BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

ប្រមុខការទូតកម្ពុជាចាត់ទុកអ្នករិះគន់ដំណើរទស្សនកិច្ចប្រតិភូកម្ពុជាទៅមីយ៉ាន់ម៉ាថា ជាអ្នកស្រឡាញ់ការបង្ហូរឈាម

ភ្នំពេញ៖ ប្រមុខការទូតកម្ពុជា ឯកឧត្ដម ប្រាក់ សុខុន បានលើកឡើងថា អ្នករិះគន់ដំណើរទស្សនកិច្ចរបស់ប្រតិភូជាន់ខ្ពស់កម្ពុជាទៅកាន់ប្រទេសមីយ៉ាន់ម៉ា គឺជាអ្នកស្រឡាញ់ការបង្ហូរឈាម ឬសង្គ្រាម។រដ្ឋមន្ត្រីការបរទេសកម្ពុជា ឯកឧត្ដម ប្រាក់ សុខុន បានបញ្ជាក់បែបនេះនៅក្នុងសន្និសីទសារព័ត៌មាននៅឯអាកាសយានដ្ឋានអន្តរជាតិភ្នំពេញនៅថ្ងៃនេះ នៅក្រោយការបញ្ចប់ដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នៅប្រទេសមីយ៉ាន់ម៉ា។ប្រមុខការទូតកម្ពុជា បានបញ្ជាក់ថា ដំណើរទស្សនកិច្ចរបស់សម្ដេចតេជោ ហ៊ុន សែន បានទម្លុះទម្លាយភាពទាល់ច្រកមួយចំនួនជុំវិញបញ្ហារបស់ប្រទេសមីយ៉ាន់ម៉ា ដែលជាមូលដ្ឋានឈានទៅរកដំណោះស្រាយសម្រាប់បញ្ចប់អំពើហិង្សានៅក្នុងប្រទេសជាសមាជិកអាស៊ានមួយនេះ។ឆ្លើយតបនឹងមតិរិះគន់មួយចំនួនជុំវិញដំណើរទស្សនកិច្ចនេះ ឯកឧត្ដម ប្រាក់ សុខុន លើកឡើងថា ក្រុមអ្នករិះគន់ដំណើរទស្សនកិច្ចនេះ ប្រហែលជាអ្នកស្រឡាញ់ការបង្ហូរឈាម ឬសង្គ្រាម។ក្រុមយោធាមីយ៉ាន់ម៉ា បានគ្រប់គ្រងប្រទេសមួយនេះចាប់តាំងពីដើមខែកុម្ភៈឆ្នាំមុន ក្រោយរដ្ឋប្រហារទម្លាក់រដ្ឋាភិបាលស៊ីវិលដឹកនាំដោយអ្នកស្រី អ៊ុងសាន ស៊ូជី ដែលបានឈ្នះការបោះឆ្នោត៕

ប្រមុខការទូតកម្ពុជាបញ្ជាក់ថា ដំណើរទស្សនកិច្ចសម្ដេចតេជោ ហ៊ុន សែន មិនមែនជាការទទួលស្គាល់របបសឹកនោះឡើយ

ភ្នំពេញ៖ ឯកឧត្តម ឧបនាយករដ្ឋមន្ត្រី ឯកឧត្តម ប្រាក់ សុខុន បញ្ជាក់ថា ដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជាទៅកាន់ប្រទេសមីយ៉ាន់ម៉ា មិនមែនជាការទទួលស្គាល់របបយោធាដែលកំពុងគ្រប់គ្រងប្រទេសមីយ៉ាន់ម៉ានោះឡើយ។ឯកឧត្តម ប្រាក់ សុខុន បញ្ជាក់បែបនេះនៅក្នុងសន្និសីទកាសែតនៅឯអាកាសយានដ្ឋានអន្តរជាតិភ្នំពេញនៅថ្ងៃនេះ បន្ទាប់ពីការបញ្ចប់ដំណើរទស្សនកិច្ចរបស់ប្រតិភូជាន់ខ្ពស់កម្ពុជាដឹកនាំដោយសម្ដេចតេជោ ហ៊ុន សែន ទៅកាន់ប្រទេសសមាជិកអាស៊ានមួយនេះ។ប្រមុខការទូតកម្ពុជា បានបញ្ជាក់ទៀតថា បន្ទាប់ពីការផ្លាស់ប្ដូររបបគ្រប់គ្រងប្រទេសកាលពីដើមខែកុម្ភៈឆ្នាំមុនមក ប្រទេសជាច្រើននៅតែរក្សាស្ថានទូត និងស្ថានតំណាងរបស់ពួកគេនៅក្នុងប្រទេសមីយ៉ាន់ម៉ាដដែល ដើម្បីបន្តរក្សាទំនាក់ទំនង និងធ្វើការងារនៅទីនោះ។ឯកឧត្តម ប្រាក់ សុខុន បញ្ជាក់បន្ថែមថា ដូច្នេះ ដំណើរទស្សនកិច្ចរបស់សម្ដេចតេជោ ហ៊ុន សែន ទៅកាន់ប្រទេសសមាជិកអាស៊ានមួយនេះ មិនមែនជាការបង្ហាញការគាំទ្ររបបគ្រប់គ្រងប្រទេសមីយ៉ាន់ម៉ានាពេលបច្ចុប្បន្ននោះឡើយ។ឯកឧត្តម ឧបនាយករដ្ឋមន្ត្រី បានបញ្ជាក់បែបនេះ ដែលជាការឆ្លើយតបទៅនឹងមតិរិះគន់មួយចំនួន ដែលលើកឡើងថា ទស្សនកិច្ចរបស់ប្រតិភូជាន់ខ្ពស់កម្ពុជា គឺជាការបង្ហាញការគាំទ្រដល់របបសឹកមីយ៉ាន់ម៉ា។ក្រុមយោធាមីយ៉ាន់ម៉ា បានគ្រប់គ្រងប្រទេសមួយនេះចាប់តាំងពីដើមខែកុម្ភៈឆ្នាំមុន ក្រោយរដ្ឋប្រហារទម្លាក់រដ្ឋាភិបាលស៊ីវិលដឹកនាំដោយអ្នកស្រី អ៊ុងសាន ស៊ូជី ដែលបានឈ្នះការបោះឆ្នោត៕

ប្រមុខការទូតកម្ពុជាបញ្ជាក់ថា យោធាមីយ៉ាន់ម៉ាប្រកាសបន្តបទឈប់បាញ់គ្នារហូតដាច់ឆ្នាំនេះ

