BTV NEWS

អ្នកតាមដានព្រឹត្តិការណ៍សង្គម និងប្រជាពលរដ្ឋ កោតសរសើររាជរដ្ឋាភិបាលក្នុងការបោសសំអាតការឆបោកតាមអនឡាញ

កម្ពុជាសហការជាមួយបណ្តាប្រទេសជាដៃគូរបង្ក្រាបករណីដឹកជញ្ជូនគ្រឿងញៀនឆ្លងដែនក្នុងឆ្នាំ២០២៥ ទទួលបានលទ្ធផលល្អ

នៅឆ្នាំ២០២៥ មន្ទីរប្រឆាំងបទល្មើសគ្រឿងញៀនបង្ក្រាបបទល្មើសគ្រឿងញៀនជាង ៩ពាន់ករណី ឃាត់ខ្លួនជនសង្ស័យជាង ២ម៉ឺននាក់ និងចាប់យកសារធាតុញៀនជាង ៧តោន

រដ្ឋបាលរាជធានីភ្នំពេញ បង្ក្រាបទីតាំងហ្គេមអនឡាញខុសច្បាប់ក្នុងខណ្ឌចំការមនឃាត់ខ្លួនជនជាតិឥណ្ឌូណេស៊ី ២៤នាក់

សន្តិសុខ និង សង្គម

ហៃទី ប្រកាសដាក់ប្រទេសក្នុងគ្រាអាសន្ន ស្របពេលមានអំពើហិង្សា និងការរត់គេចខ្លួនរបស់អ្នកទោស

រដ្ឋាភិបាលរបស់ប្រទេសហៃទី បានប្រកាសដាក់ប្រទេសក្នុងភាពអាសន្នកាលពីល្ងាចថ្ងៃអាទិត្យ (០៣ មីនា) បន្ទាប់ពីការប៉ះទង្គិចគ្នាដោយហិង្សានៅក្នុងរដ្ឋធានី ដែលបានធ្វើឱ្យខូចបណ្ដាញទំនាក់ទំនង និងនាំឱ្យមានការហែកពន្ធនាគារចំនួនពីរកន្លែង ខណៈមេដឹកនាំក្រុមអន្ធពាលដ៏ធំមួយប្ដេជ្ញាបណ្តេញនាយករដ្ឋមន្ត្រីហៃទី លោក អារៀល ហិនរី (Ariel Henry) ចេញពីតំណែង។សេចក្តីថ្លែងការណ៍បាននិយាយថា ដើម្បីស្តារសណ្តាប់ធ្នាប់ឡើងវិញ រដ្ឋាភិបាលបានដាក់ចេញជាបន្ទាន់នូវបម្រាមគោចរនៅទូទាំងទឹកដីភាគខាងលិចសម្រាប់រយៈពេល «ដែលអាចនឹងបន្តចំនួន ៧២ ម៉ោង»។បម្រាមគោចរនេះនឹងអនុវត្ត «នៅចន្លោះម៉ោងប្រាំមួយល្ងាច និងម៉ោងប្រាំព្រឹក នៅថ្ងៃអាទិត្យ ទី០៣ ថ្ងៃច័ន្ទ ទី០៤ ថ្ងៃអង្គារ ទី០៥ និងថ្ងៃពុធ ទី០៦ ខែមីនា ឆ្នាំ២០២៤ នេះ»។ ក្រុមអនុវត្តច្បាប់ អ្នកពន្លត់អគ្គិភ័យ អ្នកបើកបររថយន្តគិលានសង្គ្រោះ បុគ្គលិកសុខាភិបាល និងអ្នកសារព័ត៌មាន ដែលមានអត្តសញ្ញាណត្រឹមត្រូវ នឹងមិនចាំបាច់ត្រូវអនុវត្តតាមបម្រាមគោចរនេះទេ។ក្រឹត្យស្តីពីគ្រាអាសន្ននេះ ធ្វើឡើងបន្ទាប់ពីមានការកើនឡើងយ៉ាងខ្លាំងនៅក្នុងអំពើហិង្សាកាលពីចុងសប្តាហ៍ ដែលបានធ្វើឱ្យផ្នែកខ្លះនៃរដ្ឋធានី ដាច់បណ្ដាញទំនាក់ទំនង និងនាំឱ្យមានការហែកពន្ធនាគារចំនួនពីរកន្លែង ដែលមួយក្នុងនោះជាពន្ធនាគារធំបំផុតរបស់ប្រទេស៕

