រាក់ពីប្រជាពលរដ្ឋ បើទោះបីជាមានការជូនជាយោបល់ឱ្យយកប្រាក់ចាប់ពីដូសទី៣ ឬដូសជំរុញត ទៅទៀតក៏ដោយ។ក្នុងឱកាសអញ្ជើញជាអធិបតីដ៏ខ្ពង់ខ្ពស់ពិធីសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧ នៅខេត្តក្រចេះ នាព្រឹកថ្ងៃទី៧ ខែកុម្ភៈ សម្តេចតេជោហ៊ុន សែន បានមានប្រសាសន៍ថា កន្លងមកនេះ មានមតិខ្លះបានលើកជាយោបល់ថា នៅពេលចាក់ដូសទី៣ គួរយកប្រាក់ តែសម្តេច បានបញ្ជាក់ជាថ្មីថា សម្រាប់ប្រជាពលរដ្ឋទាំងអស់ ត្រូវចាក់ឱ្យទាំងអស់ ដោយមិនចាំបាច់យកប្រាក់ឡើយ ព្រោះបើសិនជាយកប្រាក់ចាប់ពីដូសទី៣ ឬដូសជំរុញ ក៏យើងមិនក្លាយទៅ ជាអ្នកមានដែរ។ទោះជាយ៉ាងណាក៏ដោយ សម្តេចតេជោ ប្រមុខរាជរដ្ឋាភិបាល បានលើកឡើងពីការបន្តខិតខំរកវ៉ាក់សាំង ទាំងការបញ្ជាទិញ ហើយក៏បានអរគុណដល់មិត្តចិនដែលជាបង្អែកយុទ្ធសាស្ត្រក្នុងការផ្គត់ផ្គង់វ៉ាក់សាំងសម្រាប់ប្រជាជនកម្ពុជា ហើយក៏បានថ្លែងអំណរគុណដល់ប្រភពគាំទ្រទាំងឡាយ ដែលបានផ្តល់វ៉ាក់សាំងមកដល់កម្ពុជា មានដូចជាជប៉ុន អាមេរិក អង់គ្លេស អូស្រ្តាលី ហូឡង់ និងប្រទេសប៉ូឡូញ ៕អត្ថបទ៖ មុត សុទ្ធ

សម្តេចតេជោ៖ អំពាវនាវឱ្យពលររដ្ឋប្រុងប្រយ័ត្នការឆ្លងកូវីដ បើទោះបី៣០ថ្ងៃមកនេះ មិនមានអ្នកស្លាប់ក៏ដោយ