ភ្នំពេញ៖ ប្រមុខការទូតកម្ពុជា ឯកឧត្ដម ប្រាក់ សុខុន បញ្ជាក់ថា មេដឹកនាំយោធាមីយ៉ាន់ម៉ា នាយឧត្ដមសេនីយ៍ មីន អ៊ុងឡាំង បានសម្រេចបន្តបទឈប់បាញ់គ្នារហូតដល់ចុងឆ្នាំ២០២២នេះ ខណៈដែលបទឈប់បាញ់គ្នានៅប្រទេសមួយនេះ នឹងបញ្ចប់ទៅនៅខែកុម្ភៈខាងមុខនេះ។រដ្ឋមន្ត្រីការបរទេសកម្ពុជាឯកឧត្ដម ប្រាក់ សុខុន បានបញ្ជាក់បែបនេះនៅក្នុងសន្និសីទសារព័ត៌មាននៅឯអាកាសយានដ្ឋានអន្តរជាតិភ្នំពេញនៅថ្ងៃនេះ បន្ទាប់ពីដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នៅប្រទេសមីយ៉ាន់ម៉ា។ប្រតិភូកម្ពុជាដែលដឹកនាំដោយសម្ដេចតេជោ ហ៊ុន សែន បានធ្វើដំណើរទស្សនកិច្ចនៅប្រទេសមីយ៉ាន់ម៉ាកាលពីថ្ងៃម្សិលមិញនេះ ដោយបានជួបពិភាក្សាជាមួយមេដឹកនាំយោធាមីយ៉ាន់ម៉ា នាយឧត្ដមសេនីយ៍ជាន់ខ្ពស់ មីន អ៊ុងឡាំង។នៅក្នុងសន្និសីទនោះ ឯកឧត្ដមប្រាក់ សុខុន បញ្ជាក់ថា នាយឧត្ដមសេនីយ៍ មីន អ៊ុងឡាំង បានប្រកាសជាឯកតោភាគីនូវការពន្យាឈប់បាញ់គ្នារហូតដាច់ឆ្នាំ២០២២នេះ។បើតាមប្រមុខការទូតកម្ពុជា បទឈប់គ្នាមួយរវាងក្រុមយោធាភូមា និងក្រុមតស៊ូប្រដាប់អាវុធនៅមីយ៉ាន់ម៉ា នឹងត្រូវបញ្ចប់នៅក្នុងខែកុម្ភៈខាងមុខនេះ។ក្រុមយោធាមីយ៉ាន់ម៉ា បានឡើងកាន់អំណាចគ្រប់គ្រងប្រទេសសមាជិកអាស៊ានមួយនេះចាប់តាំងពីក្រោយរដ្ឋប្រហារទម្លាក់រដ្ឋាភិបាលស៊ីវិលដឹកនាំដោយអ្នកស្រី អ៊ុងសាន ស៊ូជី កាលពីដើមខែកុម្ភៈឆ្នាំ២០២១កន្លងមកនេះ៕

ឯកឧត្តម វង សូត៖ ប្រទេសជាតិមានសន្តិភាពមកដល់សព្វថ្ងៃនេះ គឺកើតឡើងដោយសារគណបក្សប្រជាជន

ត្បូងឃ្មុំ៖ ឯកឧត្តម វង សូត បានថ្លែងថា យើងរួមគ្នាអភិវឌ្ឍន៍បន្តទៀត ខណៈដែលប្រទេសជាតិ មានសន្តិភាពមកដល់សព្វថ្ងៃនេះ គឺកើតឡើងដោយសារគណបក្សប្រជាជនកម្ពុជា ។ការថ្លែងបែបនេះព្រឹកថ្ងៃទី៨ខែមករា ឆ្នាំ២០២១ នាឱកាសឯកឧត្ដម វង សូត រដ្ឋមន្ត្រី ប្រធានក្រុមការងារថ្នាក់ជាតិ ចុះជួយស្រុកពញាក្រែកខេត្តត្បូងឃ្មុំ និងឃុំជាច ស្រុកកំចាយមារ ខេត្តព្រៃវែង អញ្ជើញសន្និបាតបូកសរុបលទ្ធផលការងារយៈពេល៥ឆ្នាំ២០១៧-២០២២ និងផ្សព្វផ្សាយគោលនយោបាយអភិវឌ្ឍន៍ឃុំអាណត្តិទី៥ ឆ្នាំ ២០២២-២០២៧ របស់គណៈកម្មាធិការបក្សមូលដ្ឋានឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ ។ឆ្លៀតឱកាសនោះដែរឯកឧត្តម វង សូត បានជម្រុញដល់មន្ត្រីគណបក្សប្រជាជនកម្ពុជាទាំងអស់ត្រូវថែរក្សានូវសមិទ្ធផលនានា ដែលបានកើតចេញពីស្នាដៃការដឹកនាំរបស់គណបក្សប្រជាជនកម្ពុជា និងបន្តរួមគ្នាអភិវឌ្ឍន៍បន្ថែមទៀត ស្របតាមទិសដៅរបស់រាជរដ្ឋាភិបាលកម្ពុជា។ ទន្ទឹមនឹងនេះដែរ ថ្នាក់ដឹកនាំគណបក្សប្រជាជនកម្ពុជា គឺរួមសុខរួមទុក្ខជាមួយបងប្អូនប្រជាជនជានិច្ច ទោះបីកាលៈទេសៈណាក៏ដោយ ពោលគឺធ្វើយ៉ាងណា លើកកម្ពស់ជីវភាពរបស់ប្រជាពលរដ្ឋ ឲ្យកាន់តែល្អប្រសើឡើង។ឯកឧត្ដម ប្រធានក៏បានលើកទឹកចិត្តដល់សកម្មជនបក្សទាំងអស់ត្រូវមានសមត្ថភាពចំណេះដឹង និងសាមគ្គីភាពគ្នា ដើម្បីឈានទៅយកជ័យលាភីសម្រាប់ការបោះឆ្នោតនៅពេលខាងមុខនេះ ៕

