BTV NEWS

សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី

TOP STORY | សម្ដេចតេជោចេញសារដាស់តឿនដល់ជនរួមជាតិកម្ពុជាត្រៀមខ្លួនវាយចោរឈ្លានពានទឹកដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

នយោបាយ និង ការអភិវឌ្ឍន៍

ក្រុមការងារគណបក្សប្រជាជន ចុះជួបសំណេះសំណាលជាមួយពលរដ្ឋឃុំព្រះផុស

បាត់ដំបង៖ ក្រុមការងារគណបក្សប្រជាជនកម្ពុជា ចុះជួយឃុំព្រះផុស នៅថ្ងៃទី៥ ខែកុម្ភៈនេះ បានអញ្ជើញសំណេះសំណាលជាមួយប្រជាពលរដ្ឋ មកពីភូមិចំនួនពីរ ក្នុងឃុំព្រះផុស ស្រុកគាស់ក្រឡ ខេត្តបាត់ដំបង។ឯកឧត្តម ស្រេង វង្សហៀង ប្រធានក្រុមការងារគណបក្សប្រជាជនកម្ពុជា និងលោកជំទាវ សុត សុវណ្ណដា អនុប្រធាន បានអំពាវនាវដល់ប្រជាពលរដ្ឋត្រូវបន្តអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល ដោយត្រូវលាងសម្អាតដៃឱ្យបានស្អាតជានិច្ច ពាក់ម៉ាសរាល់ពេលចេញក្រៅផ្ទះ រក្សាគម្លាតសុវត្ថិភាពគ្រប់ពេលវេលា បើទោះជាបានទទួលវ៉ាក់សាំងបង្ការកូវីដ-១៩ គ្រប់ដូសក្តី ។ឯកឧត្តម អំពាវនាវដល់មាតាបិតា និងអាណាព្យាបាលសូមបន្តយកចិត្តទុកដាក់អប់រំណែនាំកូនចៅ ឱ្យចៀសឆ្ងាយពីគ្រឿងញៀន និងល្បែងស៊ីសងគ្រប់ប្រភេទ និងត្រូវផ្តោតលើការសិក្សា ទាំងនៅសាលារៀន និងពេលមកដល់ផ្ទះវិញ ។សូមយកចិត្តទុកដាក់ថែរក្សាសន្តិសុខ សុវត្ថិភាព ជូនប្រជាពលរដ្ឋ ដោយអនុលោមទៅតាមគោលនយោបាយភូមិ ឃុំ មានសុវត្ថិភាពរបស់ក្រសួងមហាផ្ទៃ៕

គណបក្សប្រជាជនខេត្តកំពង់ធំ ផ្តល់គ្រឿងឧបភោគបរិភោគដល់សង្កាត់ទាំង៨ ក្នុងក្រុងស្ទឹងសែន ដើម្បីត្រៀមចែកជូនប្រជាពលរដ្ឋខ្វះខាត

កំពង់ធំ៖ ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ធំ ផ្តល់គ្រឿងឧបភោគបរិភោគដល់ សង្កាត់ទាំង៨ ក្នុងក្រុងស្ទឹងសែន ដើម្បីត្រៀមចែកជូនប្រជាពលរដ្ឋខ្វះខាតដល់ខ្នងផ្ទះ។នៅរសៀលថ្ងៃទី៤ ខែកុម្ភៈ ឆ្នាំ២០២២ ឯកឧត្តម ងួន រតនៈ ប្រធានគណៈកម្មាធិការគណបក្ស ប្រជាជនកម្ពុជា ខេត្តកំពង់ធំ ផ្តល់អំណោយគ្រឿងឧបភោគបរិភោគដល់សង្កាត់ទាំងប្រាំបីក្នុងក្រុងស្ទឹងសែន។ ក្នុងឱកាសនោះដែរ ឯកឧត្តម លើកឡើងថា អំណោយដែលមានជាគ្រឿងឧបភោគបរិភោគផ្តល់ជូនសង្កាត់ ទាំងប្រាំបីក្នុងក្រុងស្ទឹងសែន មានអង្កចំនួន ១៤០បេ ,មីចំនួន ១៤០កេះ និងត្រីខកំប៉ុងចំនួន ១៤០យួរ សម្រាប់អនុវត្តន៍លើសកម្មភាពចុះសួរសុខទុក្ខប្រជាពលរដ្ឋនៅតាមខ្នងផ្ទះដែលមានជីវភាពក្រលំបាក ចាស់ជរា និងមានជំងឺ ហើយត្រូវការជាចាំបាច់ស្បៀងអាហារ សម្រាប់បរិភោគប្រចាំថ្ងៃ។ អំណោយនេះ គឺជាផ្តល់ជូនដោយឡែក ក្នុងសកម្មភាពផ្តល់ជូនដោយដុំ មិនប្រកាន់និន្នាការនយោបាយ ជាពិសេសនឹងផ្តល់ ជូនដោយផ្ទាល់ដៃរបស់អាជ្ញាធរមូលដ្ឋានក្នុងតួនាទី ជាអ្នកបម្រើរាស្រ្តផង និងជាអ្នកជិតខាងល្អក្នុងភូមិដ្ឋានផង ។ ឯកឧត្តម បន្តថា គ្រប់អាជ្ញាធរមូលដ្ឋាន ដូចជាមេភូមិ សមាជិកភូមិ ចៅសង្កាត់ អ្នកពាក់ព័ន្ធផ្សេងទៀត គឺជាអ្នកដែលនៅគៀកកិតបំផុតជាប្រជាពលរដ្ឋខ្លួនឯង ដែលសម្តេចតេជោ ហ៊ុន សែន ផ្តល់ការជឿជាក់ និងទុកចិត្តបំផុត។ ទន្ទឹមនេះ ចៅសង្កាត់គ្រប់ក៏ត្រូវបានជ្រើសតាំងជាតំណាងរបស់ប្រជាពលរដ្ឋ ឆ្លងកាត់តាមរយៈការបោះឆ្នោតដោយឆន្ទៈពីប្រជាពលរដ្ឋទូទៅ។ ដើម្បីតបស្នងការជឿជាក់នេះ អាជ្ញាធរគ្រប់រូបត្រូវបំពេញភារកិច្ចរបស់ខ្លួន និងមនសិកាខ្ពស់ក្នុងកិច្ចការងារ។ ឯកឧត្តម ផ្តាំផ្ញើរអាជ្ញាធរមូលដ្ឋានទាំងអស់ បន្តអំពាវនាវដល់ប្រជាពលរដ្ឋបង្កើតមុខរបរដាំដុះបន្លែ លក្ខណៈគ្រួសារ បន្តការចិញ្ចឹមសត្វ ដើម្បីជួយកាត់បន្ថយការចំណាយក្នុងជីវភាពប្រចាំថ្ងៃ។ ទន្ទឹមនោះក៏មិនភ្លេច ការរស់នៅប្រកាន់ភ្ជាប់អនាម័យជាប្រចាំ ក្នុងបរិបទរស់នៅរបៀបគន្លងថ្មី និងបន្តទៅទទួលយកការចាក់វ៉ាក់សាំង ការពារជំងឺកូវីដ១៩ ដោយឥគិតថ្លៃផងដែរ៕