ក្រចេះ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបន្តផ្តាំផ្ញើឱ្យប្រជាពលរដ្ឋទាំងអស់ ត្រូវបន្តការប្រុងប្រយ័ត្នបន្ថែមទៀតអំពីការឆ្លងជំងឺកូវីដ-១៩ បើទោះបីជារយៈពេល៣០ថ្ងៃកន្លងមកនេះ មិនមានអ្នកស្លាប់ដោយសារកូវិដ-១៩ក៏ដោយ។សម្តេចតេជោ ប្រមុខនៃរាជរដ្ឋាភិបាល នៅតែបន្តផ្តាំផ្ញើយ៉ាងដូច្នេះ ខណៈអញ្ជើញជាអធិបតីដ៏ខ្ពង់ខ្ពស់ពិធីសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧ប្រវែង ជិត ១០០គីឡូម៉ែត្រ នៅខេត្តក្រចេះ នាព្រឹកថ្ងៃទី៧កុម្ភៈនេះ។សម្តេច បានមានប្រសាសន៍ថា អស់រយៈពេល៣០ថ្ងៃមកហើយដែលយើងអត់មានអ្នកស្លាប់ដោយកូវីដ-១៩ ហើយសេដ្ឋកិច្ចបានបើកពេញលេញ ប៉ុន្តែទោះជាយ៉ាងណាយើងមិនត្រូវភ្លេចខ្លួនក្នុងការការពារ និងបន្តចាក់វ៉ាក់សាំង ដូសជំរុញជាមួយនឹងការចាក់ជូនពលរដ្ឋដែលមិនទាន់បានចាក់ដូសមូលដ្ឋាននៅឡើយ។សម្តេច បានមានប្រសាសន៍បន្តអំពីការខិតខំបន្តរកវ៉ាក់សាំង ពីមិត្តចិន ដើម្បីធានានូវភាពស៊ាំនៅក្នុងសហគមន៍ ។ប៉ុន្តែទោះជាយ៉ាងណា សម្តេចបានសូមអធ្យាស្រ័យចំពោះវ៉ាក់សាំងដែលត្រូវយកមកកាន់ខេត្តក្រចេះ មានភាពយឺតបន្តិចបើប្រៀបធៀបជាមួយ នឹងរាជធានីភ្នំពេញដែលទទួលបាន។នេះជាវិធីដោះស្រាយក្នុងពេលដែលយើងមានវ៉ាក់សាំងមិនទាន់គ្រប់។ឥឡូវនេះ វ៉ាក់សាំងបានគ្របដណ្តប់ដោយបានចាក់ជូនប្រជាពលរដ្ឋរបស់យើងដោយមិនយកប្រាក់ ខណៈមានបងប្អូនខ្លះបានលើកជាយោបល់ឱ្យចាក់ដូសទី១ ឬទី២រួចហើយ នៅពេលចាក់ដូសទី៣គួរយកប្រាក់ សម្តេចបានបញ្ជាក់ជាថ្មីថា សម្រាប់ប្រជាពលរដ្ឋរបស់យើងត្រូវចាក់ឱ្យទាំងអស់ ដោយមិនចាំបាច់យកប្រាក់ឡើយ ព្រោះបើសិនជាយកប្រាក់នូវដូសទី៣ ឬដូសជំរុញ ក៏យើងមិនក្លាយទៅជាអ្នកមានដែរ។ ទោះជាយ៉ាងណា សម្រាប់ការទិញវ៉ាក់សាំងនៅលើកក្រោយនេះ សម្តេចបានបញ្ជាក់ថា នឹងលែង ផ្តល់ឱ្យប្រទេសណាដទៃទៀតហើយក្រៅពីបានផ្តល់ជូនទៅឡាវ ៧០ម៉ឺនដូស និងវៀតណាម២០ម៉ឺនដូសនោះ ក្រៅពីនេះនឹងមិនផ្តល់ឱ្យប្រទេសណាទៀតទេ ព្រោះប្រទេសទាំងនោះគេមានរបស់គេហើយ ដូច្នេះវ៉ាក់សាំងដែលរកបានគឺសម្រាប់ប្រើតែនៅក្នុងប្រទេសកម្ពុជាតែប៉ុណ្ណោះ ដោយសម្តេចបានប្រៀបធៀបថា សម្តេចនឹងមិនធ្វើជានាយទាហ៊ានដែលឱ្យកងទ័ពចូលប្រយុទ្ធដែលគ្មានអាវុធ គ្មានគ្រាប់នោះទេ៕អត្ថបទ៖ មុត សុទ្ធ