ឯកឧត្តម មៀច សុផាន់ណា អញ្ជើញបូកសរុបលទ្ធផលការងារ CPP អាណត្តិទី៤ នៅឃុំមេសរប្រចាន់

ព្រៃវែង៖ ឯកឧត្តម មៀច សុផាន់ណា អនុប្រធានក្រុមការងារចុះមូលដ្ឋានស្រុកពារាំង ខេត្តព្រៃវែង និងជាប្រធានក្រុមការរងារចុះមូលដ្ឋាន ឃុំមេសរប្រចាន់ នៅថ្ងៃទី៨ ខែមករា ឆ្នាំ២០២២ បាន អញ្ជើញដឹកនាំធ្វើសន្និបាតបូកសរុបលទ្ធផលសកម្មភាពការងារអាណត្តិទី៤ ឆ្នាំ២០១៧-២០២២ និងលើកទិសដៅអនុវត្តបន្តអាណត្តិទី៥ ឆ្នាំ២០២២-២០២៧ របស់គណៈកម្មាធិការគណបក្សឃុំមេសរប្រចាន់ ។ក្នុងសន្និបាទនេះ មានការអញ្ជើញចូលរួមពីសំណាក់ឯកឧត្ដម លោកជំទាវ ភ្ញៀវកិត្តិយស ក្រុមការងារ លោក លោកស្រី ជាសមាជិក សមាជិការគណបក្ស សរុបចំនួន ២៤៦នាក់ ស្រី៨៩ នាក់ ។ក្នុងកម្មវិធីអង្គសន្និបាតនេះ ឯកឧត្ដម វង្ស ពិសេន បានឧបត្ថម្ភថវិកាចំនួន ៥ ០០០ ០០០រៀល និងកាតាបចំនួន៩០, ឯកឧត្ដម មៀច សុផាន់ណា បានឧបត្ថម្ភសម្ភារៈ និងថវិកាចំនួន ៥ ៥២០ ០០០រៀល ហើយបានជួបជុំហូបអាហារសាមគ្គីផងដែរ ៕

គណបក្សប្រជាជនសំណេះសំណាលជាមួយសមាគមសម្ព័ន្ធសេដ្ឋកិច្ច និងរ៉ឺម៉កសន្តិភាពនៅសៀមរាប

សៀមរាប៖ គណៈកម្មាធិការនៃគណបក្សប្រជាជនកម្ពុជាខេត្តសៀមរាប បានសំណេះសំណាលជាមួយសមាគមសម្ព័ន្ធសេដ្ឋកិច្ច និងរ៉ឺម៉កសន្តិភាពប្រចាំខេត្តសៀមរាប ប្រមាណជាង១៧០នាក់។ពិធីនេះ ធ្វើឡើងស្ថិតក្នុងសាលប្រជុំមន្ទីរបក្សខេត្ត នារសៀលថ្ងៃទី០៦ ខែមករា ឆ្នាំ២០២២។ឯកឧត្ដម ទៀ សីហា សមាជិកគណៈកម្មាធិការកណ្តាល សមាជិកយុវជនថ្នាក់កណ្តាលនៃគណបក្សប្រជាជនកម្ពុជា និងជាប្រធានគណបក្សប្រជាជនកម្ពុជាខេត្តសៀមរាប មានប្រសាសន៍ថា ថ្នាក់ដឹកនាំគណបក្សខេត្តសៀមរាប ជាស្មារតីសាមគ្គីភាព ជាមួយបងប្អូន បំពេញការងារលើវិស័យសេដ្ឋកិច្ចក្រៅប្រព័ន្ធលើផ្នែកដឹកជញ្ជូន ក្នុងការបម្រើសេវាសាធារណៈ ប្រកបដោយស្មារតីសកម្មព្យាយាម ។ឯកឧត្តម បន្តថា ក្រោយពីជ័យជម្នះលើរបបសាធារណៈរដ្ឋខ្មែរ នាថ្ងៃ១៧ មេសា ឆ្នាំ១៩៧៥ ប្រជាជនកម្ពុជា សង្ឃឹមថានឹងបានរស់នៅក្នុងសន្តិភាព ប៉ុន្តែផ្ទុយទៅវិញបនក្បត់ ប៉ុល ពត បានប្លន់យកទាំងស្រុងនូវសមិទ្ធផលនៃជ័យជម្នះនេះហើយបានបង្កើតឡើងរបបកម្ពុជាប្រជាធិបតេយ្យ ដែលបានអនុវត្តនូវនយោបាយប្រល័យពូជសាសន៍ដ៏យង់ឃ្នងធ្វើឱ្យទឹកដីមាតុភូមិយើងទាំងមូលប្រែក្លាយជាវាលពិឃាដ យ៉ាងសាហាវឃោរឃៅរកទីបំផុតគ្មាន។ ក្នុងរយៈពេលតែ៣ឆ្នាំ ៨ខែ និង២០ថ្ងៃប៉ុណ្ណោះ ដែលពួក ប៉ុល ពត បានបំផ្លាញរចនាសម្ព័ន្ធសង្គមជាតិឱ្យរលាយខ្ទេចខ្ទីដល់ឫសគល់ សិទ្ធិសេរីភាពដែលជាតម្លៃ ជាសារវន្តរបស់មនុស្សត្រូវបានលុបបំបាត់ទាំងស្រុង ប្រជាជនកម្ពុជា៣លាន ៣សែននាក់ត្រូវបានសម្លាប់យ៉ាងអយុត្តិធម៌។ នៅក្នុងកាលៈទេសៈដ៏សែនធ្ងន់ធ្ងរបំផុតនេះ បណ្តាកម្លាំងអ្នកសេ្នហាជាតិដ៏បរិសុទ្ធនៃគណបក្សប្រជាជនកម្ពុជា ដែលនៅសេសសល់ពីការកាប់សម្លាប់បានផ្តាច់ខ្លួនចេញពីរបប ប៉ុល ពត ដើម្បីធ្វើការតស៊ូសង្រ្គោះជាតិពីរបបដ៏យង់ឃ្នងនេះ។ក្រោយពីកម្ពុជាបានយកជ័យជំនះលើរបបអាវខ្មៅនាថ្ងៃ៧មករាឆ្នាំ១៩៧៩កន្លងមក កម្ពុជាក៏មានការអភិវឌ្ឍស្ទើរគ្រប់វិស័យ។ឯកឧត្តម ទៀ សីហា ចាត់ទុកថា នេះជាការបង្ហាញនូវការគាំទ្រចំពោះកម្មវិធីនយោបាយរបស់គណបក្សប្រជាជនកម្ពុជា យ៉ាងពិតប្រាកដ ជាកម្លាំងថ្មីមិនអាចខ្វះបាន ដើម្បីបង្រួបបង្រួមកម្លាំងមហាសាមគ្គីជាតិទាំងមូល រក្សាការពារនូវសុខសន្តិភាព សមតាមពាក្យស្លោក “ មានសន្តិភាព ទើបធានាការអភិវឌ្ឍប្រទេសជាតិ និងលទ្ធិប្រជាធិបតេយ្យ ” និងពាក្យស្លោកមួយឃ្លាទៀតថា “ លើកម្ពស់ស្មារតីស្នេហាជាតិ ពង្រឹងធ្លុងសាមគ្គីភាព ការពារឯករាជ្យជាតិ អធិបតេយ្យ និងបូរណភាពទឹកដីកម្ពុជា ” ។សូមជម្រាបថា សមាគមសម្ព័ន្ធសេដ្ឋកិច្ច និងរ៉ឺម៉ក សន្តិភាពប្រចាំខេត្តសៀមរាប មានឫសគល់ចេញមកពីអង្គការចាត់តាំងមួយរបស់អតីតគណបក្សសង្គ្រោះជាតិ។ ក្រោយគណបក្សនេះត្រូវបានរំលាយ សមាជិកនៃអង្គការខាងលើ បានសុំចុះបញ្ជីជាផ្លូវការនៅក្រសួងមហាផ្ទៃ និងបានប្រកាសអំពីការគាំទ្ររបស់ខ្លួនចំពោះគណបក្សប្រជាជនកម្ពុជាវិញ៕