កម្មករនិយោជិត៖ ប្រាក់ឈ្នួលអប្បបរមាបច្ចុប្បន្នធ្វើឲ្យជីវភាពពួកគាត់ប្រសើរជាងមុន

ភ្នំពេញ៖ កម្មករនិយោជិត លើកឡើងថា ប្រាក់ឈ្នួលអប្បបរមារបស់ពួកគាត់ធ្វើឲ្យជីវភាពរបស់ពួកគាត់ប្រសើរជាងមុន ខណៈកំណើនរោងចក្រ-សហគ្រាសក្នុងខណ្ឌកំបូលកើនឡើងជាបន្តបន្ទាប់។ តាមរយៈកិច្ចសម្ភាសន៍ជាមួយBTV នៅថ្ងៃទី៥ ខែកុម្ភៈ ឆ្នាំ២០២២ កម្មករនិយោជិតដែលបម្រើការងារតាមបណ្តារោងចក្រ-សហគ្រាសតាមបណ្តោយផ្លូវជាតិលេខ៤ ស្ថិតក្នុងខណ្ឌកំបូល រាជធានីភ្នំពេញ បានឲ្យដឹងថា បន្ទាប់ពីក្រសួងការងារ និងបណ្តុះបណ្តាលវិជ្ជាជីវៈបានតម្លើងប្រាក់ឈ្នួលអប្បបរមាឆ្នាំ២០២២ កើនឡើង ពួកគាត់មានសេចក្តីសប្បាយរីករាយចំពោះការគិតគូររបស់រាជរដ្ឋាភិបាល ក៏ដូចជាក្រសួងការងារ និងនិយោជក ដើម្បីឲ្យជីវភាព និងការរស់នៅប្រចាំថ្ងៃមានលទ្ធភាពគ្រប់គ្រាន់ទៅតាមស្ថានភាពសេដ្ឋកិច្ចរបស់កម្ពុជា។ កម្មករនិយោជិត បន្តថា កំណើនរោងចក្រ-សហគ្រាស មានកើនឡើងជាបន្តបន្ទាប់ដែលហេតុធ្វើឲ្យកម្មករនិយោជិតមានឱកាសស្វែងរកការងារបានងាយ និងទទួលបានប្រាក់ឈ្នួលអប្បបរមាល្អប្រសើរ។លោក ឃឹម ស៊ុនសូដា អភិបាលខណ្ឌកំបូល បានឲ្យដឹងថា ក្រោមការដឹកនាំរបស់សម្តេចតេជោ ហ៊ុន សែន ប្រមុខរាជរដ្ឋាភិបាលពាក់ព័ន្ធ នឹងនឹងវិស័យវាយនភ័ណ្ឌបានបន្តទាក់ទាញអ្នកវិនិយោគពីក្រៅប្រទេសជាច្រើន ខណៈបើទោះបីក្នុងវិបត្តិកូវីដ១៩ នៅតែមានកំណើនរោងចក្រ សហគ្រាសសាងសង់ឡើងក្នុងខណ្ឌកំបូលជាបន្តបន្ទាប់។គួរបញ្ជាក់ថា រាជរដ្ឋាភិបាលកម្ពុជា បានកំណត់ទិសដៅក្នុងការប្រែក្លាយកម្ពុជាឲ្យទៅជាប្រទេស ដែលមានប្រាក់ចំណូលមធ្យមក្នុងឆ្នាំ២០៣០ និងមានចំណូលខ្ពស់ក្នុងឆ្នាំ២០៥០ ដូចបានកំណត់ក្នុងផែនការយុទ្ធសាស្រ្តអភិវឌ្ឍន៍ជាតិ ដោយទិសដៅនេះបញ្ជាក់ពីតួនាទីនៃវិស័យឧស្សាហ៍កម្ម និងសហគ្រាសធុនតូច និងមធ្យម ដែលជាកត្តាជំរុញដ៏សំខាន់ចំពោះកំណើននាពេលអនាគត៕អត្ថបទ៖ ឧត្តម

