BTV NEWS

មន្រ្តីនាំពាក្យ៖ ក្រសួងកំពុងធ្វើការយ៉ាងសកម្មជាមួយមួយភាគីថៃ ដើម្បីដោះស្រាយបញ្ហារឹតបន្តឹងការនាំចេញផ្លែល្ពៅក្រៅផ្លូវការទៅកាន់ប្រទេសថៃ

យុទ្ធនាការ “ចែករំលែកកូកា-កូឡា” ត្រឡប់មកវិញហើយ កាន់តែពិសេសនិងទាន់សម័យ

រយៈពេល៤ខែឆ្នាំនេះ កម្ពុជាអនុម័តគម្រោងវិនិយោគថ្មីចំនួន ២៣១ គម្រោងមានទុនវិនិយោគ ៣,៤ ពាន់លានដុល្លារ

មន្រ្តីជាន់ខ្ពស់ CDC លើកទឹកចិត្តដល់ក្រុមហ៊ុនម៉ាឡេស៊ី វិនិយោគលើវិស័យដែលឆ្លើយតបទីផ្សារបច្ចុប្បន្ន

សេដ្ឋកិច្ច និង កសិកម្ម

ក្រុងអរិយក្សត្រ អាចនឹងក្លាយជាទីក្រុងរណបថ្មីមួយរបស់កម្ពុជា បន្ទាប់ពីសាងសង់ស្ពានរួច

កណ្ដាល៖ ក្រុងអរិយក្សត្រ អាចនឹងក្លាយជាទីក្រុងរណបថ្មីមួយរបស់កម្ពុជា ហើយជីវភាពរស់នៅរបស់ប្រជាពលរដ្ឋនៅទីនោះ នឹងកាន់តែរីកចម្រើនខ្លាំង មិនចាញ់អ្នករស់នៅរាជធានីភ្នំពេញនោះឡើយ ខណៈគម្រោងហេដ្ឋារចនាសម្ព័ន្ធសារៈសំខាន់ៗ ជាពិសេសបន្ទាប់ពីស្ពានមិត្តភាពកម្ពុជា-សាធារណរដ្ឋកូរ៉េ សាងសង់រួច។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្តី, រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល ថ្លែងលើកឡើងក្នុងពិធីសម្ពោធដាក់ឱ្យប្រើប្រាស់ជាផ្លូវការ នូវសមិទ្ធផលនានា ក្នុងវត្តស្វាយជ្រំ និងក្នុងសង្កាត់ស្វាយជំ, ក្រុងអរិយក្សត្រ ខេត្តកណ្តាល នៅថ្ងៃទី២០ខែមិថុនាឆ្នាំ២០២៣នេះថា នាអនាគតដ៏ខ្លី, យើងនឹងមានស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ; ជ្រោយចង្វារ-អរិយក្សត្រ), ជាជំនួយសម្បទានពីសាធារណរដ្ឋកូរ៉េ, ដោយគម្រោងនេះ បានចុះហត្ថលេខាលើកិច្ចព្រមព្រៀងជាមួយភាគីកូរ៉េ កាលពីថ្ងៃទី ៩ ខែធ្នូ ឆ្នាំ ២០២២ កន្លងមក។ គម្រោងហេដ្ឋារចនាសម្ព័ន្ធដ៏មានសារៈសំខាន់នេះ នឹងមិនត្រឹមតែជួយលើកសម្រស់ និងទាក់ទាញទេសចរនៅក្នុងរាជធានីភ្នំពេញ និងក្រុងអរិយក្សត្ររបស់យើងប៉ុណ្ណោះទេ, ប៉ុន្តែថែមទាំងនឹងក្លាយជានិមិត្តរូបដ៏លេចធ្លោមួយរបស់ព្រះរាជាណាចក្រកម្ពុជា ក្នុងសម័យតេជោសន្តិភាពផងដែរ ។ ជុំវិញការអភិវឌ្ឍនេះ, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ស្នើឱ្យរដ្ឋបាលខេត្ត, រដ្ឋបាលក្រុង/ស្រុកទាំងអស់ បន្តខិតខំបង្កបរិយាកាសកាន់តែប្រសើរ ដល់ការប្រកបអាជីវកម្មគ្រប់ប្រភេទ ក៏ដូចជាបន្តខិតខំកៀរគរ និងលើកទឹកចិត្តដល់ការវិនិយោគ និងការអភិវឌ្ឍសហគ្រាសធុនតូច និងមធ្យមនៅក្នុងខេត្ត និងក្នុងក្រុងអរិយក្សត្រផ្ទាល់ ដើម្បីបង្កើតឱកាសការងារជូនដល់យុវជន និងលើកកម្ពស់ជីវភាពរស់នៅរបស់ប្រជាពលរដ្ឋនៅក្នុងមូលដ្ឋាន ឱ្យបានកាន់តែប្រសើរឡើងបន្ថែមទៀត។ឯកឧត្តមអគ្គបណ្ឌិតសភាចារ្យ បានបញ្ជាក់ច្បាស់ៗថា រាជរដ្ឋាភិបាលនៅតែចាត់ទុកការអភិវឌ្ឍវិស័យហេដ្ឋារចនាសម្ព័ន្ធរូបវន្ត ជាអាទិភាពខ្ពស់ ដែលប្រៀបបានទៅនឹងក្បាលរទេះភ្លើងអូសកំណើនសេដ្ឋកិច្ច ហើយក៏ជាមធ្យោបាយដ៏មានប្រសិទ្ធភាពខ្ពស់ សម្រាប់កាត់បន្ថយភាពក្រីក្រជូនប្រជាជន ពីព្រោះហេដ្ឋារចនាសម្ព័ន្ធ ផ្លូវ-ស្ពាន គឺជាសរសៃឈាមមេ នៃសរីរាង្គសេដ្ឋកិច្ចរបស់ប្រទេស និងជាមធ្យោបាយបែងចែកកំណើនសេដ្ឋកិច្ចដោយសមធម៌ ជូនដល់ប្រជាពលរដ្ឋគ្រប់រូប ស្របតាមទិសស្លោករបស់សម្តេចតេជោនាយ ករដ្ឋមន្ត្រី ដែលសម្តេចតែងតែលើកឡើងជារើយៗថា «មានផ្លូវ និងស្ពាន, គឺមានក្តីសង្ឃឹម និងមានការអភិវឌ្ឍលើគ្រប់វិស័យ» ៕អត្ថបទ៖ សុន រ៉ាឌី