ប្រធានស្តីទីគណបក្សហ៊្វុនស៊ិនប៉ិច ស្នើឲ្យមានការរូបរួមគ្នាដើម្បីលើកកម្ពស់គណបក្សឡើងវិញ

ភ្នំពេញ៖ នៅក្នុងពិធីចុះសំណេះសំណាលជាមួយសមាជិក-សមាជិកាគណបក្ស នៅខេត្តត្បូងឃ្មុំ និងខេត្តកំពង់ចាម កាលពីម្សិលមិញ ព្រះអង្គម្ចាស់នរោត្តម ចក្រាវុធ ព្រះប្រធានស្តីទីគណបក្សហ៊្វុនស៊ិនប៉ិច បានធ្វើការអំពាវនាវដល់សមាជិក សមាជិកា ព្រឹទ្ធាចារ្យគណបក្សទាំងអស់រួបរួមគ្នាសាមគ្គីគ្នា លើកកម្ពស់គណបក្សឲ្យមានភាពល្អប្រសើឡើងវិញ ដើម្បីឈានឆ្ពោះទៅរកការបោះឆ្នោតជ្រើសក្រុមប្រឹក្សាឃុំ-សង្កាត់ និងសកលនាឆ្នាំ២០២២ និង២០២៣ខាងមុខនេះ។ព្រះអង្គម្ចាស់នរោត្តម ចក្រាវុធ បានមានបន្ទូលថា បើស្រលាញ់ហ៊្វុនស៊ិនប៉ិច និង ចង់ឲ្យគណបក្សដែលជាកេរ្តិ៍មរតករបស់សម្តេចតា សម្តេចតាទួត ព្រះបរមរតនកោដ្ឋឲ្យមានភាពល្អប្រសើ ឡើងវិញគប្បីបញ្ឈប់ការឈ្លោះគ្នា ញុះញង់ឲ្យមានការរើសអើងគ្នាទៅវិញទៅមក ខណៈវប្បធម៌បែបនេះ បានកើតជាយូរណាស់មកហើយចំពោះគណបក្សមួយនេះ ហើយដោយសារតែការលាបពណ៌គ្នានេះហើយបានធ្វើឲ្យគណបក្សកាន់តែធ្លាក់ប្រជាប្រិយនោះ។ព្រះអង្គម្ចាស់ បានមានបន្ទូលថា តាំងពីដើមមកព្រះអង្គតែងតែឃើញ និងឮចំពោះការមិនចុះសម្រុងគ្នារវាងថ្នាក់ដឹកនាំគណបក្សជាច្រើនលើកច្រើនសារមកហើយ ប៉ុន្តែទោះជាយ៉ាងណាក៏ដោយព្រះ អង្គបានរំពឹងថា សមាជិក-សមាជិកាទាំងអស់ នឹងចាប់ផ្តើមចាប់ដៃគ្នា សាមគ្នាឡើងវិញដើម្បីភាពរីកចំរើន របស់គណបក្ស និងឈានទៅការចូលរួមបោះឆ្នោតនាពេលខាងមុខនេះ។នៅក្នុងពិធីសំណេះសំណាលនោះដែរ ព្រះអង្គម្ចាស់នរោត្តម ចក្រាវុធ ក៏មានការតាំងចិត្ត និងមានជំនឿជឿជាក់ក្នុងការ ដឹកនាំរបស់ព្រះអង្គចំពោះ គណបក្សហ៊្វុនស៊ិនប៉ិច ឲ្យមានភាពល្អប្រសើឡើងវិញផងដែរ ខណៈនាពេលបច្ចុប្បន្នគណបក្សនេះ គណបក្សនេះពុំមានសំឡេងនៅក្នុងរដ្ឋសភា ដូចពីអតីតកាលក៏ដោយនោះ។ព្រះអង្គម្ចាស់ក៏ណែនាំដល់សហជីវិន សហជីវិនី របស់ព្រះអង្គឲ្យមានការខិតខំធ្វើការបំរើប្រជារាស្រ្ត និងប្រទេសជាតិបន្ថែមទៀត ក្នុងការរួមចំណែកជាមួយរាជរដ្ឋាភិបាលក្នុងការអភិវឌ្ឍប្រទេសជាតិ ឲ្យកាន់តែមានការរីកចំរើនបន្ថែមទៀតនោះ៕ អត្ថបទ៖ បានចក់

ឯកឧត្ដម លី ធុជ ចូលរួមប្រកាសបញ្ចូលសមាជិកគណបក្សថ្មីចំនួន ២៥៣នាក់ នៅសង្កាត់ច្រកម្ទេស ក្រុងបាវិត