ស្ថានទូតចិន ថ្កោលទោសការលើកឡើងរបស់បេសកជនហ្វីលីពីន ស្តីពីសមុទ្រចិនខាងត្បូង

ស្ថានទូតចិនប្រចាំប្រទេសហ្វីលីពីន កាលពីថ្ងៃអាទិត្យ (០៣ មីនា) បាននិយាយថាខ្លួន «ថ្កោលទោសយ៉ាងខ្លាំង» ទៅលើឯកអគ្គរដ្ឋទូតហ្វីលីពីន ប្រចាំនៅទីក្រុងវ៉ាស៊ីនតោន ចំពោះការលើកឡើងទាក់ទងនឹងប្រទេសចិននាពេលថ្មីៗនេះលើសមុទ្រចិនខាងត្បូង ដោយនិយាយថា ការលើកឡើងទាំងនោះ «ផ្ទុយពីមូលដ្ឋាននៃការពិត»។លោក ហូសេ ម៉ានូអ៊ែល រ៉ូម៉ូលដេស (Jose Manuel Romualdez) ឯកអគ្គរដ្ឋទូតហ្វីលីពីន ប្រចាំនៅទីក្រុងវ៉ាស៊ីនតោន បាននិយាយកាលពីថ្ងៃពុធថា ខណៈពេលដែលសហរដ្ឋអាមេរិកមើលឃើញទាំងបញ្ហាសមុទ្រចិនខាងត្បូង និងលទ្ធភាពនៃជម្លោះតៃវ៉ាន់ ថាជា «ក្តីបារម្ភដ៏ធ្ងន់ធ្ងរ» លោកជឿថា «ចំណុចសំខាន់ពិតប្រាកដគឺសមុទ្រហ្វីលីពីនខាងលិច» ដោយសារការប៉ះទង្គិចទាំងអស់បានកើតឡើងនៅទីនោះ។ ស្ថានទូតចិន បាននិយាយនៅក្នុងសេចក្តីថ្លែងការណ៍មួយថា ការលើកឡើងនេះ «ចង់បំភ្លៃបញ្ហាសមុទ្រចិនខាងត្បូង ហើយធ្វើឱ្យមានការទាយទុកផ្ដេសផ្ដាស និងការជេរប្រមាថប្រឆាំងនឹងប្រទេសចិន»។ស្ថានទូតនេះបន្ថែមថា «ការនាំសត្វចចកចូលក្នុងផ្ទះ និងការមើលតែមួយជ្រុង នឹងមិនគ្រាន់តែមិនជួយដោះស្រាយភាពខុសគ្នានៅក្នុងសមុទ្រចិនខាងត្បូងប៉ុណ្ណោះទេ ប៉ុន្តែផ្ទុយទៅវិញវានឹងធ្វើឱ្យស្ថានការណ៍ក្នុងតំបន់ស្មុគស្មាញ ព្រមទាំងធ្វើឱ្យខូចដល់សន្តិភាព និងស្ថិរភាពក្នុងតំបន់ផងដែរ»៕

ក្រុមឧទ្ទាមហ៊ូទីនៅប្រទេសយេម៉ែន ប្តេជ្ញាថា ពួកគេនឹងបន្តវាយប្រហារទៅលើនាវារបស់អង់គ្លេស

ក្រុមហ៊ូទីដែលគាំទ្រដោយអ៊ីរ៉ង់នៅប្រទេសយេម៉ែន បានប្តេជ្ញាកាលពីថ្ងៃអាទិត្យថា នឹងបន្តកំណត់គោលដៅលើនាវាអង់គ្លេសនៅឈូងសមុទ្រ Aden បន្ទាប់ពីការវាយប្រហារពន្លិចនាវា Rubymar របស់ចក្រភពអង់គ្លេស។យោធាអាមេរិក បានបញ្ជាក់កាលពីថ្ងៃសៅរ៍ថា នាវា Rubymar ដែលជាកម្មសិទ្ធិរបស់ចក្រភពអង់គ្លេសបានលិច បន្ទាប់ពីត្រូវបានវាយប្រហារដោយមីស៊ីលប្រឆាំងនាវាដែលបាញ់ដោយក្រុមសកម្មប្រយុទ្ធហ៊ួទីយេម៉ែន កាលពីថ្ងៃទី១៨ ខែកុម្ភៈ។លោក Hussein al-Ezzi អនុរដ្ឋមន្ត្រីការបរទេសក្នុងរដ្ឋាភិបាលដឹកនាំដោយក្រុមហ៊ួទី បាននិយាយនៅក្នុងសារបង្ហោះនៅលើបណ្តាញសង្គមX ថា៖«ប្រទេសយេម៉ែន នឹងបន្តវាយប្រហារពន្លិចនាវាអង់គ្លេសបន្ថែមទៀត ហើយផលប៉ះពាល់ ឬការខូចខាតផ្សេងទៀត នឹងត្រូវបានបញ្ចូលទៅក្នុងការរបាយការណ៍ចោទ ប្រកាន់របស់ចក្រភពអង់គ្លេស»។«វាគឺជារដ្ឋទុច្ចរិតដែលវាយប្រហារយេម៉ែន និងជាដៃគូជាមួយអាមេរិក ក្នុងការឧបត្ថម្ភឧក្រិដ្ឋកម្ម ដែលកំពុងបន្តប្រឆាំងនឹងជនស៊ីវិល នៅតំបន់ហ្កាហ្សា»។ក្រុមសកម្មប្រយុទ្ធហ៊ួទី បានធ្វើការវាយប្រហារដោយយានដ្រូន និងមីស៊ីលម្តងហើយម្តងទៀតប្រឆាំងនឹងការដឹកជញ្ជូនពាណិជ្ជកម្មអន្តរជាតិ ចាប់តាំងពីពាក់កណ្តាលខែវិច្ឆិកា ដោយនិយាយថា ពួកគេកំពុងធ្វើសកម្មភាព ក្នុងសាមគ្គីភាពជាមួយប៉ាឡេស្ទីន ប្រឆាំងនឹងសកម្មភាពយោធារបស់អ៊ីស្រាអែល នៅតំបន់ហ្កាហ្សា។ការវាយប្រហារនៅសមុទ្រក្រហមរបស់ពួកគេ បានរំខានដល់ការដឹកជញ្ជូនជាសកល ដោយបង្ខំឲ្យក្រុមហ៊ុន ធ្វើផ្លូវឡើងវិញទៅកាន់ការធ្វើដំណើរដែលវែងឆ្ងាយជាង និងចំណាយច្រើនជាងនេះ នៅជុំវិញអាហ្វ្រិកខាងត្បូង ហើយបានបង្កឲ្យមានការភ័យខ្លាចថា សង្គ្រាមអ៊ីស្រាអែល និងក្រុមហាម៉ាស អាចរីករាលដាលដល់អស្ថិរភាព នៅមជ្ឈិមបូព៌ា។