៤ថ្ងៃក្នុងអំឡុងបុណ្យចូលឆ្នាំចិន ខេត្តបាត់ដំបង ទទួលបានទេសចរជាង ២០ម៉ឺននាក់

បាត់ដំបង៖ ក្នុងឱកាសបុណ្យចូលឆ្នាំប្រពៃណីចិន-វៀតណាម រយៈពេល៤ថ្ងៃ ចាប់ពីថ្ងៃទី ៣១ ខែមករា ឆ្នាំ២០២២ ដល់ថ្ងៃទី០៣ ខែកុម្ភៈ ឆ្នាំ២០២២ មានភ្ញៀវទេសចរជាតិ និងអន្តរជាតិ ចំនួនជាង ២០ម៉ឺននាក់ បានមកទស្សនាកម្សាន្តនៅតាមរមណីយដ្ឋាន និងគោលដៅទេសចរណ៍នានា ក្នុងខេត្តបាត់ដំបង។បើតាមរបាយការណ៍របស់មន្ទីរទេសចរណ៍ ខេត្តបាត់ដំបង បានឱ្យដឹងថា ចំនួនភ្ញៀវទេសចរ ដែលចេញដើរលេងកម្សាន្តមានចំនួនសរុប ២១៨ ៤២០នាក់ កើនឡើង២០៣.៧៧ % ប្រៀបធៀប នឹងរយៈពេលដូចគ្នាឆ្នាំ២០២១ ចំនួន ៧១ ៩០៤ នាក់ ក្នុងនោះភ្ញៀវទេសចរជាតិមានចំនួន ២១៧ ៩៥៩ នាក់ កើនឡើង ២០៣.៩៤ % ប្រៀបធៀបឆ្នាំ២០២១ ចំនួន ៧១ ៧១១នាក់ ចំណែកភ្ញៀវទេសចរអន្តរជាតិផ្ទៃក្នុង មានចំនួន ៤៦១ នាក់ កើនឡើង ១៣៨.៧៧ % ប្រៀបធៀប ឆ្នាំ២០២១ ចំនួន១៩៣នាក់។មន្ទីរទេសចរណ៍ បានគូសបញ្ជាក់ថា កត្តាដែលនាំឱ្យមានកំណើនភ្ញៀវទេសចរឆ្នាំនេះបណ្តាលមកពីសន្តិភាព សន្តិសុខ សណ្តាប់ធ្នាប់មានភាពល្អប្រសើរ ហេដ្ឋារចនាសម្ព័ន្ធទៅកាន់រមណីយដ្ឋាន និងគោលដៅទេសចរណ៍នានាល្អ,ការរៀបចំផលិតផលថ្មីៗនៅតាមគោលដៅទេសចរណ៍សំខាន់ៗ,អាកាសធាតុអំណោយផល តំបន់គោលដៅទេសចរណ៍នៅជាប់ប្រភពទឹកមានសភាពស្អាត ត្រជាក់ ទឹកថ្លាល្អ រាក់ងាយស្រួលលេង ជាពិសេសគឺការធូរស្រាលនៃជំងឺកូវីដ១៩។បាត់ដំបងមានវិសាលភាពរមណីយដ្ឋាន និងគោលដៅទេសចរណ៍ទូទាំងខេត្ត មានចំនួន១១១ ទីតាំងក្នុងនោះ រមណីយដ្ឋានទេសចរណ៍មានចំនួន ២០ទីតាំង សហគមន៍និងអេកូទេសចរណ៍មាន ០៤ទីតាំង គោលដៅទេសចរណ៍មាន ៥៤ទីតាំង ទេសចរណ៍សាសនាមាន ២៩ទីតាំង និងកសិទេសចរណ៍មាន ០៤ទីតាំង៕

ពលរដ្ឋក្នុងក្រុងសំរោង ត្រេកអរពេលទទួលបានផ្លូវបេតុងចំនួនពីរខ្សែ

ឧត្ដរមានជ័យ៖ ប្រជាពលរដ្ឋរស់នៅចំណុចភូមិឈូក ក្នុងក្រុងសំរោង ខេត្តឧត្តរមានជ័យ បានសម្ដែងការត្រេកអរយ៉ាងខ្លាំង បន្ទាប់ពីបានទទួលផ្លូវបេតុងចំនួនពីរខ្សែ ប្រវែង១០០០ម៉ែត្រ ដែលបានសម្រួលដល់ការធ្វើ ចរាចរ។លោកស្រី រឿន រើយ មេភូមិឈូក បានឲ្យដឹងថា កន្លងមក ប្រជាពលរដ្ឋរស់នៅក្នុងចំណុចភូមិនេះ គឺមានការលំបាកធ្វើដំណើរនៅពេលរដូវវស្សាម្តងៗ។ ដោយមើលឃើញពីការលំបាករបស់ប្រជាពលរដ្ឋ ដូច្នេះ ទើបអាជ្ញាធរក្រុង សង្កាត់ បានសហការគ្នាជាមួយប្រជាពលរដ្ឋក្នុងភូមិ ផ្តួចផ្តើមរួមគ្នាកសាងអភិវឌ្ឍ ផ្លូវបេតុងនេះឡើង។លោកស្រីមេភូមិ បានបញ្ជាក់ថា ក្នុងឆ្នាំ២០២២នេះ ក្នុងនាមជាអាជ្ញាធរមូលដ្ឋាន នឹងខិតខំកៀរ គរធនធានបន្ថែមទៀត ដើម្បីធ្វើការកសាងផ្លូវឱ្យបានច្រើនខ្សែទៀត ដើម្បីសម្រួលដល់ការធ្វើដំណើររបស់ ពលរដ្ឋ ដែលជាការរួមចំណែកកាត់បន្ថយភាពក្រីក្ររបស់ប្រជាពលរដ្ឋផង៕អត្ថបទ៖ ឃិន សារិទ្ធ

នាយក២១រូប និងគ្រូបង្រៀនចំនួន ៨០រូប ត្រូវបានចាត់ទុកជានាយកល្អគ្រូល្អក្នុងវិស័យអប់រំ