ស្វាយរៀង៖ ព្រឹកថ្ងៃទី០៧ ខែមករាឆ្នាំ២០២២ នាឱកាសអបអរសាទរខួបលើកទី៤៣ នៃទិវា៧មករា ក្នុងនាម លោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តស្វាយរៀង ឯកឧត្ដម លី ធុជ សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានក្រុងបាវិត បានអញ្ជើញប្រកាសបញ្ចូលសមាជិកគណបក្សថ្មីចំនួន២៥៣នាក់ នៅសង្កាត់ច្រកម្ទេសក្រុងបាវិត និងជួបសំណេះសំណាលជាមួយសមាជិកគណបក្សក្រុងគណបក្សសង្កាត់សាខាគណបក្សភូមិទាំង ១៥និងយុវជនដែលមានអ្នកចូលរួមសរុបចំនួន៣២៨នាក់ ។ពិធីប្រកាសនេះ មានការអញ្ជើញចូលរួមពីឯកឧត្ដម ស៊ុយ ជីហ៊ាង ប្រធានក្រុមការងារគណបក្សចុះមូលដ្ឋានសង្កាត់ច្រកម្ទេស , លោក លឹម សៀងហេង ប្រធានគណបក្សក្រុងអនុប្រធាន សមាជិកសមាជិកា ក្រុមការងារគណបក្សចុះមូលដ្ឋានសង្កាត់ច្រកម្ទេស ។ក្នុងឱកាសនោះ ឯកឧត្តម លី ធុជ បានលើកឡើងថា ថ្នាក់ដឹកនាំគណបក្សប្រជាជន សូមស្វាគមន៍យ៉ាងកក់ក្តៅចំពោះសមាជិកថ្មីទាំង២៥៣នាក់ ក៏ដូចជាសមាជិកគណបក្សដទៃដែលស្ម័គ្រចិត្តចូលរួមជីវភាពមហាគ្រួសារ ជាមួយគណបក្សប្រជាជនកម្ពុជា ដែលនេះពិតជាការសម្រេចចិត្តដ៏ត្រឹមត្រូវបំផុត ពីព្រោះគណក្សប្រជាជនកម្ពុជាបានរំដោះប្រជាជនរួចផុតពីរបបប្រល័យពូជសាសន៍ប៉ុលពត និង បាន បង្កើតជីវិតថ្មីជូនប្រជាពលរដ្ឋកម្ពុជា ។ឯកឧត្តម បានញ្ជាក់ន្ថែម ទិវា៧មករា មិនត្រឹមតែជាសមិទ្ធផលជាប្រវត្តិសាស្ត្ររបស់គណបក្សប្រជាជនកម្ពុជាតែមួយប៉ុណ្ណោះទេគឺជា សមិទ្ធផលរួមរបស់ប្រជាជនកម្ពុជា យើងទាំងអស់គ្នាក្នុងការផ្តល់នូវផ្ទះសន្តិភាពសិទ្ធិរស់រានមាន ជីវិតនិងការទទួលបាននូវការអភិវឌ្ឍគ្រប់ៗគ្នា ហើយស្មារតី៧មករានៅតែបន្តស្ថិតស្ថេរគង់វង្ស ក្នុងក្រអៅបេះដូងជនរួមជាតិកម្ពុជា ។គណបក្សប្រជាជនកម្ពុជាគឺជាស្នូលយ៉ាងរឹងមាំក្នុងការបង្រួបបង្រួមជាតិ នាំមកនូវសុខសន្តិភាពយ៉ាងពេញលេញជូនជាតិនិងមាតុភូមិព្រមទាំងធ្វើឱ្យប្រទេសជាតិមានកិត្យានុភាពឡើងវិញទាំងនៅក្នុងតំបន់និងលើឆាកអន្តរជាតិ។ គោលបំណងរបស់គណបក្សប្រជាជនកម្ពុជាគឺដើម្បីបម្រើផលប្រយោជន៍ប្រជាពលរដ្ឋ ហើយបំណងប្រាថ្នារបស់ប្រជាពលរដ្ឋ ដើម្បីទទួលបានជីវិតល្អប្រសើរគឺជាគោលដៅគណបក្សប្រជាជនកម្ពុជា ។ គណបក្សប្រជាជនកម្ពុជាជាគណបក្សនយោបាយចាស់ទុំជាងគេ មានធនធានមនុស្សគ្រប់គ្រាន់ មានរចនាសម្ព័ន្ធរឹងមាំគ្រប់លំដាប់ថ្នាក់ ជាពិសេសមានសម្តេចតេជោ ហ៊ុន សែន ជាប្រធានគណបក្សនិងជានាយករដ្ឋមន្ត្រី ដែលមានគតិបណ្ឌិតដ៏ឈ្លាសវៃប្រកបដោយភាពជឿជាក់ បានធ្វើឲ្យប្រទេសជាតិមានសន្តិភាពពេញផ្ទៃប្រទេស និងបានធ្វើឲ្យប្រទេសកម្ពុជា មានការរីកចម្រើន និងការអភិវឌ្ឍលើគ្រប់វិស័យពីទីក្រុងរហូតដល់ទីជនបទ។ឯកឧត្តម លី ធុជ បានចាត់ទុកសមាជិកបក្សដែលទើបប្រកាសបញ្ចូលជាសមាជិកថ្មី ក៏ដូចជា សមាជិកបក្សប្រជាជនទូទាំងសង្កាត់ ទាំងមូល គឺជាកម្លាំងសាមគ្គីយ៉ាងរឹងមាំសម្រាប់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណបក្សប្រជាជនកម្ពុជា ដើម្បីបន្តដឹកនាំប្រទេសជាតិឱ្យកាន់តែរីកចម្រើនថែមទៀត ក៏ដូចជា ធ្វើឱ្យប្រទេសជាតិមានសុខសន្តិភាព ស្ថេរភាពសង្គម និងការអភិវឌ្ឍលើគ្រប់វិស័យ។ឯកឧត្តម បានណែនាំឲ្យសមាជិកគណបក្សទាំងអស់ត្រូវបន្តខិតខំអនុវត្តឱ្យបានត្រឹមត្រូវ តាមកម្មវិធីគោលនយោបាយនិងលក្ខន្តិកៈរបស់គណបក្ស៕

សម្តេចតេជោ នាយករដ្ឋមន្ដ្រីកម្ពុជា អញ្ជើញទៅដល់សាធារណរដ្ឋសហភាពមីយ៉ាន់ម៉ា ប្រកបដោយសុវត្ថិភាព