ចំនួនអ្នកស្លាប់ជនជាតិប៉ាឡេស្ទីន ក្នុងសង្គ្រាមអ៊ីស្រាអែល នៅតំបន់ហ្កាហ្សា ឡើងដល់ជាង ៣០.៤០០ នាក់

ក្រសួងសុខាភិបាលហ្កាហ្សា បាននិយាយថា ចំនួនអ្នកស្លាប់របស់ប៉ាឡេស្ទីន នៅតំបន់ហ្កាហ្សា បានបន្តកើនឡើងកាលពីថ្ងៃអាទិត្យ (០៣ មីនា) ដោយយ៉ាងហោចណាស់មានជនជាតិប៉ាឡេស្ទីន ៩០ នាក់បានស្លាប់ និងមនុស្ស ១៧៧ នាក់ផ្សេងទៀតបានរងរបួសនៅក្នុងការវាយប្រហាររបស់អ៊ីស្រាអែល ក្នុងរយៈពេល ២៤ ម៉ោងចុងក្រោយនេះ។ ក្រសួងបាននិយាយនៅក្នុងសេចក្តីថ្លែងការណ៍មួយថា មនុស្សជាច្រើននៅតែជាប់ខ្លួននៅក្រោមគំនរបាក់បែក និងនៅលើដងផ្លូវ ខណៈអ្នកជួយសង្គ្រោះមិនអាចទៅដល់ពួកគេ។ដោយបំពានលើសេចក្តីសម្រេចបណ្ដោះអាសន្នរបស់តុលាការយុត្តិធម៌អន្តរជាតិ អ៊ីស្រាអែលបានបន្តការវាយលុករបស់ខ្លួនលើតំបន់ហ្កាហ្សាស្រ្ទីប ជាទីដែលមានជនជាតិប៉ាឡេស្ទីនយ៉ាងហោចណាស់ ៣០.៤១០ នាក់ត្រូវបានសម្លាប់ ភាគច្រើនជាស្ត្រី និងកុមារ ហើយមនុស្ស ៧១.៧០០ នាក់បានរងរបួសចាប់តាំងពីថ្ងៃទី០៧ ខែតុលាមក នេះបើយោងតាមអាជ្ញាធរសុខាភិបាលប៉ាឡេស្ទីន។សង្គ្រាមអ៊ីស្រាអែលនៅលើតំបន់ហ្កាហ្សា បានរុញច្រានប្រជាជនចំនួន ៨៥ ភាគរយនៃទឹកដីហ៊ុមព័ទ្ធនេះឱ្យមានការផ្លាស់ទីលំនៅខាងក្នុង ស្របពេលមានការខ្វះខាតស្បៀងអាហារ ទឹកស្អាត និងថ្នាំពេទ្យ ខណៈចំនួន ៦០ ភាគរយនៃហេដ្ឋារចនាសម្ព័ន្ធនៃតំបន់ជុំវិញនោះត្រូវបានខូចខាត ឬបំផ្លាញ នេះបើយោងតាមអង្គការសហប្រជាជាតិ៕

ក្រុមវេជ្ជបណ្ឌិតកូរ៉េខាងត្បូងរាប់ពាន់នាក់ នៅតែបន្តតវ៉ា ខណៈការជាប់គាំងវិស័យសុខាភិបាលកាន់តែធ្ងន់ធ្ងរ