នាយកប្រតិបត្តិក្រុមហ៊ុនតេស្លាលោក Musk ជួបជាមួយនាយករដ្ឋមន្ត្រីឥណ្ឌាលោក Modi នៅទីក្រុងញូវយ៉ក

អាមេរិក៖ នាយកប្រតិបត្តិរបស់ក្រុមហ៊ុនផលិតរថយន្ត តេស្លា លោក Elon Musk បាននិយាយថា នាយករដ្ឋមន្ត្រីឥណ្ឌាលោក Narendra Modi កំពុងជំរុញក្រុមហ៊ុនផលិតរថយន្តឱ្យធ្វើ "ការវិនិយោគដ៏ធំ" នៅក្នុងប្រទេសឥណ្ឌា នេះជាការអត្ថាធិប្បាយមួយដែលបានធ្វើឡើងបន្ទាប់ពីភាគីទាំងពីរបានជួបគ្នាកាលពីថ្ងៃអង្គារ (២០ មិថុនា) នៅទីក្រុងញូវយ៉ក សហរដ្ឋអាមេរិក។មេដឹកនាំឥណ្ឌាកំពុងបំពេញទស្សនកិច្ចផ្លូវរដ្ឋនៅសហរដ្ឋអាមេរិកដើម្បីជំរុញទំនាក់ទំនងរវាងប្រទេសទាំងពីរ។ការិយាល័យនាយករដ្ឋមន្ត្រីឥណ្ឌាបាននិយាយនៅក្នុងបណ្ដាញសង្គម Tweeter ថា "ការពិភាក្សាបានផ្តោតសំខាន់ជុំវិញប្រធានបទការអនុវត្តកំណែទម្រង់សេដ្ឋកិច្ចក្នុងគោលបំណងធ្វើឱ្យប្រសើរឡើងនូវបរិយាកាសធុរកិច្ច និងលើកកម្ពស់ការរំពឹងទុកនៃការវិនិយោគនៅក្នុងប្រទេសឥណ្ឌា" ។ក្រុមនាយកប្រតិបត្តិរបស់ក្រុមហ៊ុនតេស្លា បានទៅទស្សនកិច្ចនៅប្រទេសឥណ្ឌា ហើយបានពិភាក្សាជាមួយក្រុមការងារផ្នែកការិយាល័យធិបតេយ្យ និងរដ្ឋមន្ត្រីឥណ្ឌាកាលពីខែមុនស្តីពីការបង្កើតមូលដ្ឋានផលិតកម្មសម្រាប់រថយន្ត និងកន្លែងសាកថ្មរថយន្តអគ្គិសនីនៅក្នុងប្រទេសឥណ្ឌា៕

ក្រសួងសេដ្ឋកិច្ច គ្រោងដាក់ឱ្យដំណើរការប្រព័ន្ធចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ គ្រោងដាក់ឱ្យដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣ នៅថ្ងៃទី២២ ខែមិថុនា ដោយគ្របដណ្តប់ដល់ការផ្តល់អាជ្ញាបណ្ណ វិញ្ញាបនបត្រ លិខិតអនុញ្ញាតជំនាញ និងឯកសារពាក់ព័ន្ធផ្សេងទៀត ពីក្រសួងស្ថាប័នចំនួន១២។ការដាក់ដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣ គឺបន្ទាប់ពីប្រព័ន្ធនេះ បានដាក់ឱ្យដំណើរការប្រកបដោយជោគជ័យ ចំនួនពីរដំណាក់កាលរួចមកហើយ ចាប់តាំងពីខែមិថុនាឆ្នាំ២០២០។ក្នុងសេចក្តីប្រកាសព័ត៌មាន ក្រសួងសេដ្ឋកិច្ច និងហិរញ្ញវត្ថុ បានលើកឡើងថា ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន ត្រូវបានអភិវឌ្ឍន៍ឡើងក្នុងគោលបំណងលើស្ទួយបរិយាកាសធុរកិច្ច និងទាក់ទាញធុរជនបរទេសមកវិនិយោគនៅកម្ពុជា។ដំណាក់កាលទី១ គឺជាការចុះបញ្ជីអាជីវកម្មជាខ្សែច្រវ៉ាក់ ដោយបូកបញ្ចូលការចុះបញ្ជីពាណិជ្ជកម្មនៅក្រសួងពាណិជ្ជកម្ម ការចុះបញ្ជីពន្ធដារនៅអគ្គនាយកដ្ឋានពន្ធដារ និងការផ្តល់សេចក្តីជូនដំណឹងបើកសហគ្រាសនៅក្រសួងការងារ និងបណ្តុះបណ្តាលវិជ្ជាជីវៈ។ រីឯដំណាក់កាលទីពីរ ត្រូវបានដាក់ឱ្យប្រើប្រាស់ជាផ្លូវការនៅថ្ងៃទី១ ខែកញ្ញា ឆ្នាំ២០២១ ដោយផ្តោតលើការផ្តល់អាជ្ញាបណ្ណ វិញ្ញាបនបត្រ លិខិតអនុញ្ញាតជំនាញ ពីក្រសួង ស្ថាប័នចំនួន៤ ដូចជា ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ក្រសួងទេសចរណ៍ និងក្រសួងប្រៃសណីយ៍ និងទូរគមនាគមន៍ និងនិយតករអាជីវកម្មអចលនទ្រព្យ និងបញ្ចាំ នៃអាជ្ញាធរសេវាហិរញ្ញវត្ថុមិនមែនធនាគារ។ សូមបញ្ជាក់ថា ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ដំណាក់កាលទី១ បានចុះបញ្ជីស្ថាពរ ដល់ក្រុមហ៊ុន ចំនួនជាង ២.៦ម៉ឺនក្រុមហ៊ុន ដែលមានទុនវិនិយោគសរុបជាង ៧.៧ពាន់លានដុល្លារ គិតត្រឹមថ្ងៃទី១៤ ខែមិថុនា ឆ្នាំ២០២៣។ដោយឡែក ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ដំណាក់កាលទី២ ទទួលបានពាក្យស្នើសុំអនុម័ត ចំនួនជាង ៦០០ក្រុមហ៊ុន គិតត្រឹមថ្ងៃទី១៤ ខែមិថុនាឆ្នាំ២០២៣៕ អត្ថបទ វណ្ណៈ