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានអញ្ជើញទៅដល់រដ្ឋធានីណៃពិដោរ នៃសាធារណរដ្ឋសហភាពមីយ៉ាន់ម៉ា ប្រកបដោយសុវត្តិភាព កាលពីវេលាម៉ោង ៩និង២៥នាទីព្រឹកម៉ោងនៅរដ្ឋធានីណៃពិដោរ ត្រូវនឹងម៉ោង៩និង៥៥នាទី ម៉ោងនៅព្រះរាជាណាចក្រកម្ពុជា នៅថ្ងៃទី៧មករា សម្រាប់ដំណើរបំពេញទស្សនកិច្ចការងាររយៈពេល២ថ្ងៃ ។វត្តមាននៃការអញ្ជើញដល់អាកាសយានដ្ឋានអន្តរជាតិណៃពិដោរ សម្តេចតេជោ និងគណៈប្រតិភូជាន់ខ្ពស់ ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់បំផុតពីឯកឧត្តម Wunna Maung Lwin រដ្ឋមន្រ្តីការបរទេសមីយ៉ាន់ម៉ា ឯកឧត្តមអភិបាលរដ្ឋធានីណៃពិដោរ ឯកឧត្តម ឈូក ប៊ុណ្ណា ឯកអគ្គរាជទូតវិសាមញ្ញនិងពេញសមត្ថភាពព្រះរាជាណាចក្រកម្ពុជា ប្រចាំសាធារណរដ្ឋសហភាពមីយ៉ាន់ម៉ា ព្រមទាំងវត្តមាន ឯកឧត្តម លោកជំទាវ ជាឥស្សរជនជាន់ខ្ពស់រដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា និងឥស្សរជនការទូតរបស់ព្រះរាជាណាចក្រកម្ពុជាជាច្រើនរូប។នៅអាកាសយានដ្ឋានណៃពិដោរនោះ សម្តេចតេជោ ប្រមុខរាជរដ្ឋាភិបាលកម្ពុជា បានអញ្ជើញជាអធិបតីដ៏ខ្ពង់ខ្ពស់ ក្នុងពិធីប្រគល-ទទួលអំណោយមនុស្សធម៌ សម្ភារៈបរិក្ខារវេជ្ជសាស្រ្ត ចំនួន៩មុខ ដែលជាអំណោយមនុស្សធម៌ដ៏ថ្លៃថ្លាបំផុតរបស់រាជរដ្ឋាភិបាល និងប្រជាជន នៃព្រះរាជាណាចក្រកម្ពុជា ជូនចំពោះរដ្ឋបាលរដ្ឋ និងប្រជាជន នៃសាធារណរដ្ឋសហភាពមីយ៉ាន់ម៉ា។អំណោយមនុស្សធម៌ទាំង៩មុខនោះរួមមាន៖ ១-ម៉ាស ចំនួន ៣លាន ២-ម៉ាស N95 ចំនួន ២០០ពាន់ ៣-វ៉ែនតាការពារ ចំនួន ១០០ពាន់ ៤-សំលៀកបំពាក់សុវត្ថិភាព ចំនួន ៣០ពាន់ ៥-របាំងការពារមុខ ចំនួន ៣០ពាន់ ៦-ស្បែកជើងកវែង ចំនួន ៣ពាន់ ៧-ម៉ាស៊ីនជំនួយដល់ការដកដង្ហើម ចំនួន ៥០គ្រឿង ៨-ម៉ាស៊ីនតាមដានសញ្ញាជីវិត ចំនួន ៥០គ្រឿង និង៩-ម៉ាស៊ីនផលិតអ៊ុកស៊ីសែនស្វ័យប្រវត្តិ ចំនួន ៥០គ្រឿង។ ពិធីប្រគល-ទទួលអំណោយមនុស្សធម៌ សម្ភារៈបរិក្ខារវេជ្ជសាស្រ្ត ចំនួន៩មុខ ដែលជាអំណោយមនុស្សធម៌ដ៏ថ្លៃថ្លាបំផុត របស់រាជរដ្ឋាភិបាល និងប្រជាជន នៃព្រះរាជាណាចក្រកម្ពុជា ជូនចំពោះរដ្ឋបាលរដ្ឋ និងប្រជាជននៃសាធារណរដ្ឋសហភាពមីយ៉ាន់ម៉ា ត្រូវបានប្រារព្ធធ្វើឡើងរវាង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ជាមួយនិងឯកឧត្តម Wunna Maung Lwin រដ្ឋមន្រ្តីការបរទេសមីយ៉ាន់ម៉ា។ គួរបញ្ជាក់ដែរថា៖ រាជរដ្ឋាភិបាលកម្ពុជា បានផ្តល់ជំនួយមនុស្សធម៌ ក្នុងការប្រយុទ្ធប្រឆាំងនឹងជំងឺកូវីដ-១៩ ជូនចំពោះរដ្ឋាភិបាល និងប្រជាជននៃសាធារណរដ្ឋសហភាពមីយ៉ាន់ម៉ាចំនួន ២លើករួចមកហើយ ។តាមកម្មវិធីដែលបានគ្រោងទុក សំរាប់ដំណើរបំពេញទស្សនកិច្ចការងារនេះសម្តេចតេជោ នឹងអញ្ជើញជំនួបពិភាក្សាចង្អៀត និងបើកកិច្ចប្រជុំកំពូលទ្វេភាគី ជាមួយឯកឧត្តម មីន អ៊ុងឡាំង (Min Aung Hlaing) ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា នាវេលារសៀលថ្ងៃទី៧មករា នៅឯទីស្តីការក្រុមប្រឹក្សារដ្ឋបាលរដ្ឋ ក្នុងរដ្ឋធានីណៃពិដោរ នៃសាធារណរដ្ឋសហភាពមីយ៉ាន់ម៉ា។ ចំពោះព័ត៌មានពិស្តារ នៃជំនួបកំពូលរវាងសម្តេចតេជោនាយករដ្ឋមន្រ្តី ជាមួយឯកឧត្តម មីន អ៊ុងឡាំង (Min Aung Hlaing) ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ានោះ ទូរទស្សន៍BTVនឹងជំរាបជូន នៅក្រោយបញ្ចប់ជំនួបកំពូលជាបន្តបន្ទាប់ទៀត៕

សម្តេចតេជោ៖ កម្ពុជាក្លាយជាប្រទេសគ្មានសេដ្ឋកិច្ចបង្ហូរឈាមគ្នាមកជាប្រទេសប្រជាធិបតេយ្យនិងអភិវឌ្ឍន៍