វេជ្ជបណ្ឌិតកូរ៉េខាងត្បូងរាប់ពាន់នាក់ បានតវ៉ាកាលពីថ្ងៃអាទិត្យ ទី៣ មីនា ក្នុងទីក្រុងសេអ៊ូល ក្នុងការកើនឡើងនៃការប្រឈមដាក់គ្នាជាមួយរដ្ឋាភិបាលជុំវិញកំណែទម្រង់ការបណ្តុះបណ្តាលផ្នែកវេជ្ជសាស្រ្ត ដែលបានមើលឃើញថាគ្រូពេទ្យហាត់ការក្មេងៗ បានលាឈប់ពីការងារយ៉ាងច្រើន ដែលធ្វើអោយមន្ទីរពេទ្យធ្លាក់ចូលទៅក្នុងភាពវឹកវរ។ វេជ្ជបណ្ឌិតវ័យក្មេងប្រហែល១ម៉ឺននាក់ បានឈប់ធ្វើការ និងឈប់ធ្វើការជិត២ សប្តាហ៍មុន ដើម្បីតវ៉ាប្រឆាំងការបង្កើនចំនួននិស្សិតពេទ្យចូលរៀននៅសាលាវេជ្ជសាស្ត្រចាប់ពីឆ្នាំក្រោយនេះ ដើម្បីទប់ទល់នឹងកង្វះគ្រូពេទ្យ និងការកើនឡើងមនុស្សវ័យចំណាស់កាន់តែច្រើន។ ក្រុមគ្រូពេទ្យជំនាញដែលធ្វើកូដកម្មបានផ្គើននឹងការដាក់ឱសានុវាទកាលកំណត់របស់រដ្ឋាភិបាលកាលពីថ្ងៃទី២៩ ខែកុម្ភៈ ដើម្បីឱ្យពួកគេត្រឡប់ចូលធ្វើការវិញ បើមិនព្រមទេ នឹងត្រូវប្រឈមចំណាត់ការផ្លូវច្បាប់ រួមទាំងការចាប់ខ្លួនដែលអាចកើតមាន ឬការព្យួរអាជ្ញាប័ណ្ណវេជ្ជសាស្ត្ររបស់ពួកគេ។ ក្រុមបាតុករបានពាក់ម៉ាស់ពណ៌ខ្មៅ និងគ្រវីសញ្ញាផ្សេងៗ ដោយនិយាយថា យើងប្រឆាំងនឹងការកើនឡើងនៃការចូលរៀនរបស់និស្សិតពេទ្យនៅសាលាពេទ្យ។លោកKim Taek-woo មកពីសមាគមគ្រូពេទ្យកូរ៉េបានប្រាប់ក្រុមបាតុករថា រដ្ឋាភិបាលកំពុងជំរុញកំណែទម្រង់ជាឯកតោភាគី ហើយថាគ្រូពេទ្យមិនអាចទទួលយកបានក្នុងកាលៈទេសៈណាក៏ដោយ ។រដ្ឋាភិបាលដឹងច្បាស់អំពីមូលហេតុដែលគ្រូពេទ្យទាំងអស់ប្រឆាំងទៅនឹងការកើនឡើងនៃការចូលរៀននៅសាលាពេទ្យ ប៉ុន្តែកំពុងកេងប្រវ័ញ្ចគោលនយោបាយដើម្បីប្រែក្លាយវេជ្ជបណ្ឌិតទៅជាទាសករជារៀងរហូត។ ការដើរចេញពីការងារទ្រង់ទ្រាយធំបានធ្វើឱ្យប៉ះពាល់ដល់មន្ទីរពេទ្យ ខណៈការព្យាបាល និងការវះកាត់សំខាន់ៗត្រូវបានលុបចោល ដែលជំរុញឱ្យរដ្ឋាភិបាលបង្កើនការប្រុងប្រយ័ត្នផ្នែកសុខភាពសាធារណៈដល់កម្រិតខ្ពស់បំផុត៕