ក្រុមហ៊ុនផលិតចំណីអាហារអូស្ត្រាលី ចង់នាំចេញផ្លែឈើពីប្រទេសកម្ពុជា

ភ្នំពេញ៖ ក្រុមហ៊ុន SPC Global ដែលជាអាជីវកម្មកសិឧស្សាហកម្មដ៏ល្បីល្បាញរបស់អូស្ត្រាលី បានធ្វើទស្សនកិច្ចស្វែងយល់ពីសក្តានុពលសក្តានុពលកសិផល ជាពិសេសផ្លែឈើ ដោយបានបង្ហាញផែនការចង់នាំចេញផ្លែឈើពីប្រទេសកម្ពុជា ទៅកាន់ប្រទេសអូស្រ្តាលី។ក្រោមការសម្របសម្រួលរបស់ស្ថានទូតអូស្រ្តាលីប្រចាំនៅកម្ពុជា ក្រុមហ៊ុន បានមកធ្វើទស្សនកិច្ចនៅខេត្តកំពង់ស្ពឺ និងរាជធានីភ្នំពេញ ចាប់ពីថ្ងៃទី ១៤-១៦ ខែមិថុនា ដើម្បីស្វែងយល់ពីការវិនិយោគ និងសក្តានុពលពាណិជ្ជកម្មនៅកម្ពុជា។ក្នុងដំណើរទស្សនកិច្ចរយៈពេលពីរថ្ងៃកន្លះនេះ ក្រុមហ៊ុន SPC Global បានធ្វើដំណើរទៅទស្សនកិច្ចនៅ រោងចក្រផលិតកម្មចំណីអាហារគីរីរម្យ នៅក្នុងខេត្តកំពង់ស្ពឺ និងក្រុមហ៊ុនលីលី នៅក្នុងរាជធានីភ្នំពេញ។ តំណាងក្រុមហ៊ុន SPC Global ទាំងពីរអ្នកនេះ ក៏បានជួបជាមួយម្ចាស់អាជីវកម្មកសិឧស្សាហកម្មធំៗ ចំនួនបួនផងដែរ ដែលមាន ក្រុមហ៊ុន Navita Food Production ក្រុមហ៊ុន Misota Food Cambodia ក្រុមហ៊ុន SHE Agrocam និង ក្រុមហ៊ុន Royal Trust។ លោក Rifai បានមានប្រសាសន៍ថា កម្ពុជាជាប្រទេសដ៏ល្អមួយសម្រាប់ ក្នុងការស្វែងរកឱកាសថ្មីៗផ្នែកកសិកម្ម ជាពិសេសបន្លែ និងផ្លែឈើ ដែលមិនមានការដាំដុះ ឬបច្ចុប្បន្ននេះមិនមានវត្តមាននៅក្នុងប្រទេសអូស្ត្រាលី។ លោកបន្តថា៖ "វិស័យកសិ-ចំណីអាហារ គឺជាវិស័យផ្តោតសំខាន់មួយរបស់កម្ពុជា ហើយអូស្ត្រាលីក៏កំពុងគាំទ្រការអភិវឌ្ឍរបស់កម្ពុជាលើវិស័យនេះដែរ។ យើងសូមអរគុណចំពោះ កម្មវិធី CAPRED ដែលបានណែនាំឱកាសនេះមកកាន់ក្រុមហ៊ុនរបស់យើង ហើយយើងកំពុងបន្តការពិភាក្សាជាមួយនឹងក្រុមហ៊ុនមួយចំនួនដែលយើងបានជួប”។ ក្រុមហ៊ុន SPC Global ដែលមានមូលដ្ឋាននៅទីក្រុងវីកតូរៀ ប្រទេសអូស្ត្រាលី មានបទពិសោធន៍ជាងមួយសតវត្សហើយ ក្នុងការកែច្នៃ និងវេចខ្ចប់ផលិតផលផ្លែឈើ និងបន្លែ។ ក្រុមហ៊ុននេះ ទិញផលិតផលមួយចំនួនពីបណ្តាប្រទេសនៅក្នុងតំបន់អាស៊ី ហើយក៏ចាប់អារម្មណ៍ចង់ពង្រីកការ វិនិយោគរបស់ខ្លួនដោយការនាំចេញពីកម្ពុជា នូវផលិតផលដូចជា ស្វាយ សាវម៉ាវ មៀន និងស្រកានាគ។ ក្នុងអំឡុងពេលទស្សនកិច្ចនៅកម្ពុជា តំណាងក្រុមហ៊ុន SPC Global ក៏មានឱកាសជួបជាមួយមន្ត្រីសំខាន់ៗ មកពី ក្រសួងកសិកម្ម រុក្ខាប្រមាញ់ និង នេសាទ ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម សភាពាណិជ្ជកម្មកម្ពុជា និងទីភ្នាក់ងារវិនិយោគនៃក្រុមប្រឹក្សាអភិវឌ្ឍន៍កម្ពុជា ផងដែរ។ ប្រទេសកម្ពុជាមានសមត្ថភាពខ្ពស់លើកសិផលដែលមានតម្លៃខ្ពស់ រួមមាន ស្វាយ ចេក ស្វាយចន្ទី ដំឡូងជ្វា ល្ង ម្ទេស និងម្រេចកំពត ដ៏ល្បីល្បាញលើពិភពលោក៕ អត្ថបទ៖ វណ្ណៈ