សម្តេចតេជោ៖ ប្រកាសប្តូរផ្តាច់ចូលឆ្នាំថ្មីប្រពៃណីជាតិខាងមុខឲ្យបាន ខណៈខកខានអស់២ឆ្នាំមកហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានប្រកាសប្តូរផ្តាច់ថា ចូលឆ្នាំថ្មីប្រពៃណីជាតិខ្មែរខាងមុខត្រូវធ្វើឲ្យបាននៅឆ្នាំនេះ ខណៈកម្ពុជាខកខានចូលឆ្នាំថ្មី ប្រពៃណីជាតិចំនួន ២ឆ្នាំមកហើយ តែសម្តេចនៅតែបន្តអំពាវនាវដល់ជនរួមជាតិឲ្យបន្តចូលរួមប្រយុទ្ធប្រឆាំងជំងឺកូវីដ-១៩។ក្នុងឱកាសអញ្ជើញជាអធិបតីដ៏ខ្ពង់ខ្ពស់ពិធីសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ ៧ប្រវែងជិត១០០គីឡូម៉ែត្រនៅខេត្តក្រចេះ នាព្រឹកថ្ងៃទី៧កុម្ភៈ សម្តេចតេជោប្រមុខ នៃរាជរដ្ឋាភិបាលបាន មានប្រសាសន៍ថា យើងខកខានចូលឆ្នាំខ្មែរ២ឆ្នាំហើយៗសម្រាប់ឆ្នាំនេះ យើងនាំគ្នារាំលេងសប្បាយតែរក្សាគម្លាតពីគ្នាបន្តិច។ សូមបញ្ជាក់ថា៖ ចាប់តាំងពីផ្ទុះជំងឺដ៏កាចសាហាវកូវីដ-១៩ មកជាពិសេសការឆ្លងចូលដល់សហគមន៍ និងបង្កឱ្យមានអ្នករងគ្រោះស្លាប់ដ៏គួរឱ្យកត់សម្គាល់ផងដែរនោះ រាជរដ្ឋាភិបាលមិនបានអនុញ្ញាតឱ្យប្រជាពលរដ្ឋប្រារព្ធពិធីបុណ្យប្រពៃណីជាតិធំៗ របស់ខ្លួនដូចជាបុណ្យភ្ជុំបិណ្ឌ និងបុណ្យចូលឆ្នាំថ្មីប្រពៃណីជាតិអស់រយៈពេល២ឆ្នាំជាប់ៗគ្នាមកហើយ ប៉ុន្តែសម្រាប់ឆ្នាំថ្មីប្រពៃណីជាតិខ្មែរដែលនឹងឈានមកដល់នៅពេលខាងមុខ សម្រាប់ឆ្នាំនេះ ដោយសារស្ថានភាពបានកាន់តែប្រសើរ ដោយសារការចាក់ស្រោចវ៉ាក់សាំងជូនប្រជាពលរដ្ឋស្ទើរគ្រប់១០០% បានធ្វើឱ្យកម្ពុជាបើកដំណើរការប្រទេស បើកដំណើរការសេដ្ឋកិច្ចឡើងវិញ ជាប្រក្រតីលើគ្រប់វិស័យ ដោយសារតែការគ្រប់គ្រង និងការចូលរួមបានយ៉ាងល្អពីប្រជាពលរដ្ឋដែលយល់ដឹងអំពីវិធានការនានា របស់រាជរដ្ឋាភិបាល និងបានធ្វើឱ្យអត្រាឆ្លង ជាពិសេសមិនមានអត្រាស្លាប់ដោយសារកូវីដ-១៩ អស់រយៈពេល៣០ថ្ងៃមកហើយ។ ទោះជាយ៉ាងណាក៏ដោយ សម្តេចនៅតែផ្តាំផ្ញើសូមឱ្យប្រជាពលរដ្ឋរបស់យើងកុំភ្លេចខ្លួនអំពីវិធានការអនាម័យនានាដែលរាជរដ្ឋាភិបាល ជាពិសេសក្រសួងសុខាភិបាលបានណែនាំ ដើម្បីចូលរួមការពារការឆ្លង ជាពិសេសកូវីដ-១៩ អូមីក្រុង ថ្វីត្បិតតែវាមានសភាពស្រាល ប៉ុន្តែអូមីក្រុងវាបានឆ្លងយ៉ាងលឿន ដែលយើងមិនត្រូវឱ្យវាកើតមានឡើយ៕អត្ថបទ៖ មុត សុទ្ធ