អនុប្រធានាធិបតីអាមេរិក៖ ត្រូវតែមានបទឈប់បាញ់ជាបន្ទាន់នៅក្នុងតំបន់ហ្កាហ្សា

លោកស្រីអនុប្រធានាធិបតីអាមេរិក Kamala Harris កាលពីថ្ងៃអាទិត្យទី៣ខែមីនា បានអំពាវនាវឲ្យមានបទឈប់បាញ់ជាបន្ទាន់នៅក្នុងតំបន់ហ្កាហ្សា និងបានដាក់សម្ពាធយ៉ាងខ្លាំងលើអ៊ីស្រាអែល ឲ្យបង្កើនលំហូរជំនួយ ដើម្បីកាត់បន្ថយនូវអ្វីដែលលោកស្រី បានហៅថាជា ស្ថានភាពអមនុស្សធម៌ គ្រោះមហន្តរាយមនុស្សធម៌ ហើយមនុស្សកំពុងអត់ឃ្លានក្នុងចំណោមប្រជាពលរដ្ឋប៉ាឡេស្ទីន។ លោកស្រី Harris ក៏បាននិយាយយ៉ាងទទូចផងដែរ ដោយអំពាវនាវឲ្យអ៊ីស្រាអែលបន្ធូរបន្ថយស្ថានភាពដ៏វិនាសកម្មនៅក្នុងតំបន់ហ្កាហ្សា។ ថ្លែងនៅឯព្រឹត្តិការណ៍មួយក្នុងទីក្រុង Selma រដ្ឋ Alabama ដើម្បីរម្លឹកខួប៥៩ឆ្នាំនៃហេតុការណ៍ សម្លាប់មនុស្សយ៉ាងរង្គាល ដែលគេបានដាក់ឈ្មោះថា ហេតុការណ៍សម្លាប់មនុស្សដ៏សាហាវបំផុត"Bloody Sunday,"នៅក្នុងដែនដីអៀរឡង់ខាងជើងរបស់អង់គ្លេសកាលពីឆ្នាំ ១៩៧២ នៅពេលទាហានរដ្ឋបានវាយប្រហារដោយហិង្សាលើក្រុមអ្នកតវ៉ា អនុប្រធានាធិបតី រូបនេះ បានជំរុញឲ្យក្រុមហាម៉ាស ទទួលយកកិច្ចព្រមព្រៀង ដោះលែងចំណាប់ថ្នូរ ដែលនឹងចាប់ផ្ដើមបទឈប់បាញ់រយៈពេល៦សប្ដាហ៍ និងអនុញ្ញាតឲ្យជំនួយចូលទៅក្នុងតំបន់ហ្កាហ្សា។លោកស្រី និងលោកប្រធានាធិបតី Joe Biden បានអំពាវនាវឲ្យ អ៊ីស្រាអែលធ្វើកិច្ចការឲ្យបានច្រើនថែមទៀត ដើម្បីការពារជីវិតជនស៊ីវិល នៅហ្កាហ្សា និងបើកឲ្យជំនួយមនុស្សធម៌ចាំបាច់ចូលទៅជួយដល់ពលរដ្ឋប៉ាឡេស្ទីន៕

អ៊ីស្រាអែល ធ្វើពហិការមិនចូលរួមកិច្ចចរចាបទឈប់បាញ់ហ្កាហ្សា ជុំវិញបញ្ជីចំណាប់ថ្នូរ

សារព័ត៌មានអ៊ីស្រាអែលមួយបានរាយការណ៍ថា អ៊ីស្រាអែល បានធ្វើពហិការមិនចូលរួមកិច្ចចរចាបទឈប់បាញ់របស់តំបន់ហ្កាហ្សា នៅទីក្រុងគែរ កាលពីថ្ងៃអាទិត្យ (០៣ មីនា) បន្ទាប់ពីក្រុមហាម៉ាស បានបដិសេធការទាមទាររបស់អ៊ីស្រាអែលសម្រាប់បញ្ជីឈ្មោះពេញលេញនៃចំណាប់ថ្នូរដែលនៅរស់។គណៈប្រតិភូក្រុមហាម៉ាស បានទៅដល់ទីក្រុងគែរ សម្រាប់កិច្ចពិភាក្សានេះ ដោយចាត់ទុកថាជាឧបសគ្គចុងក្រោយដែលអាចកើតមាន មុនពេលទទួលបានកិច្ចព្រមព្រៀងមួយដែលនឹងបញ្ឈប់ការប្រយុទ្ធគ្នារយៈពេលប្រាំមួយសប្តាហ៍ ប៉ុន្តែរហូតដល់ពេលល្ងាច គេមិនឃើញភាគីអ៊ីស្រាអែលណាម្នាក់បង្ហាញខ្លួននោះទេ។សារព័ត៌មាន វ៉ាយណេត (Ynet) របស់អ៊ីស្រាអែលបានដកស្រង់សម្តីក្រុមមន្ត្រីអ៊ីស្រាអែលមិនបញ្ចេញអត្តសញ្ញាណ ដែលបាននិយាយថា «មិនមានគណៈប្រតិភូអ៊ីស្រាអែល នៅទីក្រុងគែរទេ ដោយសារក្រុមហាម៉ាស បដិសេធមិនផ្តល់ចម្លើយច្បាស់លាស់លើបញ្ជីឈ្មោះពេញលេញរបស់ចំណាប់ថ្នូរដែលនៅរស់ ដូច្នេះហើយគ្មានហេតុផលដើម្បីបញ្ជូនគណៈប្រតិភូអ៊ីស្រាអែល ទៅក្នុងកិច្ចចរចានោះឡើយ»។ទីក្រុងវ៉ាស៊ីនតោន បានទទូចថាកិច្ចព្រមព្រៀងបទឈប់បាញ់អាចសម្រេចបានឆាប់ៗ ហើយគួរតែធ្វើឡើងទាន់ពេលវេលាដើម្បីបញ្ឈប់ការប្រយុទ្ធគ្នានៅដើមខែបុណ្យរ៉ាម៉ាដាន ដែលមានរយៈពេលប៉ុន្មានថ្ងៃទៀតប៉ុណ្ណោះ ប៉ុន្តែភាគីជម្លោះបានផ្តល់សញ្ញាតិចតួចណាស់ពីការបោះបង់ចោលលក្ខខណ្ឌទាមទារពីមុន ដែលភាគីទាំងសងខាងបានបដិសេធ៕