ភ្នំពេញ៖ ក្រសួងអប់រំ យុវជន និងកីឡា បានប្រកាសសមាសភាព នាយកសាលាចំនួន ២១រូប និងគ្រូបង្រៀនចំនួន ៨០ រូបជានាយកល្អ និងគ្រូបង្រៀនល្អក្នុងវិស័យអប់រំ។ នេះបើផ្អែកលើប្រកាស ស្ដីពីការដំឡើងឋានៈវិជ្ជាជីវៈជានាយកល្អ គ្រូល្អ ក្នុងក្របខណ្ឌគន្លងអាជីពគ្រូបង្រៀន។ជាការលើកទឹកចិត្តចំពោះនាយកសាលា ក៏ដូចជាគ្រូបង្រៀន ដែលខិតខំបំពេញការងារល្អប្រសើរសម្រាប់វិស័យអប់រំ ក្រសួងអប់រំបានបង្ហាញនូវសមាសភាព នាយកសាលាចំនួន ២១រូប និងគ្រូបង្រៀនចំនួន ៨០ រូបជានាយកល្អ និងគ្រូបង្រៀនល្អក្នុងវិស័យអប់រំ។ ចំពោះនាយកល្អទាំង ២១រូបនេះ គឺជាគណៈគ្រប់គ្រងសាលាដែលស្ថិតនៅបណ្ដារាជធានី ខេត្តមួយចំនួនដូចជា ខេត្តសៀមរាប កំពង់ចាម កំពង់ឆ្នាំង កំពង់ស្ពឺ កំពត បាត់ដំបង ស្វាយរៀង និងរាជធានីភ្នំពេញ ដែលមាននាយកសាលាល្អច្រើនជាងគេ។ តាមសេចក្ដីប្រកាសនេះ បង្ហាញថា រាជធានីភ្នំពេញមាននាយកសាលាល្អចំនួន ៥រូប មានដូចជានាយកសាលាបឋមសិក្សាទួលគោក បឋមសិក្សាព្រះនរោត្តម បឋមសិក្សាបាក់ទូក បឋមសិក្សាចតុមុខ និងបឋមសិក្សាបឹងសាឡាង។ក្នុងនាមជានាយកល្អមួយរូបលោក យឹម ចំរើន ជានាយកសាលាបឋមសិក្សាបឹងសាឡាង បានបង្ហាញពីភាពសប្បាយរីករាយក្នុងការទទួលស្គាល់នេះ។ លោកថា នេះជាការជំរុញទឹកចិត្តក្នុងការអនុវត្តការងារឱ្យកាន់តែខ្លាំងក្លា ដើម្បីកុមារ ពលរដ្ឋជាពិសេសដើម្បីអនាគតប្រទេសជាតិនាពេលខាងមុខ។ លោក បន្តទៀតដែរថា ការងារជាគណៈគ្រប់គ្រងសាលា គឺទាមទារនូវឆន្ទៈបំពេញតួនាទីវិជ្ជាជីវៈ ចំណេះដឹង និងត្រូវផ្តោតសំខាន់លើការគ្រប់គ្រងទៅទាំងការរៀន បង្រៀន និងការប្រកាន់ខ្ជាប់វិន័យល្អ និងសាមគ្គីភាពក្នុងគ្រឹះស្ថានសិក្សាទាំងមូលផងដែរ។ពាក់នឹងការបង្រៀននៅទីតាំងសាលានេះ អាណាព្យាបាលដែលមានកូនកំពុងសិក្សាក៏កោតសសើរចំពោះការគ្រប់គ្រងទូទៅរបស់លោកនាយកសាលាផងដែរ។ អាណាព្យាបាលបញ្ជាក់ថា សាលាបឋមសិក្សាបឹងសាឡាង គឺមានការបង្រៀនល្អ ភ្ជាប់ជាមួយវិន័យ និងការសម្អាតបរិស្ថានដែលផ្ដល់នូវផាសុខភាពសម្រាប់សិស្ស។ ពាក់ព័ន្ធនឹងចំណុចនេះ ឯកឧត្តម រស់ សុវាចា លើកឡើងថា គុណភាពគណៈគ្រប់គ្រងគ្រឹះស្ថានសិក្សា និងគុណភាពគ្រូបង្រៀនអាចជះឥទ្ធិពលវិជ្ជមានលើគុណភាពអប់រំ ទូទាំងប្រទេសកម្ពុជា។ គណៈគ្រប់គ្រងសាលា និងគ្រូបង្រៀនដើរតួនាទីសំខាន់ក្នុងការរៀន និងបង្រៀនទាំងមុន និងក្នុងបរិបទកូវីដ-១៩។ រាជរដ្ឋាភិបាលក៏បានដាក់ចេញយុទ្ធសាស្រ្តចតុកោណដំណាក់កាលទី ៤ ដោយចាត់ទុកការអភិវឌ្ឍធនធានមនុស្សជាអាទិភាពទី ១។ ការផ្ដល់ចំណាត់ថ្នាក់ជានាយកល្អ និងគ្រូបង្រៀនល្អនេះ គឺសំដៅទាក់ទាញអភិវឌ្ឍន៍ គាំទ្រលើកទឹកចិត្ត និងរក្សាគ្រូបង្រៀន អ្នកគ្រប់គ្រងសាលារៀន ឱ្យបម្រើការក្នុងប្រព័ន្ធអប់រំ ប្រកបដោយឧត្តមភាព និងចីរភាព ដើម្បីឆ្លើយតបទៅនឹងវប្បធម៌សិក្សាពេញមួយជីវិត៕ អត្ថបទ៖ គឹមហុក

ក្នុងឆ្នាំ២០២១ បេសកកម្មរថយន្តសម្អាតផ្លូវ ខ្មែរ ប៊ែវើរីជីស សម្អាតផ្លូវបានជាង ១៥,៣៨៣ គីឡូម៉ែត្រ

ភ្នំពេញ៖ រថយន្តសម្អាតផ្លូវ ខ្មែរ ប៊ែវើរីជីស បានសម្អាតផ្លូវបានជាង ១៥,៣៨៣គីឡូម៉ែត្រ នៅទូទាំងរាជធានីភ្នំពេញ និងតាមបណ្តាខេត្ត ក្នុងឆ្នាំ២០២១ ដើម្បីលើកកម្ពស់បរិស្ថានស្អាត និងសោភ័ណភាពក្នុងទីក្រុងភ្នំពេញ ក៏ដូចជាបន្តកិច្ចទំនួលខុសត្រូវចំពោះសង្គម និងបរិស្ថាន។លោកបណ្ឌិត អ៊ឹម សុធារិទ្ធ នាយកទំនាក់ទំនងសាធារណៈក្រុមហ៊ុន ខ្មែរ ប៊ែវើរីជីស មានប្រសាសន៍ថា បន្ថែមពីលើកិច្ចការសង្គមជាច្រើនរបស់ ខ្មែរ ប៊ែវើរីជីស រថយន្តសម្អាតផ្លូវ បានប្រតិបត្តិការជាប្រចាំ ដោយលាងសម្អាតផ្លូវ ដែលជាផ្នែកមួយ នៃការទទួលខុសត្រូវ ថែរក្សាបរិស្ថានស្អាត និងការពារផលប៉ះពាល់ ចំពោះសុខភាពផ្លូវដង្ហើម របស់សាធារណជន រាល់ពេលបើកបរតាមដងផ្លូវ។គួរបញ្ជាក់ផងដែរថា ក្នុងឆ្នាំ២០២២ រថយន្តសម្អាតផ្លូវ ខ្មែរ ប៊ែវើរីជីស ទាំង៤គ្រឿង នឹងនៅតែបន្តភារកិច្ចលើកកម្ពស់បរិស្ថានស្អាត យ៉ាងសកម្មនៅតាមទីសាធារណៈ និងដងវិថីសំខាន់ៗក្នុងរាជធានីភ្នំពេញ ក៏ដូចជាបណ្តាខេត្តមួយចំនួនផងដែរ៕

មន្រី្តជួរមុខ និងពលរដ្ឋបន្តមកចាក់វ៉ាក់សាំងដូសទី៤ នៅមនី្ទរពេទ្យបង្អែករាជធានីភ្នំពេញ