ធនាគារជាតិនៃកម្ពុជា ជំរុញការចាយប្រាក់រៀល តាមរយៈប្រព័ន្ធបាគងជាមួយវៀតណាម និងឡាវ

ភ្នំពេញ៖ ធនាគារជាតិនៃកម្ពុជា នឹងដាក់ដំណើរការនូវការទូទាត់ឆ្លងដែនជាមួយប្រទេសវៀតណាម និងប្រទេសឡាវ តាមរយៈប្រព័ន្ធបាគង ដើម្បីជំរុញការប្រើប្រាស់ប្រាក់រៀល ឱ្យកាន់តែមានទំហំច្រើននៅក្នុងចរន្តសេដ្ឋកិច្ច។លោកជំទាវ ជា សិរី ទេសាភិបាលរងធនាគារនៃកម្ពុជា មានប្រសាសន៍ថា ការគ្រោងពង្រីកប្រព័ន្ធទូទាត់ឆ្លងដែនជាមួយប្រទេសឡាវ និងវៀតណាម គឺបន្ទាប់ពីកម្ពុជាទទួលបានជោគជ័យនូវការទូទាត់ឆ្លងដែនជាមួយប្រទេសថៃ។បច្ចុប្បន្ន ប្រព័ន្ធបាគង (Bakong)របស់ធនាគារជាតិនៃកម្ពុជា បានអនុញ្ញាតឱ្យពលរដ្ឋផ្ទេរប្រាក់ទៅកាន់ធនាគារបានទាំងអស់នៅកម្ពុជាដោយងាយស្រួល និងរហ័ស។ ជាពិសេសពលរដ្ឋដែលប្រើប្រព័ន្ធនេះ គឺអាចចាយវាយប្រាក់រៀលនៅក្នុងប្រទេសថៃ បានថែមទៀត តាមរយៈការស្កេន QR Code ។កម្ពុជា និងថៃ ដាក់ឲ្យប្រើប្រាស់នូវប្រព័ន្ធប្រតិបត្តិការទូទាត់ឆ្លងដែន តាមរយៈការស្កេន QR Code បានជាងរយៈពេល៣ឆ្នាំហើយ ពោលចាប់ពីខែកុម្ភៈ ឆ្នាំ២០២០ មក។ គិតត្រឹមដើមខែមិថុនា ឆ្នាំ២០២៣ ការទូទាត់ឆ្លងដែនរវាងកម្ពុជា-ថៃ គឺសម្រេចបានទឹកប្រាក់ជាង ៣០០០លានរៀល៕ អត្ថបទ៖ វណ្ណៈ