ក្រុមប្រជាកសិករឥណ្ឌា គ្រោងហែក្បួនតវ៉ាទៅកាន់រដ្ឋធានី Delhi ទាមទារឲ្យរដ្ឋាភិបាលដំឡើងថ្លៃផលិតផលសកិកម្ម

មេដឹកនាំការតវ៉ា បាននិយាយថា ក្រុមប្រជាកសិករឥណ្ឌា គ្រោងហែក្បួនទៅកាន់រដ្ឋធានី New Delhi នៅថ្ងៃពុធទី៦ខែកុម្ភៈ ខណៈពួកគេជំរុញការទាមទារឲ្យរដ្ឋាភិបាលដំឡើងតម្លៃផលិតផលដំណាំកសិកម្មរបស់ពួកគេឲ្យបានខ្ពស់ជាងសព្វថ្ងៃ បន្ទាប់ពីការចរចាជាច្រើនជុំបរាជ័យ។ ក្រុមមេដឹកនាំសហជីពកសិកម្ម កំពុងស្វែងរកការធានាការគាំទ្រពីរដ្ឋ ឬការទិញមានតម្លៃទាបសម្រាប់ផលិតផលកម្មសិកម្មរបស់ប្រជាកសិករ។មេដឹកនាំក្បួនតវ៉ា លោក ចាជីត ស៊ីញ ដាឡេវ៉ាល (Jagjit Singh Dallewal) បាននិយាយថា នៅថ្ងៃទី៦ខែមីនា សប្ដាហ៍នេះ ក្រុមប្រជាកសិករនឹងទៅកាន់រដ្ឋធានី Delhi ពីគ្រប់ទីកន្លែងទូទាំងប្រទេសតាមរថភ្លើង រយន្តក្រុង និងយន្តហោះ។ លោកបាននិយាយថា កសិករ ក៏នឹងបិទផ្លូវហាយវ៉េ ទូទាំងប្រទេស នៅថ្ងៃទី១០ខែមីនា ផងដែរ។ ការតវ៉ានានា បានចាប់ផ្ដើមផ្ទុះឡើងកាលពីដើមខែកុម្ភៈដោយមានការចូលរួមពីកសិកររាប់រយនាក់ នៅក្នុងរដ្ឋពុនចាប់(Punjab) ដែលមានបំណងនាំយុទ្ធនាការរបស់ពួកគេទៅកាន់រដ្ឋធានី Delh។ ពួកគេត្រូវបានរារាំងដោយនគរបាល និងកងទ័ពប៉ារ៉ា នៅទីក្រុងព្រំដែនសាមប៊ូ (Shambhu) ជាប់រដ្ឋហារីយ៉ាណា (Haryana) ស្ថិតនៅចម្ងាយប្រហែល២០០គីឡូម៉ែត្រពីរដ្ឋធានី Delhi។ រដ្ឋាភិបាល បានប្រកាសជួយដំឡើងថ្លៃសម្រាប់ដំណាំកសិកម្មជាង២០ប្រភេទក្នុងមួយឆ្នាំៗ ប៉ុន្តែទីភ្នាក់ងាររដ្ឋនានាទិញយកតែស្រូវ និងស្រូវសាលីប៉ុណ្ណោះ ក្នុងការជួយមានកម្រិត ហើយមានកសិករដែលដាំដំណាំទាំង២ប្រភេទប្រហែល៦%ប៉ុណ្ណោះដែលទទួលបានអត្ថប្រយោជន៍នេះ៕

យោធាអ៊ីស្រាអែល ពិនិត្យឃើញថា ការស្លាប់ភាគច្រើនរបស់អ្នកចាំយកជំនួយហ្កាហ្សា មកពីការរត់ជាន់គ្នា