ភ្នំពេញ៖ មន្រី្តជួរមុខប្រជាពលរដ្ឋព្រមទាំងកុមារ យុវវ័យ បានបន្តនាំគ្នាមកចាក់វ៉ាក់សាំងបង្ការ ជំងឺកូវីដ-១៩ ដូសទី៤ ដូសទី៣ និងអ្នកសេសសល់មិនទាន់បានចាក់វ៉ាក់សាំងដូសមូលដ្ឋាន បានសម្រុកមកចាក់វ៉ាក់សាំងនៅក្នុងមនី្ទរពេទ្យបង្អែករាជធានីភ្នំពេញ ក្នុងខណ្ឌ៧មករា។បើតាមលោកវេជ្ជបណ្ឌិត ឃុន ទ្រី អនុប្រធានមនី្ទរពេទ្យ តំណាងលោកវេជ្ជបណ្ឌិត នេត សុវិរៈ ប្រធានមនី្ទរពេទ្យបង្អែករាជធានីភ្នំពេញ ប្រាប់BTV ព័ត៌មាន នាព្រឹកថ្ងៃទី៤ ខែកុម្ភៈ ឆ្នាំ២០២២នេះថា មកដល់ថ្ងៃនេះប្រជាពលរដ្ឋយើងនៅតែបន្តមកទទួលសេវាចាក់វ៉ាក់សាំងបង្ការជំងឺកូវីដ-១៩ ជាហូរហែដែលជាមធ្យមក្នុងមួយថ្ងៃ មានចំនួន២០០ ទៅ២៥០នាក់ ជាពិសេសច្រើនតែអ្នកមកចាក់វ៉ាក់សាំងបង្ការជំងឺកូវីដ-១៩ ដូសជំរុញ គឺដូសទី៣ និងដូសទី៤។ តាមចំនួនប្រជាពលរដ្ឋ មកទទួលសេវានៅក្នុងមនី្ទរពេទ្យបង្អែករាជធានីភ្នំពេញ ភាគច្រើន គឺប្រជាពលរដ្ឋរស់នៅក្នុងមូលដ្ឋានខណ្ឌ៧មករា។ជាមួយគ្នានោះដែរប្រជាពលរដ្ឋ បានអញ្ជើញមកចាក់វ៉ាក់សាំងបង្ការជំងឺកូវីដ-១៩ ដូសទី៤ ដូសទី៣ និងដូសទី២ ព្រមទាំងអ្នកមកចាក់វ៉ាក់សាំងដូសមូលដ្ឋាន បានលើកឡើងស្រដៀងគ្នាថា គ្រាន់តែដឹងថាប្រមុខរាជរដ្ឋាភិបាល អនុញ្ញាតឲ្យចាក់វ៉ាក់សាំងបង្ការជំងឺកូវីដ-១៩ ពួកគាត់រូតរះ មកចាក់វ៉ាក់សាំងការពារជំងឺកូវីដ-១៩ ភ្លាម គឺដើម្បីការពារ ទប់ស្កាត់ការចម្លងរីករាលដាលជំងឺកូវីដ-១៩ គ្រប់ប្រភេទក្នុងសហគមន៍។ក្នុងនាមលោកវេជ្ជបណ្ឌិត នេត សុវិរៈ ប្រធានមនី្ទរពេទ្យបង្អែករាជធានីភ្នំពេញ លោកវេជ្ជបណ្ឌិត ឃុន ទ្រី សូមអំពាវនាវដល់ប្រជាពលរដ្ឋ រស់នៅទីជិត ទីឆ្ងាយ និងនៅក្បែរមនី្ទរពេទ្យបង្អែករាជធានីភ្នំពេញ ដែលមិនទាន់បានមកទទួលសេវាចាក់វ៉ាក់សាំងបង្ការជំងឺកូវីដ-១៩ សូមអញ្ជើញមកចាក់វ៉ាក់សាំងឲ្យបានគ្រប់ៗគ្នា ព្រោះថាក្រុមការងារគ្រូពេទ្យយើងនៅរងចាំបំរើការចាក់វ៉ាក់សាំងជូនជារៀងរាល់ថ្ងៃ មិនថាថ្ងៃសៅរ៍ ថ្ងៃអាទិត្យ ឬថ្ងៃបុណ្យទាននោះទេ គឺរងចាំចាក់វ៉ាក់សាំងជូនជានិច្ច ជាពិសេសមន្រី្តរាជការ និងប្រជាពលរដ្ឋមិនទាន់បានចាក់វ៉ាក់សាំងដូសមូលដ្ឋាន សូមអញ្ជើញមកចាក់វ៉ាក់សាំងបង្ការជំងឺកូវីដ-១៩ ឲ្យបានគ្រប់គ្នា៕ អត្ថបទ រដ្ឋា

ក្រុមការងារដោះស្រាយវិវាទដីធ្លីថ្នាក់ខេត្ត ចុះពិនិត្យទីតាំងដីកំពុងមានទំនាស់ នៅចំណុចអូរពីរ ភ្នំគីង្គក់ នៅភូមិរួតចំប៉ី