រាជរដ្ឋាភិបាល បោះផ្សាយលក់មូលបត្រជាង ២៤លានដុល្លារ ក្នុងត្រីមាសទី១ ឆ្នាំ២០២៣

ភ្នំពេញ៖ រាជរដ្ឋាភិបាលបានបោះផ្សាយលក់មូលបត្រ សរុបចំនួន ១០០ លានដុល្លារ រៀល ត្រូវនឹងប្រមាណជាង ២៤ លានដុយល្លារ ក្នុងត្រីមាសទី១ឆ្នាំ២០២៣នេះ។របាយការណ៍របស់ក្រសួងសេដ្ឋកិច្ច និងហិរញ្ញវត្ថុ បានបង្ហាញថា នៅក្នុងត្រីមាសទី១ រាជរដ្ឋាភិបាល បានបោះផ្សាយលក់មូលបត្ររដ្ឋ សរុបចំនួន ២៤,៦៧ លានដុល្លារ ត្រូវនឹងប្រមាណ ១២,៣ ភាគរយ នៃទំហំសរុបដែលច្បាប់អនុញ្ញាត ដែលមាន ៨១៣ ប៊ីលានដុល្លារ ដើម្បីធ្វើហិរញ្ញប្បទានគាំទ្រគម្រោងវិនិយោគសាធារណៈ សំដៅលើកស្ទួយកំណើន និងផលិតភាពសេដ្ឋកិច្ច។រដ្ឋាភិបាល បានសម្រេចបោះលក់បណ្ណបំណុលរដ្ឋ ចាប់តាំងពីអំឡុងខែកញ្ញា ឆ្នាំ២០២២មក តាមរយៈធនគារជាតិនៃកម្ពុជា។ ទន្ទឹមនឹងនេះ រាជរដ្ឋាភិបាលក៏នឹងបន្ថែមទីផ្សារដាក់លក់មូលបត្រតាមយន្តការថ្មីមួយទៀត របស់ ក្រុមហ៊ុនផ្សារមូលបត្រកម្ពុជា ក្នុងឆ្នាំ២០២៣នេះ។រដ្ឋាភិបាល គ្រោងបោះលក់បណ្ណបំណុលក្នុងទំហំទឹកប្រាក់ ៨១៣ ០០០លានរៀល (ប្រមាណ២០០លានដុល្លារ) សម្រាប់ឆ្នាំ២០២៣។ ការបោះលក់បណ្ណបំណុលនេះ គឺដើម្បីកៀរទុនពីវិនិយោគិនក្នុងស្រុកមកបំពេញចំណាយប្រចាំឆ្នាំដែលមានដល់៣៩,២ទ្រីលានរៀល(ប្រមាណ៩,៦ពាន់លានដុល្លារ)។ នេះបើតាមយោង ច្បាប់ស្តីពីហិរញ្ញវត្ថុសម្រាប់ការគ្រប់គ្រង ឆ្នាំ២០២៣។ការសម្រេចបោះលក់មូលបត្ររដ្ឋនេះ មិនត្រឹមដើម្បីបំពេញការចំណាយប្រចាំឆ្នាំរបស់រដ្ឋាភិបាលប៉ុណ្ណោះទេ តែវាគឺជាចូលរួមក្នុងការលើកស្ទួយវិស័យមូលបត្រកម្ពុជា ហើយនេះ ជាឆ្នាំទីពីរនៃការបោះផ្សាយមូលបត្ររដ្ឋ។ឆ្នាំ២០២២ រដ្ឋាភិបាលសម្រេចបោះលក់បណ្ណបំណុលជាលើកដំបូងក្នុងទំហំ៣០០លានដុល្លារ។សម្រាប់ឆ្នាំ២០២២ រដ្ឋគ្រោងបណ្ណបំណុលក្នុងទំហំ៣០០លានដុល្លារ ជាមួយនឹងគូប៉ុង (អត្រាការប្រាក់) ខ្ពស់បំផុត២.២ភាគរយ ។ប៉ុន្តែដំណើរការនៃការបោះផ្សាយនេះហាក់មិនសូវរលូនឡើយ ព្រោះតែរងឥទ្ធិពលពីសង្គ្រាមនៅអ៊ុយក្រែន ជាពិសេសការដំឡើងអត្រាការប្រាក់គោលរបស់ធនាគារដោយផ្តើមចេញពីសហរដ្ឋអាម៉េរិក និងអឺរ៉ុប ដែលជះឥទ្ធិពលខ្លាំងលើវិស័យមូលបត្ររដ្ឋនៅកម្ពុជា ក៏ដូចនៅប្រទេសផ្សេងៗក្នុងពិភពលោក៕ អត្ថបទ៖ វណ្ណៈ

ប្រជាសហគមន៍ទេសចរណ៍អរគុណរាជរដ្ឋាភិបាល ដែលជួយស្ថាបនាផ្លូវ ជំរុញកំណើនសេដ្ឋកិច្ចសហគមន៍

ភ្នំពេញ៖ បណ្តាប្រជាសហគមទេសចរណ៍ មកតាមបណ្តាខេត្តនានា បាននាំគ្នាថ្លែងអំណរគុណរាជរដ្ឋាភិបាល ដែលបានស្ថាបនាផ្លូវថ្នល់ស្អាតខ្វាត់ខ្វែង និងចូលទៅដល់សហគមន៍ទេសចរណ៍ និងអេកូទេសចរណ៍ ទាក់ទាញភ្ញៀវទេសចរជាតិអន្តរជាតិអញ្ជើញទស្សនាកម្សាន្ត និងការជំរុញកំណើនសេដ្ឋកិច្ចប្រជាពលរដ្ឋក្នុងសហគមន៍។នៅក្រោយពិធីបិទសន្និបាតសហគមន៍ទេសចរណ៍របស់សមាគមន៍បណ្តាញប្រជាជនកម្ពុជា ថ្ងៃទី១៩ ខែមិថុនានេះ បណ្តាប្រជាសហគមន៍ទេសចរណ៍មកពីខេត្តតាកែវ កំពត កោះកុង និងខេត្តបាត់ដំបង ជាដើម បានថ្លែងដូចគ្នាថា បច្ចុប្បន្ន រាជរដ្ឋាភិបាលបានខិតខំស្ថាបនាផ្លូវស្អាតខ្វាត់ខ្វែង ពីរាជធានីភ្នំពេញឆ្ពោះទៅកាន់បណ្តាសហគមន៍ទេសចរណ៍នានាទូទាំងប្រទេស បានធ្វើឲ្យសហគមន៍ទាំងអស់នោះទទួលបានភ្ញៀវទេសចរជាតិអន្តរជាតិទៅទស្សនាជាហូរហែ ជំរុញកំណើនសេដ្ឋកិច្ចសហគមន៍ ហើយធានាការអភិរក្សធនធានធម្មជាតិ ការពារសត្វព្រៃ ព្រៃឈើទុកជូនភ្ញៀវទៅទស្សនា។ឯកឧត្តម នី ផល្លី រដ្ឋលេខាធិការក្រសួងទេសចរណ៍ និងជាប្រធានក្រុមប្រឹក្សាភិបាលសមាគមន៍បណ្តាញប្រជាជនកម្ពុជា ថ្លែងថា បច្ចុប្បន្ន បណ្តាសហគមន៍ទេសចរណ៍ និងអេកូទេសចរណ៍មួយចំនួនធំ គឺមានផ្លូវថ្នល់ស្អាត ហើយអាចនាំទេសចរជាតិអន្តរជាតិអញ្ជើញទស្សនាងាយស្រួល ហើយបច្ចុប្បន្នសមាគមបណ្តាញប្រជាជនកម្ពុជា កំពុងជំរុញឲ្យសហគមន៍នាំគ្នារៀបចំសេវាទេសចរណ៍ល្អ ដើម្បីទាក់ទាញអញ្ជើញទស្សនាកាន់តែច្រើន។ឯកឧត្តម បញ្ជាក់ថា នៅពេលបច្ចុប្បន្ននេះ ទូទាំងប្រទេសមានរាជរដ្ឋាភិបាលបានផ្តល់ច្បាប់អនុញ្ញាតត្រឹមត្រូវបង្កើតសហគមមានប្រមាណជាង ២៣០០សហគមន៍ ក្នុងនោះ មានសហគមន៍ប្រមាណតែ ជាង ១២៥ប៉ុណ្ណោះ ដែលមានសកម្មភាពទេសចរណ៍ និងមានការផ្តល់សេវាល្អជូនភ្ញៀវទេសចរទៅទស្សនាកំសាន្ត៕អត្ថបទ៖ ស៊ុម សុខជា