អ្នកស្រុកអង្គរបន្ដថែរក្សាពិធីឡើងមាឃ ឬបុណ្យឡើងអ្នកតា ដើម្បីសុំសេចក្តីសុខ

សៀមរាប៖ ជារៀងរាល់ឆ្នាំនាថ្ងៃ៣កើត ខែមាឃធំ ប្រជាពលរដ្ឋរស់នៅតំបន់អង្គរ ឬនៅជុំវិញនោះ តែងតែរួមគ្នាប្រារព្ធពិធីឡើងមាឃ ឬឡើងអ្នកតា ដើម្បីសុំសេចក្តីសុខចម្រើន។លោកយាយ កែវ ចន្ថូ រស់នៅភូមិវាល សង្កាត់គោកចក ចូលរួមក្នុងពិធីឡើងមាឃនៅប្រាសាទអង្គរវត្ត បានឱ្យដឹងថា តាមទំនៀមប្រពៃណីពីបុរាណកាលមក មិនដែលខកខានឡើយ ឱ្យតែដល់ថ្ងៃ៣កើត ខែមាឃ ប្រជាពលរដ្ឋតែងតែមានការជួបជុំគ្នា ប្រារព្ធពិធីឡើងមាឃ ឬឡើងអ្នកតា នៅមុខអ្នកតារាជ្យខាងមុខប្រាសាទអង្គរវត្ត ដើម្បីសុំសេចក្តីចម្រើន ទៅតាមជំនឿរបស់ខ្លួន។លោក យាយបន្ដថា នៅក្នុងឆ្នាំ២០២២នេះ ក៏មិនខុសប្លែកពីឆ្នាំមុនៗប៉ុន្មានឡើយ អ្នកស្រុកក្នុងតំបន់អង្គរក្មេងចាស់ ប្រុសស្រី បានមកជួបជុំគ្នានៅបរិវេណខាងមុខប្រាសាទអង្គរ ប្រាសាទវត្តអធ្វា អ្នកតាបាក់រទេះក្នុងភូមិនគរក្រៅ និងទីតាំងសំខាន់ៗផ្សេងទៀតក្នុងតំបន់ ដើម្បីប្រារព្ធពិធីឡើងមាឃ ឬឡើងអ្នកតា ដើម្បីសុំសេចក្តីសុខចម្រើនដល់ខ្លួនឯង ក្រុមគ្រួសារ និងសង្គមជាតិទាំងមូល ទាំងនេះសបញ្ជាក់ឱ្យឃើញថា អ្នកស្រុកអង្គរនៅតែបន្តថែរក្សាប្រពៃណីពីបុរាណកាល ដែលបានបន្សល់ទុកពីដូនតាមកដល់បច្ចុប្បន្ន។ការប្រារព្ធពិធីឡើងមាឃ ក្នុងបំណងដើម្បីសុំសេចក្តីសុខសប្បាយ សុំមានទឹកភ្លៀងគ្រប់គ្រាន់សម្រាប់ការធ្វើកសិកម្ម ដីមានជីជាតិឱ្យកើតស្រូវកើតអង្ករ និងសម្តែងនូវសេចក្តីអំណរគុណដល់អ្នកតាដែលបានធ្វើតាមសំណូមពរកាលពីចាស់ បានផ្តល់ទឹកភ្លៀង ដីមានជីវជាតិ បានភោគផលល្អ។សូមបញ្ជាក់ថា ពិធីឡើងមាឃ ឬឡើងអ្នកតា ប្រារព្ធឡើងតាមបែបព្រះពុទ្ធសាសនាផង និងតាមជំនឿបែបព្រហ្មញ្ញសាសនាផង ដោយពេលព្រឹកព្រលឹម មានពិធីនិមន្តព្រះសង្ឃសូទ្រមន្តចម្រើនព្រះបរិត្ត និងវេប្រគេនព្រះសង្ឃ និងពេលរសៀល មានរៀបចំជាគ្រឿងសក្តារៈ ដង្វាយបូជា ការប្រគុំភ្លេងពិណពាទ្យ និងមានពិធីបួងសួងសុំសេចក្តីសុខចម្រើនដែរ៕អត្ថបទ៖ ឈិត សាវី