ឧត្តរមានជ័យ៖ នៅថ្ងៃទី៣ ខែកុម្ភៈ ឆ្នាំ២០២២ ក្រុមការងារដោះស្រាយវិវាទដីធ្លីថ្នាក់ខេត្ត បានចុះពិនិត្យទីតាំងដីនៅត្រង់ចំណុចអូរពីរ ភ្នំគីង្គក់ ស្ថិតនៅភូមិរួតចំប៉ី កំពុងមានទំនាស់រវាងពលរដ្ឋ និងបក្ខពួកក្រុមលោក និត សុវណ្ណារ៉ា ជាអតីតសមាជិកក្រុមប្រឹក្សាសង្កាត់អូរស្មាច់ ដែលជាបុគ្គលល្បីមួយរូប សំបូរមានរឿងអាស្រូវក្ដីក្ដាំងរឿងវិវាទដីធ្លី។ ក្នុងការចុះពិនិត្យស្ថានភាពជាក់ស្តែងនាពេលនោះដែរ ឯកឧត្តម ហួន វណ្ណនិត អភិបាលរងនិងជាអនុប្រធានគណះកម្មការដោះស្រាយវិវាទដីធ្លីថ្នាក់ខេត្ត បានឲ្យដឹងថា ទីតាំងទំនាស់ដីចំណីអូររបស់រដ្ឋខាងលើនៅឆ្នាំ២០០២នេះ គឺជាដីគ្រប់គ្រង ដោយអាជ្ញាធរសង្កាត់អូរស្មាច់ ដើម្បីធ្វើការអភិវឌ្ឍជាផលប្រយោជន៍ផ្សេងៗ របស់សាធារណៈលុះដល់ឆ្នាំ២០២០ ដល់២០២១ មានចលនាជនខិលខូចបានចូលមកកាប់ស្ការបង្កើតជាទំនាស់កើតមានឡើងជាហូរហែរ។ឯកឧត្តម បញ្ជាក់ថា៖ ក្នុងនោះដែរក្រុមការងារបានចុះពិនិត្យជាក់ស្តែងលើដីរដ្ឋកំពុងមានទំនាស់ដោយដីផ្នែកខ្លះក៏មានការទទូលស្គាល់ពីអតីតចៅសង្កាត់មុន និងដីផ្នែកខ្លះទៀតក៏មិនបានទទួលស្គាល់នោះទេ។ ឯកឧត្តម បន្ដថា ការចុះពិនិត្យទីតាំងដីកំពុងមានទំនាស់ខាងលើនេះដែរក្រុមការងារបានសម្រេចនិងកំណត់យកដីចំណីអូរសងខាងចម្ងាយ ១០០ម៉ែត្រ ពីបណ្តោយអូរធម្មជាតិជាក់ស្តែងដើម្បីកុំឲ្យមានការរុករានបន្តទៀតរបស់ជនខិលខូចមួយចំនួនដែលតែងតែរំលោភទន្ទ្រានយកនោះ។គួរបញ្ជាក់ផងដែរថា ដីរដ្ឋជាច្រើនហិកតា ស្ថិតនៅចំណុចអូរពី ភ្នំគីងគួក ក្នុងភូមិរួតចំប៉ី សង្កាត់អូរស្មាច់ ក្រុងសំរោង ខេត្តឧត្តរមានជ័យ កន្លងមក និងបច្ចុប្បន្ននេះ ត្រូវបានអតីតសមាជិកក្រុមប្រឹក្សាសង្កាត់អូរស្មាច់រួមទាំងបក្សពួកកំពុងតែចូលកាប់ទន្ទ្រានដីបោះបង្គោលព្រំដីចែកគ្នាលក់ជាបន្ដបន្ទាប់ រហូតកើតមានជម្លោះប្តឹងផ្តល់ពលរដ្ឋទៅប្រព័ន្ធតុលាការផងដែរ។សូមបញ្ជាក់ថា ប្រជាពលរដ្ឋដែលរងគ្រោះពីការរំលោភបំពានពីបក្ខពួកនិងក្រុមលោក និត សុវណ្ណារ៉ា កំពុងសិក្សាផ្លូវច្បាប់ធ្វើឯកសារ គ្រោងប្ដឹងទៅរដ្ឋមន្ដ្រីក្រសួងយុត្ដិធម៌ឯកឧត្តម កើត រិទ្ធ និងអង្គភាពប្រឆាំងអំពើពុករលួយ ហៅកាត់ថាACU ផងដែរ៕ ពាក់វែនតាខ្មៅ លោក និត សុវណ្ណារ៉ា ជាអតីតសមាជិកក្រុមប្រឹក្សាសង្កាត់អូរស្មាច់

គណៈរដ្ឋមន្ត្រីអនុម័តទាំងស្រុង លើសេចក្តីព្រាងច្បាប់ការពាររុក្ខជាតិ និងភូតគាមអនាម័យ