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា ប្រទេសកម្ពុជាដែលពីមុនជាវាលពិឃាដ នៃរបបប្រល័យពូជសាសន៍ជាប្រទេសក្រីក្រ និងជាប្រទេសអន់ថយបំផុតផ្នែកសេដ្ឋកិច្ច តែនាពេលនេះ បានក្លាយទៅជាប្រទេសប្រកាន់ខ្ជាប់នូវគោលការណ៍ប្រជាធិបតេយ្យ នីតិរដ្ឋ ឯករាជ្យ បូរណភាពទឹកដី មានសុខសន្តិភាព និងការអភិវឌ្ឍជាបន្តបន្ទាប់។ក្នុងសារលិខិតក្នុងឱកាសរំឮកខួបទី៤៣ឆ្នាំ នៃទិវាជ័យជម្នះ៧មករា (៧មករា ១៩៧៩-៧មករា២០២២) សម្តេចតេជោ ហ៊ុន សែន បានលើកឡើងថា ទិវាជ័យជម្នះជាប្រវត្តិសាស្រ្តរបស់ប្រជាជនកម្ពុជា លើរបបប្រឡ័យពូជសាសន៍ ប៉ុល ពត ដែលបានសង្រ្គោះជាតិឲ្យរស់រានមានជីវិតឡើងវិញទាន់ពេលវេលា បញ្ចប់សម័យកាលដ៏ខ្មៅងងិតបំផុត ហើយបើកឡើងវិញនូវសករាជថ្មីរបស់កម្ពុជា គឺឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គមជាដើម។ក្នុងសារលិខិតនេះសម្តេចតេជោ នាយករដ្ឋមន្រ្តី បានលើកឡើងទៀតថា ក្នុងរយៈពេល ៤៣ឆ្នាំមកនេះ ផ្តើមពីជ័យជម្នះ៧មករា កម្ពុជាបានធ្វើដំណើរលើផ្លូវមួយប្រកបដោយភាពបត់បែន និងគ្រោះថ្នាក់ជាទីបំផុត តែជាផ្លូវដ៏ត្រឹមត្រូវដែលបានធានាដល់ការស្ថិតស្ថេរគង់វង្ស និងរីកចម្រើននៃមាតុភូមិកម្ពុជា។ ដោយក្តាប់ជាប់មេរៀនពិសោធន៍នៅក្នុងប្រវត្តិសាស្រ្តរបស់ខ្លួន ប្រជាជាតិយើងបានជ្រើសរើសយករបបនយោបាយ និងសង្គមរបស់ខ្លួនប្រកបដោយភាពឯករាជ្យ ដែលស្របទៅនឹងលក្ខណៈប្រវត្តិសាស្រ្ត ស្ថានភាពសង្គមសេដ្ឋកិច្ច វប្បធម៌កម្ពុជា ព្រមទាំងការវិវត្តនៃសភាពការណ៍ក្នុងប្រទេស និងក្រៅប្រទេស ដោយមិនរាថយចំពោះឧបសគ្គ និងការសាកល្បងគ្រប់បែបយ៉ាង និង«មិនឱនក្បាលចំពោះការគៀបសង្កត់គំរាមកំហែងនានា»។ លើមូលដ្ឋាននេះ បានធ្វើឲ្យមាតុភូមិយើងអាចងើបឈរឡើងវិញ និងឈានទៅមុខជាជំហានៗ ឆ្លងផុតដំណាក់កាលដែលលំបាកបំផុត មកកាន់ដំណាក់កាលពង្រឹងពង្រីកខ្លួន និងសម្រេចបានការផ្លាស់ប្តូរដ៏ធំធេងជាប្រវត្តិសាស្រ្តប្រកបដោយមោទនភាពជាដើមនោះ។សម្តេចតេជោ នាយករដ្ឋមន្រ្តីបានសង្កត់ធ្ងន់ថា«កម្ពុជាដែលពីមុនជាវាលពិឃាដនៃរបបប្រល័យពូជសាសន៍, ជាសមរភូមិនៃសង្រ្គាមដ៏រ៉ាំរ៉ៃ, ជាកន្លែងដណ្តើមប្រជែងរវាងមនោគមវិជ្ជានយោបាយនានា, ជាប្រទេសក្រីក្រ និងអន់ថយបំផុតផ្នែកសេដ្ឋកិច្ច ឥឡូវនេះបានក្លាយជាព្រះរាជាណាចក្រដែលប្រកាន់ខ្ជាប់នូវ គោលការណ៍ប្រជាធិបតេយ្យ និងនីរិរដ្ឋ, ជាប្រទេសមានសន្តិភាព ឯកភាពជាតិ និងឯកភាពទឹកដីទាំងស្រុង មានសេដ្ឋកិច្ចកំពុងលូតលាស់ ដោយបានចេញផុតពីប្រទេសមានចំណូលទាប ក្លាយជាប្រទេសមានចំណូលមធ្យមកម្រិតទាប ហើយជីវភាពប្រជាជនមានភាពកាន់តែប្រសើរឡើង។ កម្ពុជាបានក្រោកឈរស្មើរមុខស្មើរមាត់ជាមួយបណ្តាប្រទេស បានចូលរួមដោយស្មើរភាព និងស្មើរសិទ្ធិក្នុងរាល់កិច្ចការអន្តរជាតិជាដើម»។ទាំងអស់នេះ គឺជាសមិទ្ធផលជាប្រវត្តិសាស្រ្តដ៏ធំធេងថ្លៃថ្លាបំផុតរបស់ប្រជាជនកម្ពុជាគ្រប់រូបនៃ គ្រប់ជនជាតិ គ្រប់ជំនឿសាសនា និងគ្រប់និន្នាការនយោបាយទាំងអស់ផងដែរ។យ៉ាងណាក៏ដោយនៅក្នុងសារលិខិតនេះសម្តេចតេជោ ហ៊ុន សែន នាយករដ្ឋមន្រ្តីក៏បានបួងសួង សូមឲ្យដួងវិញ្ញាណក្ខ័ន្ធរបស់ជនរួមជាតិខ្មែររាប់លាននាក់ ដែលត្រូវបានសម្លាប់យ៉ាងអយុត្តិធម៌ និងអាណោចអាធម្មបំផុតក្នុងរបបប៉ុល ពត បានទៅកាន់សុគតិភពជារៀងដរាបផងដែរ។ មួយវិញទៀតសម្តេច តេជោ នាយករដ្ឋមន្រ្តីក៏បានអំពាវនាវដល់បងប្អូនជនរួមជាតិទាំងអស់ បន្តរូបរួមសាមគ្គីគ្នាជាធ្លុងមួយក្រោម ដំបូលរដ្ឋធម្មនុញ្ញ និងម្លប់ដ៏ត្រជាក់នៃអង្គព្រះមហាក្សត្រជាទីគោរពសក្ការៈដ៏ខ្ពង់ខ្ពស់បំផុត ដើម្បីសម្រេចបានសមិទ្ធផលថ្មីៗទៀតក្នុងការកសាង និងការពារមាតុភូមិជាទីសេ្នហានៃយើង ឆ្ពោះទៅរកអនាគតដ៏រុងរឿងដែលពុំមានការកើតឡើងជាថ្មីទៀត នូវអំពើប្រល័យពូជសាសន៍ សង្រ្គាម និងការបែកបាក់ផ្ទៃក្នុងជាតិដូចពេលមុនៗនោះ៕អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

លោក Trump ចុះហត្ថលេខាលើក្រឹត្យបង្កើតក្រុមការងារកីឡាអូឡាំពិក មុនការប្រកួតឆ្នាំ២០២៨

កូរ៉េខាងត្បូង និងអាមេរិក ត្រៀមធ្វើជំនួបកំពូលមេដឹកនាំ ខណៈខ្លឹមសារកិច្ចព្រមព្រៀងពាណិជ្ជកម្ម មិនទាន់រួចរាល់

ទីក្រុងហុងកុង ចេញការព្រមានខ្ពស់បំផុតពីអាកាសធាតុអាក្រក់ ខណៈភ្លៀងធ្លាក់ខ្លាំងបង្កការរំខានស្ទើរគ្រប់កន្លែង

រដ្ឋាភិបាលកម្ពុជានឹងឧបត្ថម្ភសាច់ប្រាក់ជូនពលរដ្ឋវិលត្រឡប់ពីប្រទេសថៃ ដែលមានបណ្ណសមធម៌ និងបណ្ណគ្រួសារងាយរងហានិភ័យ បានចុះឈ្មោះចូលសិក្សាក្នុងកម្មវិធីបណ្តុះបណ្តាលជំនាញវិជ្ជាជីវៈ