ស្រូវប្រាំងជាង ៥០០ហិកតានៅក្នុងឃុំចំនួន២ របស់ស្រុកកំពង់រោទិ៍ខេត្តស្វាយរៀង ប្រឈមនឹងកង្វះទឹក

ស្វាយរៀង៖ ស្រូវប្រាំងស្ថិតនៅក្នុងឃុំបន្ទាយក្រាំង និង ឃុំរាជមន្ទីរ ស្រុកកំពង់រោទិ៍ ខេត្តស្វាយរៀង ចំនួន ៥៧៨ហិកតា បច្ចុប្បន្នប្រឈមនិងកង្វះទឹក ខណៈដែលស្រូវមួយចំនួនបានចេញផ្លែផ្កាជាបណ្ដើរៗហើយ ។ប្រធានសមាគមន៍កសិករប្រើប្រាស់ទឹកប្រព័ន្ធធារាសាស្រ្តកំពង់រទេះលោក អោក ចិន្តា បានប្រាប់នៅថ្ងៃទី៤ ខែកុម្ភៈឆ្នាំ២០២២ ឲ្យដឹងថា នៅប៉ុន្នានថ្ងៃនេះ ស្រូវស្ថិតនៅតំបន់ប្រព័ន្ធធារាសាស្រ្តកំពង់រទេះ ក្នុងឃុំបន្ទាយក្រាំង និងឃុំរាជមន្ទីរ ស្រុកកំពង់រោទិ៍ ចំនួនប្រមាណជិត ៦០០ហិកតា បានប្រឈម និងកង្វះទឹកសម្រាប់ប្រើប្រាស់ ខណៈដែលស្រូវមួយចំនួនបានចេញផ្លែផ្កា និងស្រូវមួយចំនួនផ្សេងទៀត បាននឹងកំពុងមានការលូតលាស់ល្អបង្គួរ ។លោក បានបញ្ជាក់ថា ជារៀងរាល់ឆ្នាំការងារបង្កបង្កើនផលស្រូវរដូវប្រាំងរបស់ពលរដ្ឋនៅតំបន់នេះ ពុំសូវមានការខ្វះខាតទឹកប៉ុន្មានទេដោយមានភ្លៀងកក់ខែបន្ថែម តែសម្រាប់ឆ្នាំនេះវិញ ចាប់ពីចូលរដូវប្រាំងមក ពុំមានភ្លៀងបន្ថែមនោះទេ ទើបធ្វើឲ្យស្រូវជិត៦០០ ហិកតាបានប្រឈមនឹងកង្វះទឹកបែបនេះ។ជុំវិញបញ្ហាប្រឈមកង្វះទឹកលោក ហ៊ី តេវ ពលរដ្ឋរស់នៅ ភូមិឬស្សីដោច ឃុំបន្ទាយក្រាំង និង លោក ពូ ពែក ពលរដ្ឋរស់ នៅឃុំរាជមន្ទីរ បានអំពាវនាវដល់ក្រសួងមន្ទីរធនធានទឹក និងផ្នែកពាក់ព័ន្ធជួយជីកស្ដារប្រឡាយនាំទឹក ដើម្បីប្រើប្រាស់ ខណៈដែលបច្ចុប្បន្នប្រព័ន្ធប្រឡាយមេមានស្រាប់ តែអត់មានទឹកបូមយកមកធ្វើការស្រោចស្រពនៅលើផ្ទៃដីស្រែរបស់ពួកគាត់។សម្រាប់លោក គឹម សាវុធ ប្រធានមន្ទីរធនធានទឹក និងឧតុនិយមខេត្តស្វាយរៀង បានប្រាប់តាមរយៈទូរស័ព្ទ ឱ្យដឹងថា សំណើរដែលពលរដ្ឋស្នើមកមន្ទីរ ឲ្យចុះជួយជីកស្តា មន្ទីរបានធ្វើការបញ្ចុះគ្រឿងចក្រ ដើម្បីជួយជីកស្តារហើយ ដោយប្រើថវិកាបដិភាគប្រេងមួយចំនួនបន្ថែម ក្នុងការជួយជីកស្តារប្រឡាយទាំងនោះផងដែរ ៕អត្ថបទ៖ ភា សារិទ្ធ