ភ្នំពេញ៖ នៅព្រឹកថ្ងៃទី០៤ ខែកុម្ភៈ ឆ្នាំ២០២២ នៅវិមានសន្តិភាព បើកកិច្ចប្រជុំពេញអង្គ គណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាដើម្បីពិភាក្សា និងឆ្លងរបៀបវារៈ៖១. សេចក្តីព្រាងច្បាប់ស្តីពីការការពាររុក្ខជាតិ និងភូតគាមអនាម័យ។២.បញ្ហាផ្សេងៗ។បើតាមឯកឧត្តម ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានឱ្យដឹងថា សេចក្តីព្រាងច្បាប់នេះត្រូវបានរៀបចំឡើងដោយផ្អែកលើគោលនយោបាយ និងយុទ្ធសាស្រ្តរបស់រាជរដ្ឋាភិបាល និងអនុលោមតាមមូលដ្ឋានគតិយុត្តិពាក់ព័ន្ធជាធរមាននៅក្នុងព្រះជាណាចក្រកម្ពុជា ព្រមទាំងកិច្ចព្រៀងនិងអនុសញ្ញាក្នុងតំបន់ និងអន្តរជាតិស្តីពីការការពាររុក្ខជាតិ និងភូតគាមអនាម័យ ដើម្បីឆ្លើយតបទៅនឹងនិន្នាការរីកចម្រើនរបស់វិស័យកសិកម្មក្នុងក្របខណ្ឌសុវត្ថិភាពស្បៀង ការលើកកម្ពស់គុណភាពផលិតផលកសិកម្ម ការបង្កើនការនាំចេញកសិផល និងធានាចីរភាពអភិវឌ្ឍន៍ក្នុងបរិការណ៍សមាហរណកម្មសេដ្ឋកិច្ចពិភពលោកប្រកបដោយការប្រកួតប្រជែងដ៏ស្រួចស្រាវ។សេចក្តីព្រាងច្បាប់នេះ កំណត់អំពីការគ្រប់គ្រងសុខភាពរុក្ខជាតិ ការអនុវត្តវិធានការការពាររុក្ខជាតិ និងវិធានការភូតគាមអនាម័យ ការពារធនធានរុក្ខជាតិគ្រប់ប្រភេទ ការទប់ស្កាត់ការបង្ក ការរាលដាលឆ្លងនិងការរាតត្បាតពីសំណាក់សមាសភាពចង្រៃ ការលើកកម្ពស់ផលិតភាពកសិកម្ម សន្តិសុខស្បៀងអនាម័យគុណភាព និងសុវត្ថិភាពផលិតផលកសិកម្ម ព្រមទាំងសន្តិសុខភូតគាមអនាម័យនៃរុក្ខជាតិ ផលិតផលរុក្ខជាតិ និងទំនិញជាកម្មវត្ថុនៃការត្រួតពិនិត្យភូតគាមអនាម័យ ការសម្រួលការធ្វើពាណិជ្ជកម្ម ការនាំចេញ ការនាំចូល ការដឹកជញ្ជូនឆ្លងកាត់នូវផលិតផលដំណាំ រុក្ខជាតិ និងផលិតផលរុក្ខជាតិ ព្រមទាំងការរួមចំណែកការអភិវឌ្ឍសេដ្ឋកិច្ចសង្គមជាតិ និងការលើកកម្ពស់សុខុមាលភាពនិងសុខភាពសាធារណៈប្រកបដោយនិរន្តរភាពធនធានធម្មជាតិ និងប្រព័ន្ធក្សេត្របរិស្ថាន ដើម្បីធានាការគ្រប់គ្រង ការការពាររុក្ខជាតិ និងភូតគាមអនាម័យនៅក្នុងព្រះរាជាណាចក្រកម្ពុជា។ រួមចំណែកផ្តល់នូវសារៈប្រយោជន៍ក្នុងការអភិវឌ្ឍវិស័យកសិកម្មដូចជា៖ - ការពារផលប្រយោជន៍របស់ប្រជាកសិករ តាមរយៈការគ្រប់គ្រង ការការពាររុក្ខជាតិ និងការអនុវត្តវិធានការភូតគាមអនាម័យ ដើម្បីកាត់បន្ថយការខាតបង់ដែលអាចបង្កឡើងដោយសមាសភាពចង្រៃចំពោះធនធានរុក្ខជាតិ និងផលិតផលដំណាំនៅក្នុងប្រព័ន្ធផលិតកម្មកសិកម្ម។- គាំទ្រគោលនយោបាយ និងយុទ្ធសាស្រ្តជំរុញផលិតកម្មកសិកម្ម ពិពិធភាវូបនីយកម្ម និងពាណិជ្ជូបនីយកម្មកសិកម្ម ដើម្បីរួមចំណែកជំរុញកំណើនសេដ្ឋកិច្ច ជួយកាត់បន្ថយភាពក្រីក្រ និងលើកកម្ពស់ជីវភាពប្រជាកសិករ- ផ្តល់នូវឧបករណ៍បទដ្ឋានគតិយុត្តិដ៏រឹងមាំ និងយន្តការគ្រប់ជ្រុងជ្រោយក្នុងការអនុវត្តវិធានការការពាររុក្ខជាតិ និងភូតគាមអនាម័យ ដើម្បីទប់ស្កាត់ការបង្ក ការរាលដាលឆ្លង និងការរាតត្បាតបំផ្លាញពីសំណាក់សមាសភាពចង្រៃគ្រប់ប្រភេទ- ផ្តល់នូវវិធានការច្បាស់លាស់ក្នុងការការពារធនធានរុក្ខជាតិ គ្រប់គ្រងសុខភាពរុក្ខជាតិ លើកកម្ពស់ផលិតភាព គុណភាព និងសុវត្ថិភាពផលិតផលកសិកម្មប្រកបដោយភាតរបរិស្ថាន និងនិរន្តរភាព ដើម្បីរួមចំណែកលើកកម្ពស់សុខភាពសាធារណៈ និងធ្វើឱ្យមាននិរន្តរភាពធនធានធម្មជាតិ និងប្រព័ន្ធក្សេត្របរិស្ថាន-រក្សាអធិបតេយ្យភាព និងសន្តិសុខភូតគាមអនាម័យតាមរយៈការទប់ស្កាត់ការហូរចូលផលិតផលកសិកម្មគ្រប់ប្រភេទដែលមានផ្ទុកនូវសមាសភាពចង្រៃ និងសារធាតុបង្កផលប៉ះពាល់ចំពោះសុខភាព (សំណល់ថ្នាំកសិកម្ម សារធាតុគីមី សំណល់ជីវសាស្រ្ត និងលោហៈធ្ងន់)។ជាពិសេសទប់ស្កាត់ការនាំចូល ឬការផ្ទុះឡើងនូវប្រភេទសមាសភាពចង្រៃរាតត្បាតឈ្លានពាន ដែលបង្កមហន្តរាយដល់ដំណាំកសិកម្ម បំផ្លាញជីវចម្រុះ និងបរិស្ថានក្នុងព្រះរាជាណាចក្រកម្ពុជា។ជាក់ស្តែងការផ្ទុះឡើងនូវសមាសភាពចង្រៃដូចជា ខ្យងមាស ខ្នងដូង ជំងឺស្លឹកប្រាក់លើដំណាំក្រូច ឆៃផ្កាឈូកលើដំណាំដំឡូងមី ជំងឺស្រពោនលឿងស្លឹកលើដំណាំដំឡូងមី និងដង្កូវហ្វូងប្រភេទថ្មីលើដំណាំពោតជាដើម ពិតជាបានបង្កឱ្យមានផលប៉ះពាល់ដល់ផលិតកម្មកសិកម្ម និងសេដ្ឋកិច្ចជាតិគួរឱ្យកត់សម្គាល់ ដែលបណ្តាលមកពីការរាតត្បាតសមាសភាពចង្រៃខាងលើនេះ។បំពេញបាននូវលក្ខខណ្ឌតម្រូវ និងស្តង់ដារភូតគាមអនាម័យ ដោយមានសង្គតិភាពនឹងអនុសញ្ញាអន្តរជាតិស្តីពីការការពាររុក្ខជាតិ អង្គការពាណិជ្ជកម្មពិភពលោក ក្របខ័ណ្ឌអាស៊ានជាដើម ។- ផ្តល់នូវជំនឿចិត្តជាមួយប្រទេសដៃគូពាណិជ្ជកម្ម និងកម្លាំងពេញលេញក្នុងការចរចាបើកទីផ្សារនាំចេញកសិផលកម្ពុជាជាមួយបណ្តាប្រទេសដែលមានទីផ្សារធំៗក្នុងពិភពលោក ជាពិសេសបន្ទាប់ពីសម្រេចបាននូវកិច្ចព្រមព្រៀងពាណិជ្ជកម្មសេរី ក្នុងក្របខ័ណ្ឌទ្វេភាគី និងពហុភាគី និងជួយសម្រួលការនាំចេញ ការនាំចូល ការដឹកជញ្ជូនឆ្លងកាត់នូវទំនិញជារុក្ខជាតិ និងផលិតផលរុក្ខជាតិនានា៕ អត្ថបទ មុត សុទ្ធ

បណ្ដាញសង្គម

ព័ត៌មានថ្មីៗ

សមាជិកសភាជប៉ុន បានគូសបញ្ជាក់អំពី ការ បតេជ្ញាចិត្ត របស់ជប៉ុន ក្នុងការពង្រឹង និង ពង្រីក ទំនាក់ទំនង និង កិច្ចសហប្រតិបត្តិការ ជប៉ុន -កម្ពុជា ឱ្យកាន់តែរីកចម្រេីន និង រឹងមាំបន្ថែមទៀត