ស្ករត្នោតកំពង់ស្ពឺប្រមូលបានទិន្នផលសរុបបានជាង ១២០ តោន ក្នុងឆ្នាំនេះ

កំពង់ស្ពឺ៖ ស្ករត្នោតកំពង់ស្ពឺ ក្នុងឆ្នាំ២០២៣នេះ ប្រមូលបានទិន្នផលសរុបបានជាង ១២០តោន ជាមួយនឹងតម្លៃល្អប្រសើរជាងឆ្នាំមុន ធ្វើឲ្យផលិតស្ករត្នោតសប្បាយចិត្ត ។លោក សំ សារឿន ប្រធានសមាគមលើកកម្ពស់ស្ករត្នោតកំពង់ស្ពឺ បានថ្លែងលើកឡើងថា ជុំវិញការផលិតស្ករត្នោត ក្នុងឆ្នាំ ២០២៣ នេះ មានការធ្លាក់ចុះ បន្តិចបន្តួច គឺបណ្តាលមកពីកត្តាមួយចំនួនដូចជា ការប្រែប្រួលអាកាសធាតុ ដែលនៅក្នុងរដូវប្រាំងឆ្នាំនេះមានសភាពក្តៅខ្លាំង និងម្យ៉ាង ទៀតប្រជាកសិករខ្វះកំលាំងឡើងត្នោត និងមានបញ្ហាផ្សេងៗមួយចំនួនទៀតផងដែរ ដែលធ្វើឲ្យការប្រមូលផលឆ្នាំ ២០២៣នេះ បើធៀប ទៅនិងឆ្នាំ ២០២២ បានធ្លាក់ចុះក្នុងរង្វង់ប្រមាណជាប់ ៣០ តោន បើតាមទិន្នន័យបូកសរុបចុងក្រោយ។លោក សំ សារឿន បន្តថា ទោះបីឆ្នាំនេះកសិករប្រមូលបានទិន្នផលទាបជាងឆ្នាំកន្លងមក ប៉ុន្តែថ្លៃនៃការលក់ចេញវិញ មានតម្លៃល្អប្រសើរជាងឆ្នាំមុន ដោយក្នុងមួយគីឡូក្រាម លក់បានក្នុងរង្វង់ជាង ៧ ពាន់រៀល ខណៈឆ្នាំកន្លងមក មានតម្លៃក្រោម ៧ ពាន់រៀល ក្នុងមួយគីឡូ, តែមិនទាន់ដល់កម្រិតដែលប្រជាពលរដ្ឋចង់បាននៅឡើយ ព្រោះថ្លៃដើមនៃការផលិត សព្វថ្ងៃនេះមានតម្លៃខ្ពស់។ សម្រាប់ការនាំចេញស្ករត្នោតវិញឧកញ៉ាឱសថបណ្ឌិត ហៃ លីអ៊ាង នាយកក្រុមហ៊ុនខនហ្វីរេល ដែលនាំចេញផលិតស្ករត្នោតទៅក្រៅប្រទេស លើកឡើងថា ខនហ្វីរេលបានសហការជាមួយ សមាគមលើកកម្ពស់ស្ករត្នោតកំពង់ស្ពឺ ចាប់តាំងពីឆ្នាំ ២០០១ មកម្ល៉េះ ខណៈពេលនោះស្ករត្នោតមានតម្លៃត្រឹម ៥០០ រៀល ក្នុង មួយគីឡូក្រាម ប៉ុន្តែដោយសារការខិតខំប្រឹងប្រែងក្នុងស្វែងរកទីផ្សារនាំចេញ ស្ករត្នោតកំពង់ស្ពឺត្រូវបានបរទេសចាប់អារម្មណ៍ជាបន្តបន្ទាប់ មកដល់បច្ចុប្បន្នបានធ្វើឲ្យតម្លៃស្ករត្នោតហក់ឡើងជិត១ម៉ឺនរៀល ក្នុងមួយគីឡូក្រាម។បច្ចុប្បន្នសមាគមមានដៃគូរប្រមូលទិញស្ករត្នោតជាច្រើន និងមានក្រុមហ៊ុននាំចេញទៅកាន់ទីផ្សារក្រៅប្រទេសជាង ១០ ក្រុមហ៊ុន ក្នុងនោះភាគច្រើនការនាំចេញស្ករសាច់ និងស្ករម៉្សៅម៉ត់។ ជុំវិញការនាំចេញនេះដែរ ក្រុមហ៊ុនខនហ្វីរេល បានប្រមូលទិញច្រើនជាងគេនៅក្នុងមួយឆ្នាំៗ ដែលកត្តាទាំងនេះបានបង្ហាញនូវការចូលរួមគាំទ្រ ដល់សហគមន៍មូលដ្ឋាន ដើម្បីលើកកម្ពស់កសិករអ្នកផលិតស្ករត្នោតខេត្តកំពង់ស្ពឺ មានលទ្ធភាព និងជីវភាពកាន់តែប្រសើរ៕អត្ថបទ៖ សុន រ៉ាឌី