យោធាអ៊ីស្រាអែល បាននិយាយកាលពីថ្ងៃអាទិត្យ (០៣ មីនា) ថាភាគច្រើននៃជនជាតិប៉ាឡេស្ទីន ដែលបានស្លាប់កាលពីសប្តាហ៍មុន ខណៈហ្វូងមនុស្សយ៉ាងច្រើនសម្រុកចូលក្បួនរថយន្តផ្តល់ជំនួយនៅហ្កាហ្សា គឺមកពីការរត់ជាន់គ្នា ប៉ុន្តែក្រុមមន្ត្រីសុខាភិបាលក្នុងតំបន់បាននិយាយថា ជនរងគ្រោះដែលនាំចូលទៅក្នុងមន្ទីរពេទ្យ មានរបួសពីការវាយប្រហារដោយគ្រាប់កាំភ្លើងធំ។សម្ពាធបានកើតមានលើអ៊ីស្រាអែល ជុំវិញការស្លាប់របស់ជនជាតិប៉ាឡេស្ទីនរាប់សិបនាក់ ក្នុងអំឡុងពេលឧប្បត្តិហេតុដ៏ច្របូកច្របល់នៅតំបន់ហ្កាហ្សាស្ទ្រីប កាលពីថ្ងៃព្រហស្បតិ៍ ដែលហ្វូងមនុស្សបានឡោមព័ទ្ធក្បួនរថយន្តដឹកជំនួយ និងទាហានបានបើកការបាញ់ប្រហារ ដោយមានប្រទេសជាច្រើនគាំទ្រការអំពាវនាវរបស់អង្គការសហប្រជាជាតិសម្រាប់ការស៊ើបអង្កេត។កាលពីថ្ងៃអាទិត្យ អ្នកនាំពាក្យយោធាសំខាន់របស់អ៊ីស្រាអែល លោកឧត្តមនាវីឯក ដានីញ៉ែល ហាហ្ការី (Daniel Hagari) បានប្រកាសពីលទ្ធផលនៃការពិនិត្យបឋមដែលបានរកឃើញថា ភាគច្រើននៃអ្នកស្លាប់ទាំងនោះ ដោយសារតែត្រូវហ្វូងមនុស្សជាន់ពីលើហើយត្រូវសង្កត់ស្លាប់ ខណៈដែលហ្វូងមនុស្សបានប្រញាប់ប្រញាល់សម្រុកចូលរថយន្តជំនួយ។បន្ថែមពីលើនេះ «មានបុគ្គលប៉ុន្មាននាក់ប៉ុណ្ណោះ» ត្រូវបានកំណត់គោលដៅ ខណៈកងទ័ពបានបាញ់ប្រហារទៅលើក្រុមមនុស្ស ដែលចូលទៅជិតពួកគេក្នុងស្ថានភាពបង្ហាញពីការគំរាមកំហែងភ្លាមៗ ដោយលោកបន្ថែមថាការស៊ើបអង្កេតឯករាជ្យមួយត្រូវបានបើក ប៉ុន្តែមិនផ្តល់ព័ត៌មានលម្អិតទេ៕

ឃាត់ខ្លួនជនសង្ស័យ ០៦នាក់ករណីប្លន់ម៉ូតូ០៣ករណីនៅរាជធានីភ្នំពេញ

ភ្នំពេញ ៖ កម្លាំងការិយាល័យនគរបាលព្រហ្មទណ្ឌកម្រិតស្រាល ស្នងការដ្ឋាននគរបាលរាជធានីភ្នំពេញ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ សហការជាមួយកម្លាំងអធិការដ្ឋាននគរបាលខណ្ឌដង្កោ ស្រាវជ្រាវឃាត់ខ្លួនជនសង្ស័យបន្តបន្ទាប់ ចំនួន០៦នាក់ ពាក់ព័ន្ធករណីប្លន់យកម៉ូតូនៅក្នុងរាជធានីភ្នំពេញ ចំនួន ០៣ករណីកាលពីថ្ងៃទី២៩ ខែកុម្ភៈ ឆ្នាំ២០២៤ ។លោកវរសេនីយ៍ទោ ម៉ម សាវន នាយការិយាល័យនគរបាលព្រហ្មទណ្ឌប្រាប់ឱ្យដឹងថាជនសង្ស័យទាំង ០៦នាក់ ដែលត្រូវសមត្ថកិច្ចឃាត់ខ្លួន ១-ឈ្មោះ ផល ពិសាល ហៅ ជ្រូក ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះគ្មានលេខ ផ្លូវលំ ភូមិចុងបង្គោល ឃុំបែកចាន ស្រុកអង្គស្នួល ខេត្តកណ្តាល។២-ឈ្មោះ ដួង រស្មី ហៅ ហ្វី ភេទ ប្រុស ជនជាតិ ខ្មែរ មុខរបរ រត់តុការ មានទីលំនៅផ្ទះគ្មានលេខ ផ្លូវជាតិលេខ១ ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល។៣-ឈ្មោះ ផាត សុភក្ត្រា ហៅ វីន ភេទ ប្រុស ជនជាតិ ខ្មែរ មុខរបរ រត់តុការ មានទីលំនៅផ្ទះគ្មានលេខ ផ្លូវជាតិលេខ១ ភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល។៤-ឈ្មោះ សៅ រតនា ហៅ ឃ្មុំ ភេទ ប្រុស ជនជាតិ ខ្មែរ មុខរបរ តុបតែងរោងការ មានទីលំនៅផ្ទះគ្មានលេខ ផ្លូវជាតិលេខ១ ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ។ ៥-ឈ្មោះ ផាន រតនៈពិសាល ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះគ្មានលេខ ផ្លូវលំ សង្កាត់ស្ទឹងមានជ័យ១ ខណ្ឌមានជ័យ។ ៦-ឈ្មោះ ហុង សុធារស ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះមិនចាំលេខ ផ្លូវមិនចាំលេខ ភូមិ១២ សង្កាត់វត្តភ្នំ ខណ្ឌដូនពេញ។ករណីទី១៖ នៅចំណុចផ្លូវ៥០ម៉ែត្រ ភូមិបាគូ សង្កាត់ដង្កោ ខណ្ឌដង្កោ កាលពីថ្ងៃទី២៩ ខែកុម្ភៈ ឆ្នាំ២០២៤ ។ ក្រុមជនសង្ស័យប្លន់ ម៉ូតូ ម៉ាកហុងដា សេ១២៥ ពណ៌ ខ្មៅ សេរីឆ្នាំ២០២២ ពាក់ផ្លាកលេខ តាកែវ១Z-៦២៨២ ។ករណីទី២៖ នៅចំណុចខាងជើងច្រកចូលបុរីវីអាយភីចម្ងាយ១០ម៉ែត្រ ផ្លូវលេខ២១៧ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ កាលពីថ្ងៃទី២៥ ខែកុម្ភៈ ឆ្នាំ២០២៤ ប្លន់ ម៉ូតូ ម៉ាកហុងដា សេ១២៥ ពណ៌ ខ្មៅ សេរីឆ្នាំ២០២៣ ពាក់ផ្លាកលេខ ភ្នំពេញ១KG-៧៣៣៩។ករណីទី៣៖ នៅចំណុចលើស្ពានព្រែកសំរោង ភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ កាលពីថ្ងៃទី២៤ ខែកុម្ភៈ ឆ្នាំ២០២៤ ប្លន់ម៉ូតូ ម៉ាកហុងដា សេ១២៥ ពណ៌ ស សេរីឆ្នាំ២០២២ ពាក់ផ្លាកលេខភ្នំពេញ១JH-៩៧២៣។ចំពោះជនសង្ស័យ និង វត្ថុតាងជាមធ្យោបាយជិះធ្វើសកម្មភាព ជំនាញការិយាល័យកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕ ដោយ ៖ តារាវុទ្ធី