តំណាងកម្មវិធីអភិវឌ្ឍន៍អង្គការសហប្រជាជាតិប្រចាំនៅកម្ពុជា (UNDP)៖ គ្មានការអភិវឌ្ឍណាអាចប្រព្រឹត្តទៅបាន ដោយគ្មានសន្តិភាពនោះទេ

សម្តេចតេជោ ហ៊ុន សែន អនុញ្ញាតឲ្យ ឯកឧត្តម Abdullah ibn Muhammad Al ash-Sheikh ប្រធានរដ្ឋសភានៃព្រះរាជាណាចក្រអារ៉ាប៊ី សាអូឌីត ចូលជួបសម្តែងការគួរសម

លោក Netany របស់អ៊ីស្រាអែល ត្រូវបានគេរំពឹងថា នឹងជួបលោក Trump នៅសប្តាហ៍ក្រោយ

អង្គការសប្បុរសធម៌ជាង ១៧០ អំពាវនាវឲ្យបញ្ចប់ប្រព័ន្ធចែកចាយជំនួយថ្មី នៅហ្កាហ្សា ដោយបារម្ភពីសុវត្ថិភាពជនស៊ីវិល

រដ្ឋធានីឥណ្ឌា ហាមមិនឲ្យលក់ប្រេងឥន្ធនៈឲ្យរថយន្តចាស់ៗ ជាការប៉ុនប៉ងប្រឆាំងការបំពុល

«សហរដ្ឋអាមេរិក និងកម្ពុជា ធ្វើកិច្ចសហប្រតិបត្តិការទ្វេភាគីដ៏ល្អ និងសម្រេចបាននូវលទ្ធផលលើការលើកកម្ពស់សុខភាព សុខុមាលភាពប្រជាជនកម្ពុជា រួមទាំងចូលរួមចំណែកពង្រឹងសន្តិសុខសុខភាពសកលតាមរយៈការកាត់បន្ថយជំងឺឆ្លង»

សម្ដេចធិបតីជួបជាមួយមេធាវីអន្តរជាតិដើម្បីពិនិត្យ និងពិភាក្សាពាក់ព័ន្ធការបន្តនីតិវិធីរបស់កម្ពុជាប្ដឹងទៅតុលាការយុត្តិធម៌អន្តរជាតិ ICJ ករណីវិវាទព្រំដែនជាមួយថៃ

ឯកឧត្តម សុខ ពុទ្ធិវុធ បានដឹកនាំប្រតិភូក្រសួងប្រៃសណីយ៍ចូលរួមវេទិកាអភិបាលកិច្ចអ៉ីនធឺណិតប្រចាំឆ្នាំ លើកទី២០ នៅទីក្រុង Lillestorm ប្រទេសណ័រវេស

អភិបាលក្រុង Izhevsk៖ មនុស្ស ៣នាក់ស្លាប់ និង ៣៥នាក់រងរបួស ដោយសារការវាយប្រហាររបស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមការងារគណបក្សប្រជាជន ចុះជួបសំណេះសំណាលជាមួយពលរដ្ឋឃុំព្រះផុស

កម្មករនិយោជិត៖ ប្រាក់ឈ្នួលអប្បបរមាបច្ចុប្បន្នធ្វើឲ្យជីវភាពពួកគាត់ប្រសើរជាងមុន

៤ថ្ងៃក្នុងអំឡុងបុណ្យចូលឆ្នាំចិន ខេត្តបាត់ដំបង ទទួលបានទេសចរជាង ២០ម៉ឺននាក់

ពលរដ្ឋក្នុងក្រុងសំរោង ត្រេកអរពេលទទួលបានផ្លូវបេតុងចំនួនពីរខ្សែ

នាយក២១រូប និងគ្រូបង្រៀនចំនួន ៨០រូប ត្រូវបានចាត់ទុកជានាយកល្អគ្រូល្អក្នុងវិស័យអប់រំ

ក្នុងឆ្នាំ២០២១ បេសកកម្មរថយន្តសម្អាតផ្លូវ ខ្មែរ ប៊ែវើរីជីស សម្អាតផ្លូវបានជាង ១៥,៣៨៣ គីឡូម៉ែត្រ

មន្រី្តជួរមុខ និងពលរដ្ឋបន្តមកចាក់វ៉ាក់សាំងដូសទី៤ នៅមនី្ទរពេទ្យបង្អែករាជធានីភ្នំពេញ

គណៈរដ្ឋមន្ត្រីអនុម័តទាំងស្រុង លើសេចក្តីព្រាងច្បាប់ការពាររុក្ខជាតិ និងភូតគាមអនាម័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមការងារគណបក្សប្រជាជន ចុះជួបសំណេះសំណាលជាមួយពលរដ្ឋឃុំព្រះផុស

កម្មករនិយោជិត៖ ប្រាក់ឈ្នួលអប្បបរមាបច្ចុប្បន្នធ្វើឲ្យជីវភាពពួកគាត់ប្រសើរជាងមុន

៤ថ្ងៃក្នុងអំឡុងបុណ្យចូលឆ្នាំចិន ខេត្តបាត់ដំបង ទទួលបានទេសចរជាង ២០ម៉ឺននាក់

ពលរដ្ឋក្នុងក្រុងសំរោង ត្រេកអរពេលទទួលបានផ្លូវបេតុងចំនួនពីរខ្សែ

នាយក២១រូប និងគ្រូបង្រៀនចំនួន ៨០រូប ត្រូវបានចាត់ទុកជានាយកល្អគ្រូល្អក្នុងវិស័យអប់រំ

ក្នុងឆ្នាំ២០២១ បេសកកម្មរថយន្តសម្អាតផ្លូវ ខ្មែរ ប៊ែវើរីជីស សម្អាតផ្លូវបានជាង ១៥,៣៨៣ គីឡូម៉ែត្រ

មន្រី្តជួរមុខ និងពលរដ្ឋបន្តមកចាក់វ៉ាក់សាំងដូសទី៤ នៅមនី្ទរពេទ្យបង្អែករាជធានីភ្នំពេញ

គណៈរដ្ឋមន្ត្រីអនុម័តទាំងស្រុង លើសេចក្តីព្រាងច្បាប់ការពាររុក្ខជាតិ និង​ភូតគាម​អនាម័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

គណៈរដ្ឋមន្ត្រីអនុម័តទាំងស្រុង លើសេចក្តីព្រាងច្បាប់ការពាររុក្ខជាតិ និងភូតគាមអនាម័យ