បណ្ដាញសង្គម

ព័ត៌មានថ្មីៗ

អភិបាលក្រុង Izhevsk៖ មនុស្ស ៣នាក់ស្លាប់ និង ៣៥នាក់រងរបួស ដោយសារការវាយប្រហាររបស់អ៊ុយក្រែន

វិមានក្រឹមឡាំងបដិសេធការអះអាងរបស់អាមេរិក ដែលថា រុស្ស៊ីកំពុងពន្យឺតកិច្ចចរចាសន្តិភាព

លោក Merz របស់អាល្លឺម៉ង ប្រាប់ថា ចង់រក្សាតំបន់ Schengen ប៉ុន្តែមិនអាចត្រូវបានបំពាន

ប្រព័ន្ធផ្សព្វផ្សាយរដ្ឋ៖ ភ្លៀងធ្លាក់ខ្លាំង បណ្ដាលឲ្យមនុស្ស ២នាក់ស្លាប់ នៅភាគកណ្តាលចិន

ទីភ្នាក់ងារព័ត៌មាន៖ ជនជាតិអ៊ីរ៉ង់ជាង ៩០០នាក់ បានស្លាប់ ក្នុងរយៈពេល ១២ថ្ងៃនៃជម្លោះជាមួយអ៊ីស្រាអែល

ជនភៀសខ្លួនស៊ីរីជាង ១៥.000នាក់ បានវិលត្រឡប់មកពីប្រទេសហ្ស៊កដានី ក្នុងខែឧសភា

អារ៉ាប់រួមនិងហ្ស៊កដានី ថ្កោលទោសការវាយប្រហារលើក្បួនរថយន្តយោធាប៉ាគីស្ថាន ដែលបានសម្លាប់ទាហាន ១៣នាក់

រដ្ឋមន្ត្រីប៉ាគីស្ថាន និយាយថា អាមេរិកនិងអ៊ីស្រាអែល ដាក់តំបន់ទាំងមូលឲ្យស្ថិតក្នុងគ្រោះថ្នាក់ ដោយការវាយប្រហារអ៊ីរ៉ង់

មនុស្ស ៤នាក់រងរបួស ក្នុងហេតុការណ៍វាយប្រហារដោយចាក់ នៅឯក្រុមហ៊ុន នៅភាគខាងត្បូងអាល្លឺម៉ង់

លោក Netanyahu៖ តំបន់មជ្ឈិមបូព៌ានឹងដួលរលំ បើគ្មានអ៊ីស្រាអែលទេនោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាជ្ញាធរព្រមានអនុវត្តវិធានការច្បាប់ ចំពោះអតីតបុគ្គលិកណាហ្គាវើល ជុំវិញការបន្តប្រមូលផ្តុំនៅសាធារណៈ

អាជ្ញាធរមីនអនុញ្ញាតឲ្យនាយក ISU-APMBT ចូលជួបពិភាក្សាការងារពីវិស័យមីន

សម្តេចតេជោ នឹងជួបសំណេះសំណាលជាមួយសិស្សនិទ្ទេសAទូទាំងប្រទេសនៅចុងខែនេះ

សម្ដេចតេជោ៖ កម្ពុជាកំពុងកាត់បន្ថយគម្លាតរវាងអ្នកទីក្រុង និងអ្នកជនបទតាមរយៈការអភិវឌ្ឍ

សម្ដេចតេជោ បញ្ជាក់ជាថ្មីថា បើមិនជ្រើសយកការចរចាទេ បញ្ហាមីយ៉ាន់ម៉ា មិនអាចបញ្ចប់បានទេ