លោក Powell៖ ភាគហ៊ុនអាស៊ី ផ្អាកសន្ទុះកើនឡើងដោយកំពុងសំឡឹងមើលការជំរុញរបស់ចិន

ចិន៖ ភាគហ៊ុនអាស៊ី បានចាប់ផ្តើមយ៉ាងប្រុងប្រយ័ត្ននៅថ្ងៃចន្ទនេះ បន្ទាប់ពីដំណើរការប្រចាំសប្តាហ៍ដ៏ល្អបំផុតរបស់ខ្លួនក្នុងរយៈពេល ៥ ខែ មកនេះ ខណៈក្រុមវិនិយោគិន បានសំឡឹងឆ្ពោះទៅរកការសម្រេចចិត្តលើ អត្រាការប្រាក់របស់ប្រទេសចិន និងការផ្តល់ភស្តុតាងរបស់ប្រធានធនាគារកណ្តាលសហរដ្ឋអាមេរិក លោក Jerome Powell សម្រាប់តម្រុយនៅលើផ្លូវបន្តទៅខាងមុខ។ទាំងតារាងសន្ទស្សន៍ភាគភាគហ៊ុនរបស់ ក្រុមហ៊ុន S&P 500 ទាំងក្រុមហ៊ុន Nasdaq ភាគច្រើនបានធ្លាក់ចុះបន្ទាប់ពីការការកើនឡើងរបស់ Wall Street ដែលបានជួបឧបសគ្គខ្លះ កាលពីថ្ងៃសុក្រ។ សាច់ប្រាក់របស់រតនាគារសហរដ្ឋអាមេរិក មិនត្រូវបានជួញដូរដោយសារថ្ងៃឈប់សម្រាកទីវាបញ្ចប់របបទាសភាព១៩មិថុនា ខណៈភាគហ៊ុននានា មានស្ថិរភាពច្រើន។នៅតំបន់អាស៊ី ភាគហ៊ុនរបស់ក្រុមហ៊ុន Nikkei (.N225) របស់ប្រទេសជប៉ុន បានធ្លាក់ចុះ ០,៤% ដោយបានឡើងដល់កំពូលរយៈពេល ៣ ទសវត្សរ៍កាលពីថ្ងៃសុក្រ ដែលត្រូវបានជំរុញដោយធនាគារកណ្តាលជប៉ុន (BOJ) ដែលទុកឱ្យការកំណត់គោលនយោបាយបន្ធូរបន្ថយរូបិយវត្ថុ រក្សាទុកដដែលមិនប្រែប្រួល ដែលបានបណ្តាលឲ្យប្រាក់យ៉េនធ្លាក់ចុះ៧ខែ ទល់នឹងប្រាក់ដុល្លារអាមេរិក។ តារាងសន្ទស្សន៍នៃភាគហ៊ុនអាស៊ី-ប៉ាស៊ីហ្វិកដ៏ទូលំទូលាយបំផុតរបស់ ក្រុមហ៊ុន MSCI នៅខាងក្រៅប្រទេសជប៉ុន បានធ្លាក់ចុះ ០,៦% បន្ទាប់ពីឡើងដល់កម្រិតខ្ពស់រយៈពេល ៤ ខែកាលពីថ្ងៃសុក្រ និងបានបញ្ចប់ការកើនឡើង ៣% ប្រចាំសប្តាហ៍ ជាតម្លៃល្អបំផុតចាប់តាំងពីខែមករា។ ភាគហ៊ុនបន្ទះឈីបពណ៌ខៀវរបស់ចិន (.CSI300) បានធ្លាក់ចុះ ០,៥% ខណៈសន្ទស្សន៍ Hang Seng (.HSI) របស់ក្រុងហុងកុងបានធ្លាក់ចុះ ០,៦% ។នៅក្នុងប្រទេសចិន ក្តីសង្ឃឹមសម្រាប់ការជំរុញខ្លាំងបន្ថែមទៀតកំពុងកើនឡើងបន្ទាប់ពីគណៈរដ្ឋមន្ត្រីបានជួបប្រជុំគ្នាកាលពីថ្ងៃសុក្រដើម្បីពិភាក្សាអំពីវិធានការជំរុញកំណើនសេដ្ឋកិច្ច ប៉ុន្តែក្តីបារម្ភនានានៅតែមានថាតើ ពួកគេនឹងចាត់វិធានការគ្រប់គ្រាន់ដើម្បីស្តារសេដ្ឋកិច្ចដែលកំពុងធ្លាក់ចុះដែរឬទេ៕