ក្រុមអ្នកតវ៉ានៅលីបង់ ទាមទារយុត្តិធម៌ក្នុងខួបប្រាំឆ្នាំនៃការផ្ទុះនៅទីក្រុងបេរូត

សន្ទស្សន៍ការទិញ PMI របស់S&P Global៖ កំណើនសកម្មភាពសេវាកម្មរបស់ចិនឡើងដល់កម្រិតខ្ពស់ក្នុងពេល១៤ ខែនៅខែកក្កដា

រុស្ស៊ីជំរុញឲ្យមានការប្រុងប្រយ័ត្នក្នុងវោហារសាស្ត្រនុយក្លេអ៊ែរ បន្ទាប់ពីការអត្ថាធិប្បាយរបស់លោក Trump

ប្រជាពលរដ្ឋ និងពលករខ្មែរមកពីប្រទេសថៃ ៥ ២៩៣នាក់ បានដឹងពីឱកាសការងារដ៏សម្បូរបែបនៅកម្ពុជា ខណៈ ១ ០០៦នាក់ ទទួលបានការងារធ្វើភ្លាមៗ

លោក Medvedev របស់រុស្ស៊ី ព្រមានពីជំហានបន្ថែមទៀត បន្ទាប់ពីក្រុងមូស្គូ បោះបង់កិច្ចព្រមព្រៀងផ្អាកប្រើមីស៊ីល

ឱសានវាទរបស់លោក Trump សម្រាប់រុស្ស៊ីជិតមកដល់ ប៉ុន្តែលោកPutinពុំបង្ហាញសញ្ញានៃការធ្វើសម្បទានទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រមុខការទូតកម្ពុជាបញ្ជាក់ថា ដំណើរទស្សនកិច្ចសម្ដេចតេជោ ហ៊ុន សែន មិនមែនជាការទទួលស្គាល់របបសឹកនោះឡើយ

ប្រមុខការទូតកម្ពុជាបញ្ជាក់ថា យោធាមីយ៉ាន់ម៉ាប្រកាសបន្តបទឈប់បាញ់គ្នារហូតដាច់ឆ្នាំនេះ

ឯកឧត្តម វង សូត៖ ប្រទេសជាតិមានសន្តិភាពមកដល់សព្វថ្ងៃនេះ គឺកើតឡើងដោយសារគណបក្សប្រជាជន

ឯកឧត្តម មៀច សុផាន់ណា អញ្ជើញបូកសរុបលទ្ធផលការងារ CPP អាណត្តិទី៤ នៅឃុំមេសរប្រចាន់

គណបក្សប្រជាជនសំណេះសំណាលជាមួយសមាគមសម្ព័ន្ធសេដ្ឋកិច្ច និងរ៉ឺម៉កសន្តិភាពនៅសៀមរាប

ប្រធានស្តីទីគណបក្សហ៊្វុនស៊ិនប៉ិច ស្នើឲ្យមានការរូបរួមគ្នាដើម្បីលើកកម្ពស់គណបក្សឡើងវិញ

ឯកឧត្ដម លី ធុជ ចូលរួមប្រកាសបញ្ចូលសមាជិកគណបក្សថ្មីចំនួន ២៥៣នាក់ នៅសង្កាត់ច្រកម្ទេស ក្រុងបាវិត

សម្តេចតេជោ នាយករដ្ឋមន្ដ្រីកម្ពុជា អញ្ជើញទៅដល់សាធារណរដ្ឋសហភាពមីយ៉ាន់ម៉ា ប្រកបដោយសុវត្ថិភាព

សម្តេចតេជោ៖ កម្ពុជាក្លាយជាប្រទេសគ្មានសេដ្ឋកិច្ចបង្ហូរឈាមគ្នាមកជាប្រទេសប្រជាធិបតេយ្យនិងអភិវឌ្ឍន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រមុខ​ការទូត​កម្ពុជា​បញ្ជាក់​ថា យោធា​មីយ៉ាន់ម៉ា​ប្រកាស​បន្ត​បទ​ឈប់​បាញ់​គ្នា​រហូត​ដាច់​ឆ្នាំ​នេះ

ឯកឧត្តម វង សូត៖ ប្រទេសជាតិមានសន្តិភាពមកដល់សព្វថ្ងៃនេះ គឺកើតឡើង​ដោយ​សារ​គណបក្សប្រជាជន

ឯកឧត្តម មៀច សុផាន់ណា អញ្ជើញបូកសរុបលទ្ធផលការងារ CPP អាណត្តិទី៤ នៅឃុំមេសរប្រចាន់

គណបក្សប្រជាជន​សំណេះសំណាល​ជាមួយ​សមាគមសម្ព័ន្ធសេដ្ឋកិច្ច និង​រ៉ឺម៉ក​សន្តិភាព​នៅសៀមរាប

ប្រធានស្តីទីគណបក្ស​ហ៊្វុនស៊ិនប៉ិច ​ស្នើឲ្យមានការរូបរួមគ្នា​ដើម្បីលើក​កម្ពស់​គណបក្សឡើងវិញ

ឯកឧត្ដម លី ធុជ ចូលរួម​ប្រកាស​បញ្ចូល​សមាជិក​គណបក្សថ្មីចំនួន ២៥៣នាក់ នៅ​សង្កាត់ច្រកម្ទេស ក្រុងបាវិត

សម្តេចតេជោ នាយករដ្ឋមន្ដ្រីកម្ពុជា អញ្ជើញទៅដល់សាធារណរដ្ឋសហភាពមីយ៉ាន់ម៉ា ប្រកបដោយសុវត្ថិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រមុខការទូតកម្ពុជាបញ្ជាក់ថា យោធាមីយ៉ាន់ម៉ាប្រកាសបន្តបទឈប់បាញ់គ្នារហូតដាច់ឆ្នាំនេះ

ឯកឧត្តម វង សូត៖ ប្រទេសជាតិមានសន្តិភាពមកដល់សព្វថ្ងៃនេះ គឺកើតឡើងដោយសារគណបក្សប្រជាជន

គណបក្សប្រជាជនសំណេះសំណាលជាមួយសមាគមសម្ព័ន្ធសេដ្ឋកិច្ច និងរ៉ឺម៉កសន្តិភាពនៅសៀមរាប

ប្រធានស្តីទីគណបក្សហ៊្វុនស៊ិនប៉ិច ស្នើឲ្យមានការរូបរួមគ្នាដើម្បីលើកកម្ពស់គណបក្សឡើងវិញ

ឯកឧត្ដម លី ធុជ ចូលរួមប្រកាសបញ្ចូលសមាជិកគណបក្សថ្មីចំនួន ២៥៣នាក់ នៅសង្កាត់ច្រកម្ទេស ក្រុងបាវិត