សម្តេចតេជោ៖ កម្ពុជានៅតែបន្តនយោបាយចាក់វ៉ាក់សាំងជូនពលរដ្ឋដោយឥតគិតថ្លៃដដែល

សម្តេចតេជោ៖ អំពាវនាវឱ្យពលររដ្ឋប្រុងប្រយ័ត្នការឆ្លងកូវីដ បើទោះបី៣០ថ្ងៃមកនេះ មិនមានអ្នកស្លាប់ក៏ដោយ

សម្តេចតេជោ៖ ប្រកាសប្តូរផ្តាច់ចូលឆ្នាំថ្មីប្រពៃណីជាតិខាងមុខឲ្យបាន ខណៈខកខានអស់២ឆ្នាំមកហើយ

អ្នកស្រុកអង្គរបន្ដថែរក្សាពិធីឡើងមាឃ ឬបុណ្យឡើងអ្នកតា ដើម្បីសុំសេចក្តីសុខ

ស្រូវប្រាំងជាង ៥០០ហិកតានៅក្នុងឃុំចំនួន២ របស់ស្រុកកំពង់រោទិ៍ខេត្តស្វាយរៀង ប្រឈមនឹងកង្វះទឹក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាជ្ញាធរព្រមានអនុវត្តវិធានការច្បាប់ ចំពោះអតីតបុគ្គលិកណាហ្គាវើល ជុំវិញការបន្តប្រមូលផ្តុំនៅសាធារណៈ

អាជ្ញាធរមីន​អនុញ្ញាត​ឲ្យ​នាយក​ ISU-​APMBT ចូល​ជួប​ពិភាក្សា​ការ​ងារ​ពីវិស័យមីន

សម្តេចតេជោ នឹងជួបសំណេះសំណាលជាមួយសិស្សនិទ្ទេសAទូទាំងប្រទេសនៅចុងខែនេះ

សម្ដេចតេជោ៖ កម្ពុជាកំពុងកាត់បន្ថយគម្លាតរវាងអ្នកទីក្រុង និងអ្នកជនបទតាមរយៈការអភិវឌ្ឍ

សម្ដេចតេជោ បញ្ជាក់ជាថ្មីថា បើមិនជ្រើសយកការចរចាទេ បញ្ហាមីយ៉ាន់ម៉ា មិនអាចបញ្ចប់បានទេ

សម្តេចតេជោ៖ កម្ពុជានៅតែបន្តនយោបាយចាក់វ៉ាក់សាំងជូនពលរដ្ឋដោយឥតគិតថ្លៃដដែល

សម្តេចតេជោ៖ អំពាវនាវឱ្យពលររដ្ឋប្រុងប្រយ័ត្នការឆ្លងកូវីដ បើទោះបី៣០ថ្ងៃមកនេះ មិនមានអ្នកស្លាប់ក៏ដោយ

សម្តេចតេជោ៖ ប្រកាស​ប្តូរផ្តាច់​ចូល​ឆ្នាំថ្មី​ប្រពៃណីជាតិខាងមុខឲ្យបាន ​ខណៈខកខាន​អស់​២ឆ្នាំ​មក​ហើយ

អ្នកស្រុកអង្គរបន្ដថែរក្សាពិធីឡើងមាឃ ឬបុណ្យឡើងអ្នកតា ដើម្បីសុំសេចក្តីសុខ

ស្រូវប្រាំងជាង ៥០០ហិកតានៅក្នុងឃុំចំនួន២ របស់ស្រុកកំពង់រោទិ៍ខេត្តស្វាយរៀង ប្រឈមនឹងកង្វះទឹក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អាជ្ញាធរមីនអនុញ្ញាតឲ្យនាយក ISU-APMBT ចូលជួបពិភាក្សាការងារពីវិស័យមីន

សម្តេចតេជោ៖ ប្រកាសប្តូរផ្តាច់ចូលឆ្នាំថ្មីប្រពៃណីជាតិខាងមុខឲ្យបាន ខណៈខកខានអស់២ឆ្នាំមកហើយ