អគ្គនាយកដ្ឋានពន្ធដារប្រមូលចំណូលបានជាង១ ៨២៦ លានដុល្លារ ក្នុងរយៈពេល៥ខែ

ភ្នំពេញ៖ អគ្គនាយកដ្ឋានពន្ធដារ ប្រមូលចំណូលពន្ធ-អាករគ្រប់ប្រភេទ ក្នុងរយៈពេល៥ខែ ឆ្នាំ២០២៣ បានចំនួនជាង ៧ ៣៨៩ ប៊ីលានរៀល ត្រូវប្រមាណជាង ១ ៨២៦ លានដុល្លារ ស្មើនឹង ៥១ ភាគរយ នៃផែនការច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកលើកឡើងក្នុងកិច្ច ប្រជុំបូកសរុបលទ្ធផលប្រមូលចំណូលពន្ធប្រចាំខែ ឧសភា និងសម្រាប់រយៈពេល ៥ខែ ឆ្នាំ២០២៣ នៅថ្ងៃទី១៥ ខែមិថុនា ឆ្នាំ២០២៣នេះថា ក្នុងខែឧសភា ឆ្នាំ ២០២៣នេះ ចំណូលពន្ធ-អាករគ្រប់ប្រភេទដែលអគ្គនាយកដ្ឋានពន្ធដារប្រមូលបានជាក់ស្តែង តាមប្រព័ន្ធគ្រប់គ្រងទិន្នន័យចំណូលអនឡាញ បានចំនួនជាង ៩៥៥ ប៊ីលានរៀល ត្រូវប្រមាណជាង ២៣៥ លានដុល្លារ ស្មើនឹង ៦,៦០% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ ។ចំណែរយៈពេល ៥ ខែ ឆ្នាំ ២០២៣ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបាន មានចំនួនជាង ៧ ៣៨៩ ប៊ីលានរៀល ត្រូវប្រមាណជាង ១ ៨២៦ លានដុល្លារ ស្មើនឹង ៥១,១៤% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។តាមរយៈស្ថានភាពនៃចំណូលពន្ធសម្រាប់រយៈពេល ៥ ខែ ឆ្នាំ២០២៣ អគ្គនាយកដ្ឋានពន្ធដាររំពឹងថា ការអនុវត្តការងារគ្រប់គ្រងប្រមូលចំណូលពន្ធសម្រាប់ឆ្នាំ២០២៣ អាចនឹងសម្រេចបានគ្រប់តាមផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ ដែលបានកំណត់ជាង ១៤ ពាន់ប៊ីលានរៀល ត្រូវប្រមាណជាង ៣ ៥៧១ លានដុល្លារ។សូមបញ្ជាក់ថា ជុំវិញការប្រមូលចំណូលនេះ ក្នុងនោះចំពោះការប្រមូលចំណូលពន្ធ ពីប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក (E-Commerce) ក្នុងខែឧសភា ឆ្នាំ ២០២៣ អនុវត្តបានជាង ២៣ ប៊ីលានរៀល ត្រូវប្រមាណជា ៥,៧០ លានដុល្លារ បើគិតរយៈពេល ៥ ខែ ឆ្នាំ២០២៣វិញ ការប្រមូលចំណូលពីវិស័យនេះ អនុវត្តបានជាង ១៣១ ប៊ីលានរៀល ត្រូវប្រមាណជា ៣២លានដុល្លារ៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

BREAKING NEWS លោក Trump និយាយថា ឥណ្ឌា និងប៉ាគីស្ថាន បានយល់ព្រមលើបទឈប់បាញ់មួយ

ឯកឧត្តម ប្រាក់ សុខុន៖ សមាជិកថ្មីរបស់គណបក្សប្រជាជនកម្ពុជា ជាអ្នកបន្តវេនរួមចំណែកការពារសមិទ្ធផលជូនពលរដ្ឋ

វិមានក្រឹមឡាំងនិយាយថាលោក Putin កំពុងធ្វើអ្វីៗតាមដែលអាចធ្វើទៅបាន ដើម្បីសន្តិភាពអ៊ុយក្រែន

ក្រុមហ៊ុនទឹកស្អាតអានកូក្រុងកំពង់ឆ្នាំង បន្តកាយដីចេញ ក្រោមការត្រួតពិនិត្យពីក្រសួងធនធានទឹក

រដ្ឋាភិបាលក្នុងតំបន់កាស្មៀររបស់ប៉ាគីស្ថាន និយាយថាមនុស្ស១១នាក់ស្លាប់ក្នុងការបាញ់ផ្លោងកាំភ្លើងធំរបស់ឥណ្ឌា

នាយឧត្តមសេនីយ៍ ស ថេត អញ្ជើញចុះសួរសុខទុក្ខនាយទាហាន ពលទាហាន បញ្ជាការដ្ឋានអង្គរក្ស ខ.ភ.ម

ក្រុមគ្រួសារចំណាប់ខ្មាំងក្នុងដៃក្រុមហាម៉ាស បង្ហាញទុក្ខព្រួយកាន់តែខ្លាំងចំពោះជោគវាសនាមនុស្សជាទីស្រឡាញ់ពួកគេ

ក្រុមមេដឹកនាំអឺរ៉ុបកំពុងស្ថិតនៅអ៊ុយក្រែន ដើម្បីជំរុញរុស្ស៊ីឲ្យមានបទឈប់បាញ់៣០ថ្ងៃ

ប្រភពបាននិយាយថា អ៊ីរ៉ង់ នឹងបញ្ជូនជើងទម្របាញ់មីស៊ីលរយៈចម្ងាយខ្លីឲ្យទៅរុស្ស៊ី

ចិន បង្ហាញក្ដីបារម្ភខ្លាំងដោយស្នើសុំខ្លួនជួយដោះស្រាយជម្លោះរវាងឥណ្ឌា និងប៉ាគីស្ថាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877