បណ្ដាញសង្គម

ព័ត៌មានថ្មីៗ

ឯកឧត្តម ប៉ែន បូណា៖ «ព័ត៌មាន គឺជាអាវុធយុទ្ធសាស្ត្រ ក្នុងយុគសម័យបច្ចេកវិទ្យាទំនើប»

ព្រឹទ្ធសភាអាមេរិក គាំទ្រលោក Trump ឱ្យវាយប្រហារអ៊ីរ៉ង់ ដោយរារាំងកិច្ចប្រឹងប្រែងកម្រិតអំណាចសង្រ្គាម

កម្ពុជារក្សាបានទំនាក់ទំនងយ៉ាងល្អជាមួយប្រទេសមហាអំណាចចិន និងអាម៉េរិក

មនុស្ស ៨៧ នាក់បានស្លាប់ បន្ទាប់ពីនាវាចម្បាំងអ៊ីរ៉ង់ត្រូវបានវាយប្រហារដោយមីស៊ីលផ្លោងអាមេរិកនៅក្បែរសមុទ្រស្រីលង្កា

អ៊ីរ៉ាក់នឹងកាត់បន្ថយការផលិតប្រេង បើសិនជានាវាដឹកប្រេងមិនអាចធ្វើដំណើរឆ្លងកាត់ច្រកសមុទ្រ Hormuz

បារាំងបង្ហាញ «សាមគ្គីភាព» ជាមួយអេស្ប៉ាញ ក្រោយមានការគំរាមកំហែងពីអាមេរិកលើទីក្រុងម៉ាឌ្រីដ

ប្រតិភូអនុព័ន្ធយោធាបរទេស បន្តចុះសួរសុខទុក្ខប្រជាជនភៀសសឹកកម្ពុជាកំពុងបន្តរស់នៅជំរំក្នុងវត្តកណ្តោល ស្រុកថ្មពួកដែលមិនទាន់អាចវិលត្រឡប់ទៅកាន់លំនៅដ្ឋានវិញបានដោយសារថៃឈ្លានពាន

រដ្ឋមន្ត្រីក្រសួងកសិកម្ម ទទួលជួបគណៈប្រតិភូក្រុមប្រឹក្សាធុរកិច្ចសហភាពអឺរ៉ុប-អាស៊ានដើម្បីរកឱកាសវិនិយោគនៅប្រទេសកម្ពុជា

ការបាញ់ផ្លោង និងការផ្ទុះយ៉ាងខ្លាំង បង្កឲ្យមានការភ័យខ្លាចតាមបណ្តោយព្រំដែនប៉ាគីស្ថាន-អាហ្វហ្គានីស្ថាន

ស្ថាប័នបោះឆ្នោតថៃ អះអាងលទ្ធផលបោះឆ្នោតផ្លូវការ ដោយបើកផ្លូវឲ្យមានសភាថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877